“NSP OPEN U16 – Tennis Europe Junior Tour shpall fituesit
Shpallen fituesit e “NSP OPEN U16 – TENNIS EUROPE JUNIOR TOUR 2024”-Category 3, në Qendrën Kombëtare të Tenisit “National Sport Park” në Tiranë. Në këtë turne morën pjesë tenistë nga shtete të ndryshme të botës, si: Estoni, Itali, Britani e Madhe, Çeki, Austri, Turqi etj. por edhe tenistë shqiptarë si Ares Ferhati, Ariel Sulovari, Damian Methasani, Denis Gaba, Enian Mehmeti, Enki Hyseni dhe Kledi Gaba. Fitues në kategorinë Djem Singles u shpall tenisti italian Alessio BABUDRI me rezultatin 6-1, 6-2 ndaj finalistit Mikhail MICHSHENKO nga Kazakistani. Fituese në kategorinë Vajza Singles u shpall Linara BULESHEVA nga Kazakistani me rezultatin 6-3, 6-1 ndaj finalistes po nga Kazakistani, Sofiya KIROVA. Në kategorinë Doubles Djem fitues u shpallën Mikhail MICHSHENKO nga Kazakistani dhe Kristian STEFANOV nga Bullgaria me rezultatin 7-5, 7-5 ndaj finalistëve italianë Alessio BABUDRI dhe Nicolo’ CAMPETTI. Në kategorinë Doubles Vajza fituese u shpallën Eleni CHATZIAVRAAM nga Greqia dhe Agata KONARSKA nga Polonia me rezultatin 6-3, 6-3 ndaj finalisteve nga Kazakistani Linara BULESHEVA dhe Medina OTEPBERGEN. Falenderojmë të gjithë tenistët pjesëmarrës dhe i urojmë suksese në vazhdim.
Tennis Europe Junior Tour “NSP Open 2024”, Denis Gaba në gjysmëfinale!
Denis Gaba arrin në gjysmëfinale! Tenisti shqiptar siguron gjysmëfinalen e turneut ndërkombëtar Tennis Europe Junior Tour “NSP Open 2024” 16&U, Category 3, që po zhvillohet në Qendrën Kombëtare të Tenisit “National Sport Park” Tiranë. Gaba arriti të mund me rezultatin 6-4,7-6(4) tenistin italian Nicolo’ CAMPETTI. Një ndeshje e fortë kjo dhe me emocion, që i siguroi tenistit shqiptar gjysmëfinalen e këtij turneu të rëndësishëm. Në Gjysmëfinale Denis GABA do të ndeshet me tenistin Mikhail MICHSHENKO nga Kazakistani. I urojmë Denisit fitore në vazhdim dhe bravo për arritjen!
NSP Open 2024 TEJT 14&U, Eric Ten dhe Alexandra Shreider shpallen fitues
Eric Ten dhe Alexandra Shreider shpallen fitues të turneut ndërkombëtar “NATIONAL SPORT PARK OPEN U14 – TENNIS EUROPE JUNIOR TOUR 2024”-Category 3, që u zhvillua gjatë kësaj jave në Qendrën Kombëtare të Tenisit në Tiranë. Në këtë turne morën pjesë rreth 100 tenistë nga 20 shtete të ndryshme të botës, si: Poloni, Bullgari, Britani e Madhe, Itali, Belgjikë, Turqi etj. por edhe tenistë shqiptarë si: Arbër Dano, Alex Prifti, Anjel Hoxha, Ares Ferhati, Enki Hyseni, Glora Bushati, Kaltër Qordja dhe Reisi Sukaj. Fitues në kategorinë Djem Singles u shpall Eric TEN nga Suedia me rezultatin 6-2, 6-1 ndaj finalistit Ondrej KACIN nga Çekia. Fituese në kategorinë Vajza Singles u shpall tenistja Alexandra SHREIDER nga Ukraina me rezultatin 6-1, 6-3 ndaj finalistes Emma NOUVIAN-HOUSSE nga Franca. Në kategorinë Doubles Djem fitues u shpallën Ondrej KACIN dhe Tobias ZAPSKY nga Çekia me rezultatin 3-6, 6-4, 10-6 ndaj dyshes nga Italia, Leonardo BARBERO dhe Axel CREMONINI që rezultuan finalistë. Në kategorinë Doubles Vajza fituese u shpallën Hannelore DANIELS nga Belgjika dhe Marie DEPREZ nga Franca me rezultatin 6-3, 6-0 ndaj finalisteve Alexandra SHREIDER nga Ukraina dhe Vasilisa ZARECINAIA nga Moldavia. Falenderojmë të gjithë tenistët pjesëmarrës dhe i urojmë suksese në vazhdim!
