Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

NationalSportPark

Turneu TIRANA OPEN – SENIOR 2025 shpall fituesit

Turneu TIRANA OPEN – SENIOR 2025 (+30, +40, +50) për Meshkuj dhe Femra shpall fituesit! Federata Shqiptare e Tenisit, në bashkëpunim me Tennis Eralb Club, organizoi me sukses turneun kombëtar “Tirana Open – Senior”, i cili u zhvillua gjatë kësaj fundjave në ambientet e Qendrës Kombëtare të Tenisit “National Sport Park Resort”, në Tiranë. Fituesit e kategorive kryesore ishin: -Meshkuj +30 Fitues: Genajd Shypheja Finalist: Erarbër Dervishi Rezultati: 6-0,6-2 -Meshkuj +40 Fitues: Florian Dabulla Finalist: Loris Hanxhari Rezultati: 7-6(4), 6-2 -Meshkuj +50 Fitues: Andrian Bleta Finalist: Doruk Gurkan Rezultati: 6-4, 6-3 -Femra +30 Fitues: Anila Kaloci Finalist: Irena Dimushi Rezultati: 7-5, 6-1 Urime fituesve dhe të gjithë pjesëmarrësve të këtij turneu!

Turneu TIRANA OPEN – SENIOR 2025 shpall fituesit Read More »

Arbër Dano shpallet finalist në “NSP Open 2025 – Tennis Europe Junior Tour, Category 3”

Tenisti Arbër Dano shpallet finalist në kategorinë Djem Doubles në turneun ndërkombëtar U14 “NSP Open 2025 – Tennis Europe Junior Tour, Category 3”, i zhvilluar këtë javë në Qendrën Kombëtare të Tenisit “National Sport Park” në Tiranë. Në finalen e Djem Doubles, Arbër Dano së bashku me partnerin e tij italian, Ianis Alberto Cruceru, zhvilluan një performancë të mirë, duke u renditur në vendin e dytë pas dyshes fitues Davide Dagnino (Itali) & Ivan Pyachura (Rusi) me rezultatin 6-1, 6-3. Në gjysmëfinalen Doubles arritën edhe tenistët shqiptarë si Ditan Mulliqi dhe Anjel Hoxha. Federata Shqiptare e Tenisit i uron tenistëve suksese të mëtejshme në rrugëtimin e tyre sportiv.

Arbër Dano shpallet finalist në “NSP Open 2025 – Tennis Europe Junior Tour, Category 3” Read More »

Floid Kaso finalist në “National Sport Park Open U12 – TENNIS EUROPE JUNIOR TOUR 2025”

Tenisti Floid Kaso së bashku me Edon Ademin nga Mali i Zi shpallen finalistë në kategorinë Djem Doubles 12 në turneun ndërkombëtar “National Sport Park Open U12 – TENNIS EUROPE JUNIOR TOUR 2025”-Category 2, të zhvilluar nga data 1–7 Shtator në Qendrën Kombëtare të Tenisit “National Sport Park” në Tiranë. Në këtë turne morën pjesë mbi 80 tenistë nga shumë shtete të ndryshme të Europës dhe botës, si: Francë, Turqi, Rumani, Itali, Greqi, por edhe tenistë shqiptarë. Fituesit dhe finalistët sipas kategorive: Djem Singles Fitues: Leo Josse (Francë) Finalist: Altaïr Juassov (Kazakistan) Vajza Singles Fitues: Matilde Pozza (Zvicër) Finaliste: Lina Redza (Kosovë) Djem Doubles Fitues: Altaïr Juassov (Kazakistan) & Sergej Nikolic (Serbi) Finalistë: Edon Ademi (Mal i Zi) & Floid Kaso (Shqipëri) Vajza Doubles Fitues: Lina Redza (Kosovë) & Matilde Pozza (Zvicër) Finaliste: Ilaria Kerciku (Itali) & Maria Nica (Rumani) Urime të veçanta për suksesin e tenistit shqiptar Floid Kaso dhe të gjithë fituesve e pjesëmarrësve të këtij turneu prestigjioz.

