“NSP OPEN U16 – Tennis Europe Junior Tour shpall fituesit
Shpallen fituesit e “NSP OPEN U16 – TENNIS EUROPE JUNIOR TOUR 2024”-Category 3, në Qendrën Kombëtare të Tenisit “National Sport Park” në Tiranë. Në këtë turne morën pjesë tenistë nga shtete të ndryshme të botës, si: Estoni, Itali, Britani e Madhe, Çeki, Austri, Turqi etj. por edhe tenistë shqiptarë si Ares Ferhati, Ariel Sulovari, Damian Methasani, Denis Gaba, Enian Mehmeti, Enki Hyseni dhe Kledi Gaba. Fitues në kategorinë Djem Singles u shpall tenisti italian Alessio BABUDRI me rezultatin 6-1, 6-2 ndaj finalistit Mikhail MICHSHENKO nga Kazakistani. Fituese në kategorinë Vajza Singles u shpall Linara BULESHEVA nga Kazakistani me rezultatin 6-3, 6-1 ndaj finalistes po nga Kazakistani, Sofiya KIROVA. Në kategorinë Doubles Djem fitues u shpallën Mikhail MICHSHENKO nga Kazakistani dhe Kristian STEFANOV nga Bullgaria me rezultatin 7-5, 7-5 ndaj finalistëve italianë Alessio BABUDRI dhe Nicolo’ CAMPETTI. Në kategorinë Doubles Vajza fituese u shpallën Eleni CHATZIAVRAAM nga Greqia dhe Agata KONARSKA nga Polonia me rezultatin 6-3, 6-3 ndaj finalisteve nga Kazakistani Linara BULESHEVA dhe Medina OTEPBERGEN. Falenderojmë të gjithë tenistët pjesëmarrës dhe i urojmë suksese në vazhdim.
U mbyll me sukses turneu ndërkombëtar “TIRANA OPEN U16″-Tennis Europe Junior Tour 2024
U mbyll me sukses turneu ndërkombëtar “TIRANA OPEN U16 – TENNIS EUROPE JUNIOR TOUR 2024”-Category 3, në Qendrën Kombëtare të Tenisit “National Sport Park” në Tiranë. Në këtë turne morën pjesë rreth 100 tenistë nga shtete të ndryshme të botës, si: Poloni, Itali, Britani e Madhe, Suedi, SHBA, Turqi etj. por edhe tenistë shqiptarë. Fitues në kategorinë Djem Singles u shpall Angelo DE CESARIS nga Italia me rezultatin 6-1, 6-2 ndaj finalistit nga Bullgaria Kristian STEFANOV. Fituese në kategorinë Vajza Singles u shpall tenistja turke Serra HASANBASOGLU me rezultatin 6-3, 6-3 ndaj finalistes Linara BULESHEVA nga Kazakistani. Në kategorinë Doubles Djem fitues u shpallën Angelo DE CESARIS dhe Alessandro RICCARDI nga Italia me rezultatin 6-4, 6-3 ndaj dyshes së tenistë finalist polak Maksymilian STOPA dhe Jerzy FILIP URBAN. Në kategorinë Doubles Vajza fituese u shpallën Linara BULESHEVA dhe Medina OTEPBERGEN nga Kazakistani me rezultatin 6-2, 4-6, 10-8 ndaj dyshes italiane finaliste Matilde IEZZA dhe Silvia MAFFI. I urojmë suksese dhe fat të gjithë fituesve dhe tenistëve pjesëmarrës!
NSP Open 2024 TEJT 14&U, Eric Ten dhe Alexandra Shreider shpallen fitues
Eric Ten dhe Alexandra Shreider shpallen fitues të turneut ndërkombëtar “NATIONAL SPORT PARK OPEN U14 – TENNIS EUROPE JUNIOR TOUR 2024”-Category 3, që u zhvillua gjatë kësaj jave në Qendrën Kombëtare të Tenisit në Tiranë. Në këtë turne morën pjesë rreth 100 tenistë nga 20 shtete të ndryshme të botës, si: Poloni, Bullgari, Britani e Madhe, Itali, Belgjikë, Turqi etj. por edhe tenistë shqiptarë si: Arbër Dano, Alex Prifti, Anjel Hoxha, Ares Ferhati, Enki Hyseni, Glora Bushati, Kaltër Qordja dhe Reisi Sukaj. Fitues në kategorinë Djem Singles u shpall Eric TEN nga Suedia me rezultatin 6-2, 6-1 ndaj finalistit Ondrej KACIN nga Çekia. Fituese në kategorinë Vajza Singles u shpall tenistja Alexandra SHREIDER nga Ukraina me rezultatin 6-1, 6-3 ndaj finalistes Emma NOUVIAN-HOUSSE nga Franca. Në kategorinë Doubles Djem fitues u shpallën Ondrej KACIN dhe Tobias ZAPSKY nga Çekia me rezultatin 3-6, 6-4, 10-6 ndaj dyshes nga Italia, Leonardo BARBERO dhe Axel CREMONINI që rezultuan finalistë. Në kategorinë Doubles Vajza fituese u shpallën Hannelore DANIELS nga Belgjika dhe Marie DEPREZ nga Franca me rezultatin 6-3, 6-0 ndaj finalisteve Alexandra SHREIDER nga Ukraina dhe Vasilisa ZARECINAIA nga Moldavia. Falenderojmë të gjithë tenistët pjesëmarrës dhe i urojmë suksese në vazhdim!