NSP Open 2024 TEJT 14&U, Arbër Dano dhe Enki Hyseni fitojnë përballjet e para
Arbër Dano dhe Enki Hyseni fitojnë përballjet e para në turneun ndërkombëtar Tennis Europe Junior Tour Arbër Dano dhe Enki Hyseni fitojnë përballjet e para në turneun ndërkombëtar Tennis Europe Junior Tour “NSP Open 2024” 14&U, Category 3 që po zhvillohet në Qendrën Kombëtare të Tenisit “National Sport Park” në Tiranë. Arbër DANO fitoi me rezultatin 6-1, 7-5 ndaj tenistit turk Doruk UNSAL, ndërsa përballjen e rradhës e ka me tenistin nga Rumania, Rares Alexandru MIRON. Enki HYSENI fitoi me rezultatin 6-4, 7-5 ndaj tenistes Anna BATUEVA nga Turqia dhe përballjen e rradhës e ka me tenisten ukrainase Alexandra SHREIDER. I urojmë shumë suksese në vijim tenistëve tanë!
“TIRANA OPEN U14 – TENNIS EUROPE JUNIOR TOUR 2024”-Category 3 shpall fituesit
U mbyll me sukses turneu ndërkombëtar “TIRANA OPEN U14 – TENNIS EUROPE JUNIOR TOUR 2024”-Category 3, në Qendrën Kombëtare të Tenisit “National Sport Park” në Tiranë. Në këtë turne morën pjesë rreth 110 tenistë nga 20 shtete të ndryshme të botës, si: Spanjë, Britani e Madhe, Uzbekistan, Belgjikë, Greqi etj. por edhe tenistë shqiptarë. Fitues në kategorinë Djem Singles u shpall Cinar SENKAYA nga Turqia me rezultatin 6-2, 1-6, 7-6(6) ndaj finalistit Haqim KAMAL nga Britania e Madhe. Fituese në kategorinë Vajza Singles u shpall tenistja turke Zeliha Nil ÇUKURLUOGLU 6-3, 6-3 ndaj finalistes Ayanna Maria MITU nga Rumania. Në kategorinë Doubles Djem fitues u shpallën Ondrej KACIN dhe Tobias ZAPSKY nga Çekia me rezultatin 6-0, 6-4 ndaj Arsenii BELOV dhe Filip CIERNY nga Sllovakia. Në kategorinë Doubles Vajza fituese u shpallën Elizaveta NALESNIK dhe Doga ILHAN nga Turqia me rezultatin 6-3, 6-2 ndaj Lara Xenia GANTENBEIN nga Zvicrra dhe Ayanna Maria MITU nga Rumania. I urojmë suksese dhe fat të gjithë fituesve dhe tenistëve pjesëmarrës, ndërkohë sot po zhvillohen ndeshjet e turneut Tennis Europe Junior Tour “NSP Open 2024” 14&U, Category 3 në Qendrën Kombëtare të Tenisit “National Sport Park” në Tiranë.
U mbyll me sukses “TIRANA OPEN U12 – TENNIS EUROPE JUNIOR TOUR 2024”-Category 2, në Qendrën Kombëtare të Tenisit “National Sport Park” në Tiranë
U mbyll me sukses turneu ndërkombëtar “TIRANA OPEN U12 – TENNIS EUROPE JUNIOR TOUR 2024”-Category 2, në Qendrën Kombëtare të Tenisit “National Sport Park” në Tiranë. Në këtë turne morën pjesë rreth 80 tenistë nga 20 shtete të ndryshme të botës, si: Gjermani, Itali, Zvicër, Turqi, Kazakistan etj. por edhe tenistë shqiptarë që dhuruan emocione në lojë. Fitues në kategorinë Djem Singles u shpall Enzo BRITO nga Suedia me rezultatin 6-2, 5-7, 10-3 dhe finalist Lenart KADRIU nga Zvicra. Fituese në kategorinë Vajza Singles u shpall Adema ALSEIPULOVA nga Kazakistani me rezultatin 4-6, 6-3, 10-5 dhe finaliste Maryia MIKALAICHYK. Në kategorinë Doubles Vajza fituese u shpallën Arina SYROEZHKINA dhe Adema ALSEIPULOVA nga Kazakistani me rezultatin 6-3, 6-1 ndaj Maryia MIKALAICHYK dhe Emily LUZI nga Britania e Madhe. Në kategorinë Doubles Djem fitues u shpallën Noah HONSBERGER nga Zvicra dhe Nikita Alexander RUNG nga Gjermania me rezultatin 6-7(2), 6-2, 10-7 ndaj Temirlan ZHANTEMIROV nga Kazakistani dhe Julian ZIEBA nga Polonia. I urojmë suksese dhe fat të gjithë fituesve dhe tenistëve pjesëmarrës, ndërkohë kanë filluar ndeshjet kualifikuese të turneut ndërkombëtar të rradhës “Tennis Europe U14 – Tirana Open Junior Tour 2024”-Category 3, në Tiranë.