Floid Kaso finalist në “National Sport Park Open U12 – TENNIS EUROPE JUNIOR TOUR 2025” Read More »

Përfundoi me sukses faza e rradhës përzgjedhëse e “LTC 2025–2026” në Tiranë 

Në datat 24–25 Qershor 2025, në ambientet e Qendrës Kombëtare të Tenisit “National Sport Park” në Tiranë, u zhvillua faza përzgjedhëse në fushë për lojtarët e përzgjedhur nga Shqipëria dhe Kosova në kuadër të programit ndërkombëtar “Little Tennis Champions 2025–2026.” Kjo fazë është pjesë e projektit të përbashkët midis Federatës Shqiptare të Tenisit dhe I Tennis Foundation, që ka si synim identifikimin dhe zhvillimin e talenteve të rinj në tenis nëpërmjet një programi vjetor me mbështetje teknike dhe edukative. Gjatë dy ditëve, lojtarët e përzgjedhur morën pjesë në: Seanca trajnuese në fushë. Prezantim të programit për prindërit dhe fëmijët. Ndeshje vlerësuese dhe intervista individuale. Stërvitja u drejtua nga trajnerët italianë Simone Bongiovanni, Alfredo Santacroce dhe Tommaso Garello, të cilët ndoqën nga afër çdo lojtar në aspektin teknik, fizik dhe psikologjik. Qëllimi i kësaj faze ishte përzgjedhja përfundimtare e lojtarëve që do të bëhen pjesë e programit të bursave, duke përfituar trajnim elitar dhe pjesëmarrje në aktivitete ndërkombëtare gjatë sezonit 2025–2026. Emrat e lojtarëve të përzgjedhur do të shpallen ditën e diel. Urojmë suksese të gjithë pjesëmarrësve në këtë etapë të rëndësishme drejt zhvillimit të tyre profesional në fushën e tenisit!

Përfundoi me sukses faza e rradhës përzgjedhëse e “LTC 2025–2026” në Tiranë  Read More »

Ceremonia përmbyllëse e Kupës Botërore të Tenisit “2025 Davis Cup Europe Group IV” 

Davis Cup Europe Group IV u mbyll me sukses për të dytin vit radhazi në Qendrën Kombëtare të Tenisit “National Sport Park” në Tiranë, duke dëshmuar edhe një herë kapacitetin organizativ të Shqipërisë për të pritur evente ndërkombëtare të nivelit të lartë në sportin e tenisit. Kosova dhe Azerbajxhani promovohen në Grupin III të Europës. Në ndeshjet “Promotion Play-Off”, ekipi i Kosovës mposhti Andorrën me rezultatin 2-1, ndërsa Azerbajxhani mundi Lihtenshtejnin me rezultatin 2-0. Në fazën grupore, Azerbajxhani fitoi dy ndeshjet e luajtura kundër Andorrës dhe San Marinos (Grupi A), ndërsa Kosova doli fituese në të tre ndeshjet e saj kundër Lihtenshtejnit, Shqipërisë dhe Islandës (Grupi B).  Pavarësisht përpjekjeve, Shqipëria nuk arriti rezultate pozitive, duke humbur përballjet me Kosovën, Lihtenshtejnin dhe Islandën. Në ceremoninë përmbyllëse, e zhvilluar në një atmosferë festive, u shpërndanë medalje për lojtarët, kapitenët dhe trajnerët e ekipeve fituese, Kosovën dhe Azerbajxhanin. Urojmë suksese të mëtejshme për të gjitha ekipet pjesëmarrëse, si dhe falënderojmë të gjithë personat dhe institucionet e angazhuara në organizimin e këtij eventi të rëndësishëm sportiv në Shqipëri.