“TIRANA OPEN U14 – TENNIS EUROPE JUNIOR TOUR 2024”-Category 3 shpall fituesit
U mbyll me sukses turneu ndërkombëtar “TIRANA OPEN U14 – TENNIS EUROPE JUNIOR TOUR 2024”-Category 3, në Qendrën Kombëtare të Tenisit “National Sport Park” në Tiranë. Në këtë turne morën pjesë rreth 110 tenistë nga 20 shtete të ndryshme të botës, si: Spanjë, Britani e Madhe, Uzbekistan, Belgjikë, Greqi etj. por edhe tenistë shqiptarë. Fitues në kategorinë Djem Singles u shpall Cinar SENKAYA nga Turqia me rezultatin 6-2, 1-6, 7-6(6) ndaj finalistit Haqim KAMAL nga Britania e Madhe. Fituese në kategorinë Vajza Singles u shpall tenistja turke Zeliha Nil ÇUKURLUOGLU 6-3, 6-3 ndaj finalistes Ayanna Maria MITU nga Rumania. Në kategorinë Doubles Djem fitues u shpallën Ondrej KACIN dhe Tobias ZAPSKY nga Çekia me rezultatin 6-0, 6-4 ndaj Arsenii BELOV dhe Filip CIERNY nga Sllovakia. Në kategorinë Doubles Vajza fituese u shpallën Elizaveta NALESNIK dhe Doga ILHAN nga Turqia me rezultatin 6-3, 6-2 ndaj Lara Xenia GANTENBEIN nga Zvicrra dhe Ayanna Maria MITU nga Rumania. I urojmë suksese dhe fat të gjithë fituesve dhe tenistëve pjesëmarrës, ndërkohë sot po zhvillohen ndeshjet e turneut Tennis Europe Junior Tour “NSP Open 2024” 14&U, Category 3 në Qendrën Kombëtare të Tenisit “National Sport Park” në Tiranë.
U mbyll me sukses “TIRANA OPEN U12 – TENNIS EUROPE JUNIOR TOUR 2024”-Category 2, në Qendrën Kombëtare të Tenisit “National Sport Park” në Tiranë
U mbyll me sukses turneu ndërkombëtar “TIRANA OPEN U12 – TENNIS EUROPE JUNIOR TOUR 2024”-Category 2, në Qendrën Kombëtare të Tenisit “National Sport Park” në Tiranë. Në këtë turne morën pjesë rreth 80 tenistë nga 20 shtete të ndryshme të botës, si: Gjermani, Itali, Zvicër, Turqi, Kazakistan etj. por edhe tenistë shqiptarë që dhuruan emocione në lojë. Fitues në kategorinë Djem Singles u shpall Enzo BRITO nga Suedia me rezultatin 6-2, 5-7, 10-3 dhe finalist Lenart KADRIU nga Zvicra. Fituese në kategorinë Vajza Singles u shpall Adema ALSEIPULOVA nga Kazakistani me rezultatin 4-6, 6-3, 10-5 dhe finaliste Maryia MIKALAICHYK. Në kategorinë Doubles Vajza fituese u shpallën Arina SYROEZHKINA dhe Adema ALSEIPULOVA nga Kazakistani me rezultatin 6-3, 6-1 ndaj Maryia MIKALAICHYK dhe Emily LUZI nga Britania e Madhe. Në kategorinë Doubles Djem fitues u shpallën Noah HONSBERGER nga Zvicra dhe Nikita Alexander RUNG nga Gjermania me rezultatin 6-7(2), 6-2, 10-7 ndaj Temirlan ZHANTEMIROV nga Kazakistani dhe Julian ZIEBA nga Polonia. I urojmë suksese dhe fat të gjithë fituesve dhe tenistëve pjesëmarrës, ndërkohë kanë filluar ndeshjet kualifikuese të turneut ndërkombëtar të rradhës “Tennis Europe U14 – Tirana Open Junior Tour 2024”-Category 3, në Tiranë.