Masters 2023 – Të rritur – Fitues Kledi Gaba
“Masters 2023 – Të rritur” ishte turneu i rradhës i organizuar në Qendrën Kombëtare të Tenisit “National Sport Park” Tiranë, si bashkëpunim i NSP Eralb Club dhe Federatës Shqiptare të Tenisit, i cili përballi më të mirët e kategorisë së të rriturve. Fitues i këtij turneu u shpall Kledi Gaba me rezultatin 7-5 në finale ndaj finalistit Denis Gaba. I urojmë suksese të gjithëve!
Ekipi “National Sport Park Club” shpallet fitues i Kampionatit Kombëtar Ekipor 2023
Klubet e tenisit nga qytete të ndryshme të Shqipërisë u përballën këto ditë mes tyre në Kampionatin Kombëtar Ekipor që u zhvillua në Qendrën Kombëtare të Tenisit në Tiranë. Ekipi i Tiranës “National Sport Park Club” fitoi në finale me ekipin e Durrësit “Tennis Plus Club” me rezultatet si më poshtë: • Në përballjet Singles Denis Gaba – Tedi Teferiçi 6:3, 6:2 Kledi Gaba – Damian Methasani 7:6(4), 6:2 • Në përballjen Doubles Tedi Kaso & Denis Gaba – Tedi Teferiçi & Damian Methasani (RET.) Ekipi i Tiranës “National Sport Park Club” përbëhej nga lojtarët: Kledi Gaba, Denis Gaba,Tedi Kaso dhe Albi Sulo ndërsa ekipi i Durrësit “Tennis Plus Club” përbëhej nga lojtarët: Tedi Teferiçi, Damian Methasani, Eris Sinani dhe Maksi Prifti. Falenderojmë të gjithë ekipet pjesëmarrëse dhe urime fituesve!
Përmbyllet edicioni i 15-të i turneut Shkodra Indoor
Ka përfunduar me sukses edicioni i 15-të i turneut ‘Shkodra Indoor 2023’ për kategoritë 30+ dhe 45+, i mbajtur gjatë datave 7-10 Dhjetor 2023 në bashkëpunim mes Shkodra Tennis Club, FSHT dhe Bashkinë Shkodër në Adriatic Tennis Park, Shkodër. Me pjesëmarrje të tenistëve nga Shqipëria, Kosova, Mali i Zi e Maqedonia e Veriut të cilët i shtuan vlerë turneut. Fituesit dhe finalistët e turneut sipas kategorive: Kategoria e meshkujve 30+ Fitues- Granit Bajraliu Finalist- Gert Meta Kategoria e femrave 30+ Fituese- Maryna Jakuszewska Finaliste- Atila Uligaj Kategoria e meshkujve 45+ Fitues- Andrian Bleta Finalist- Vadim Naydanov Urime dhe suksese të gjithëve!
ITF/TE 14&U NATIONAL TRAINING CAMP në Tiranë
14&U NATIONAL TRAINING CAMP ka qenë kampi stërvitor i zhvilluar nga Federata Shqiptare e Tenisit në bashkëpunim me ITF – International Tennis Federation dhe Tennis Europe në Qendrën Kombëtare të Tenisit “National Sport Park në Tiranë. Në këtë kamp stërvitor morën pjesë trajnerë dhe lojtarë të grupmoshës U14 nga qytete të ndryshme të Shqipërisë nën drejtimin e trajnerit kryesor Përparim Zano. Synimi i këtij projekti ishte rritja e cilësisë së performancës së lojtarëve të tenisit për turnetë e ardhshëm, por edhe të sjelljes së tyre brenda dhe jashtë fushës së tenisit. Falenderojmë lojtarët dhe trajnerët e përfshirë në këtë projekt.