Ceremonia përmbyllëse e Kupës Botërore të Tenisit “2025 Davis Cup Europe Group IV”  Read More »

Ceremonia hapëse – DAVIS CUP EUROPE IV 2025

U zhvillua ceremonia hapëse e Kupës së Botës në Tenis për Meshkuj “Davis Cup – Europe Group IV 2025”, e cila po mbahet në Qendrën Kombëtare të Tenisit “National Sport Park” në Tiranë. Në këtë veprimtari marrin pjesë ekipet kombëtare të Azerbajxhanit, Liechtensteinit, Andorrës, Kosovës, San Marinos, Islandës dhe Shqipërisë. Gjatë gjithë kësaj jave do të zhvillohen ndeshje individuale dhe dyshe ndërmjet ekipeve pjesëmarrëse. Ekipi kombëtar shqiptar përbëhet nga lojtarët: Martin Muedini, Mario Zili, Joan Sura, Denis Gaba, dhe kapitenët/trajnerët Përparim Zano dhe Ervin Rota. Të ftuar në ceremoninë hapëse ishin figura të rëndësishme të sportit dhe politikës, ndër të cilët përmendim: Presidentin e Komitetit Olimpik Kombëtar Shqiptar, z. Fidel Ylli. Përfaqësuesin e Federatës Ndërkombëtare të Tenisit (ITF), z. Javier Moreno Perez. Përfaqësuesin e Bashkisë Tiranë, z. Urim Tresa. Presidentin e Federatës Shqiptare të Tenisit, z. Ferdinand Sulo. Ceremonia u drejtua nga Drejtori Organizativ i Davis Cup, z. Albi Sulo, dhe Sekretari i Përgjithshëm i FSHT, z. Klaus Bardeli. Të gjitha ekipet u paraqitën në skenë për një prezantim të shkurtër, ku secilit prej tyre iu dorëzua një dhuratë simbolike nga Shqipëria, nga ana e drejtorit organizativ. Të pranishëm ishin gjithashtu përfaqësues dhe gazetarë të mediave, si dhe shumë dashamirës të sportit të tenisit.  I urojmë shumë fat ekipit tonë kombëtar dhe suksese të gjithë ekipeve pjesëmarrëse!

Ceremonia hapëse – DAVIS CUP EUROPE IV 2025 Read More »

Thirrje për pjesëmarrje – Projekti “KAMPIONËT E VEGJËL TË TENISIT 2025-26”

Në kuadër të bashkëpunimit ndërmjet Federatës Shqiptare të Tenisit dhe organizatës bamirëse “I Tennis Foundation” me seli në Itali, ju njoftojmë për hapjen e thirrjes për aplikim në programin ndërkombëtar të bursave “Little Tennis Champions 2025–2026”. Ky program synon mbështetjen e lojtarëve të rinj të talentuar, të lindur në vitet 2011 dhe 2012, me vendbanim në Shqipëri, përmes një rruge të plotë trajnimi, edukimi dhe zhvillimi sportiv në nivel ndërkombëtar. Programi përfshin gjithashtu Italinë, Malin e Zi dhe Kosovën. Elementët përfitues të bursës përfshijnë: -Trajnime teknike dhe taktike me trajnerë të mirënjohur në nivel europian -Pjesëmarrje në turne të miratuar nga Tennis Europe -Mbështetje në aspektin edukativ, psikologjik dhe gjuhësor -Pajisje dhe materiale trajnimi të mbuluara plotësisht nga organizatori -Akomodim dhe transport në kuadër të aktiviteteve të programit Afati për aplikim: deri më 22 qershor 2025 Faza përzgjedhëse në fushë në Shqipëri: 25–26 qershor 2025, në Qendrën Kombëtare të Tenisit “National Sport Park”, Tiranë. Programi fillon në korrik 2025 në Torino dhe përfundon në maj 2026, duke përfshirë aktivitete të shumta trajnimi dhe gara në Itali, Francë, Zvicër dhe Kroaci. Pjesëmarrja në fazën përzgjedhëse është pa pagesë. Për më shumë informacion: www.itennisfoundation.com info@albaniantennis.com #LittleTennisChampions #LTC2025 #TennisForAll #TenisiShqiptar #TalenteTëReja