Maryia Mikalaichyk dhe Julian Zieba shpallen fitues të TENNIS EUROPE JUNIOR TOUR SHKODRA OPEN 2024 U12
Ka përfunduar me sukses turneu ndërkombëtar Tennis Europe Junior Tour ‘Shkodra Open 2024’ 12&U, Category 2 i mbajtur gjatë datave 25-31 Mars, në Adriatic Tennis Park në Shkodër. Në këtë turne morrën pjesë rreth 80 tenistë nga 20 shtete të ndryshme të botës, të cilët e bënë edhe më të veçantë këtë javë dhe me atmosferë pozitive me ndeshje të bukura tenisi. Fituesit dhe finalistët sipas kategorive: Girls Singles Winner: Maryia Mikalaichyk Finalist: Adema Alseipulova Boys Singles Winner: Julian Zieba Finalist: Lenart Kadriu Girls Doubles Winners:Maryia Mikalaichyk/Raya Petkova Finalists: Iris Grosso/Amira Khanipova Boys Doubles Winners: Temirlan Zhantemirov/Julian Zieba Finalists: Andrej Temov/Vasilij Zakoski Falenderojmë të gjithë tenistët pjesëmarrës dhe i urojmë suksese!
Presidenti i FSHT, Ferdinand Sulo nderohet me çmimin “Tennis Europe Award”
Presidenti i Federatës Shqiptare të Tenisit, z.Ferdinand Sulo nderohet me çmimin “Tennis Europe Award” nga Federata Europiane e Tenisit për punën e vazhdueshme përgjatë viteve në zhvillimin e tenisit në Shqipëri. Trofeu ju dorëzua nga z. Giorgio Di Palermo, zëvendës Presidenti i Federatës Europiane të Tenisit, gjatë ceremonisë zyrtare të Mbledhjes së Përgjithshme Vjetore në Portoroz, Slloveni. Ky çmim i akordohet për herë të parë një presidenti të Federatës Shqiptare të Tenisit. Urojmë Presidentin për çmimin e merituar dhe falenderojmë Tennis Europe.
Turneu i Pranverës 2024 shpall fituesit
Turneu i Pranverës shpall fituesit. Anxhela Karameno shpallet fituese në kategorinë Të rritur Vajza me rezultatin 7-5, 5-7, 10/8 dhe finaliste Alisia Guri. Martin Muhedini shpallet fitues në kategorinë Të rritur Djem me rezultatin 6-3, 6-4 dhe finalist Kledi Gaba. Falenderojmë organizatorët “Tennis Eralb Club” dhe gjyqtarin e turneut Kleid Vora të cilët në bashkëpunim me FSHT realizuan këtë turne në Qendrën Kombëtare të Tenisit, Tiranë (National Sport Park). Vlen të theksohet pjesëmarrja e gjerë e 40 lojtarëve Të rritur djem dhe vajza në një ambjent festiv të këtij turneu të përvitshëm.
“Adriatic Winter Cup 2024” me kategorinë ROG dhe U14
Është përbyllur turneu “Adriatic Winter Cup 2024” me kategorinë ROG dhe U14 të mbajtur në Adriatic Tennis Park gjatë datave 24-25 Shkurt 2024, i organizuar nga Shkodra Tennis Club në bashkëpunim me Federaten Shqiptare të Tenisit. Rreth 52 pjesëmarrës ishin në këtë turne përveç nga Shqipëria ishin edhe nga Kosova e Mali i Zi. Fituesit dhe finalistë e turneut sipas kategorive: U14 VAJZA Eva Angelina Radoman Jana Pesic U14 DJEM Ares Ferhati Heron Ajeti RED VAJZA Helia Hysaj Moana Tola RED DJEM Yll Karakashi Abel Curraj ORANGE VAJZA Guendalita Sterkaj Asia Mavriq ORANGE DJEM Matija Zivanovic Amri Sulejmani GREEN VAJZA Lena Raonic Filimona Radoman GREEN DJEM Kleis Rrota Dasli Kotrri Urime dhe suksese të gjithë tenistëve!
“Adriatic Winter Cup 2024” për kategoritë U12 dhe U18
Ka përfunduar turneu “Adriatic Winter Cup 2024” për kategoritë U12 dhe U18 të mbajtur në Adriatic Tennis Park gjatë datave 17-18 Shkurt, i organizuar nga Shkodra Tennis Club në bashkëpunim me Federaten Shqiptare të Tenisit. Turneut i shtohet edhe më shumë rëndësia me pjesëmarrjen e tenistëve përveç nga Shqipëria edhe nga Kosova, Mali i Zi e Maqedonia e Veriut. Fituesit dhe finalistë e turneut sipas kategorive: U12 VAJZAT Lina Rexha Eliza Murtezani U12 DJEMT Edon Ademi Floid Kaso U18 VAJZAT Anatereza Guli Anjel Hoxha U18 DJEMT Denis Gaba Belmin Sabovic Urime dhe suksese të gjithë tenistëve!