Thirrje për pjesëmarrje – Projekti “KAMPIONËT E VEGJËL TË TENISIT 2025-26” Read More »

Turneu ndërkombëtar “TEJT NSP Open” shpall fituesit

Turneu ndërkombëtar “NSP Open”, pjesë e kalendarit zyrtar të Tennis Europe Junior Tour dhe Federatës Shqiptare të Tenisit, përfundoi me sukses në ambientet e Qendrës Kombëtare të Tenisit “National Sport Park” në Tiranë, duke mirëpritur talente të rinj nga disa vende të Evropës në kategorinë U16. Fituesit e kategorive kryesore ishin: Boys Singles 16&U Athanasios Zavourgianos (Greqi) Në një finale të fortë, Zavourgianos mposhti italianin Federico Maria Madera me rezultat 6-0, 7-5. Girls Singles 16&U Julia Berke (Turqi) Berke dominoi finalen ndaj serbes Ena Ilic me një fitore me rezultatin 6-4, 6-0. Boys Doubles 16&U Denis Gaba (Shqipëri) / Athanasios Zavourgianos (Greqi) Dyshja Gaba-Zavourgianos fituan në një finale kundër Nikos Mitropoulos (Greqi) / Maksymilian Zurek (Poloni) me rezultatin 7-5, 4-6, 10-6. Girls Doubles 16&U Ena Ilic (Serbi) & Ayanna Maria Mitu (Rumani) Dyshja ballkanike triumfoi kundër Duru Arslan (Turqi) & Julia Berke (Poloni) në një finale emocionuese me rezultatin 6-4, 7-6.  Turneu u zhvillua gjatë gjithë kësaj jave, dhe përfshiu tenistë nga Italia, Turqia, Greqia, Shqipëria, Rumania, Polonia, Serbia, dhe vende të tjera pjesëmarrëse.  Denis Gaba, përfaqësues i Shqipërisë, shkëlqeu në përballjet e dysheve, duke treguar vazhdimësi në rezultate ndërkombëtare.

Turneu ndërkombëtar “TEJT NSP Open” shpall fituesit Read More »

NSP Open 2025 TEJT; Bruno Giovanni Condorelli nga Italia dhe Anna Kunetsova nga Ukraina

Bruno Giovanni Condorelli nga Italia dhe Anna Kunetsova nga Ukraina shpallen fitues të turneut ndërkombëtar Tennis Europe Junior Tour “National Sport Park Open 2025” 14&U, Category 3 që u mbajt këtë javë në Qendrën Kombëtare të Tenisit “National Sport Park” në Tiranë. Në këtë turne morën pjesë më shumë se 120 tenistë nga 28 shtete të ndryshme të botës, si: Belgjikë, Francë, Itali, Austri, Turqi, Kazakistan, Izrael etj. por edhe tenistë shqiptarë. Fituesit dhe finalistët sipas kategorive: Djem Singles Fitues: Bruno Giovanni Condorelli nga Italia Finalist: Zakaria Azzaz nga Franca Vajza Singles Fituese: Anna Kuznetsova nga Ukraina Finaliste: Amina Subkhangulova nga Rusia Djem Doubles Fitues: Bruno Giovanni Condorelli dhe Ruggero Condorelli nga Italia Finalistë: Platon Gripich nga Rusia dhe Temirlan Zhantemirov nga Kazakistani Vajza Doubles Fituese:Serra Hasanbasoglu nga Turqia dhe Cara Nitescu nga Hollanda Finaliste: Anita Furi nga Italia dhe Amina Subkhangulova nga Rusia Të pranishëm në ndarjen e trofeve ishte edhe z. Luigi Mattirolo – Zv. Ambasadori i Italisë në Shqipëri dhe z. Ferdinand Sulo – President i Federatës Shqiptare të Tenisit. Falenderojmë të gjithë tenistët pjesëmarrës dhe i urojmë suksese!

NSP Open 2025 TEJT; Bruno Giovanni Condorelli nga Italia dhe Anna Kunetsova nga Ukraina Read More »