Tani mund të regjistroni vetë rezultatet e ndeshjeve jo zyrtare në platformën tuaj World Tennis Number
Kemi një lajm emocionues! Tani mund të regjistroni vetë rezultatet e ndeshjeve jo zyrtare në platformën tuaj World Tennis Number (WTN), duke e bërë më të lehtë se kurrë ndjekjen e progresit dhe përmirësimin e vlerësimit tuaj. Me regjistrimin vetjak, ju mund të: – Regjistroni rezultatet e ndeshjeve nga lojërat jo konkurruese (jo zyrtare). – Merrni një vlerësim më të saktë dhe të përditësuar Përfitoni njohuri më të thella për performancën dhe nivelin tuaj të aftësive. – Regjistrimi i rezultateve është i shpejtë dhe i lehtë. Thjesht hyni në llogarinë tuaj, zgjidhni skedën ‘Results’ dhe më pas skedën ‘My Matches’ për të vazhduar me postimin e rezultatit. Gjithashtu, mund të ftoni miq dhe familjarë të bashkohen, në mënyrë që edhe ata të fillojnë të regjistrojnë rezultatet e ndeshjeve jo zyrtare. *Vini re se kundërshtarët duhet të jenë të regjistruar në WTN, në mënyrë që të mund të regjistroni një rezultat kundër tyre. Megjithatë, lojtarët që marrin pjesë në një turnetë ITF nuk do të kenë qasje në këtë mundësi. Lojtarët e rinj mund të marrin një WTN dhe të krijojnë një llogari përmes funksionit tonë ‘Rate My Game’ (QR code në foto). Suksese!
Arbër Dano dhe Ares Ferhati fitojnë nga 2 medalje në “2025 ITF/Tennis Europe Development Championships”, Antalia,Turqi
Arbër Dano dhe Ares Ferhati fitojnë nga 2 medalje në “2025 ITF/Tennis Europe Development Championships 14&U and 12&U + 12&U Training Camp”, Antalia,Turqi. Në ceremoninë përmbyllëse të këtij kompeticioni të rëndësishëm ndërkombëtar, dy tenistët shqiptarë të ekipit kombëtar U14 u nderuan me medalje si gjysmëfinalistë në përballjet dyshe (doubles), përgjatë javës së parë dhe të dytë. Medaljet ju dorëzuan nga Vitor Cabral – Drejtor i Zhvillimit ITF për Evropën, i cili ishte i pranishëm në ceremoninë e ndarjes së çmimeve. I urojmë shumë suksese Arbrit dhe Aresit si dhe gjithë lojtarëve të ekipit tonë U14 dhe U12 së bashku me trajnerin U14 Tedi Kaso dhe trajnerët U12 Joan Koti e Blearta Ukëhaxhaj, që dhanë më të mirën e tyre në këtë aktivitet.
Jonis Gaba në Gjysmëfinale në përballjet Singles dhe Doubles në Antalia
Jonis Gaba në Gjysmëfinale në përballjet Singles dhe Doubles të kampionitit “2025 ITF/Tennis Europe 12&Under Development Championships” që po zhvillohet në Antalia,Turqi. Gaba ka arritur të mund tenistin Heron Ajeti nga Kosova me rezultatin 6-3, 6-2, duke i siguruar vetes vendin në gjysmëfinale të këtij kompeticioni të rëndësishëm. Në Gjysmëfinale tenisti shqiptar do të ndeshet me tenistin malazez Matija Stankivic. Në përballjet Singles Vajza, Nergis Nikprelaj nuk ka arritur të kalojë në gjysmëfinale pasi u mund me rezultatin 6-1,6-0, nga tenistja Amajla Kadric nga Bosnje Hercegovina. Në ndeshjet doubles Djem, Jonis Gaba dhe Heron Ajeti do të ndeshen me dyshen Luka Jorjadze nga Gjeorgjia dhe Yigit Uras Yildirim nga Turqia. Ndërsa në ndeshjet doubles Vajza, Nergis Nikprelaj dhe Jamila Huseybzade nuk kanë arritur të kalojnë në gjysmëfinale. I urojmë suksese të tjera ekipit tonë U12 dhe fitore në vazhdim!
Arbër Dano në Çerekfinale të “2025 ITF/Tennis Europe Development Championships week 2″ Antalia
Arbër Dano kalon në Çerekfinale të “2025 ITF/Tennis Europe Development Championships week 2” 14& Under, në Antalia,Turqi. Dano mundi tenistin nga Kosova, Morihei Duraku me rezultatin 6-0,6-1. Në ndeshjen e rradhës Arbër do të përballet me tenistin Talha Emin Bulut nga Turqia. Në ndeshjet Doubles dyshja shqiptare Anjel Hoxha dhe Glora Bushati fituan me rezultatin 6-2,6-1 ndaj dyshes armene Maria Azizyan dhe Kamila Harutyunyan duke kaluar në çerekfinale ku do të ndeshen me dyshen malazeze Anja Adamovic dhe Eva Angelina Radoman. Po ashtu në ndeshjet Singles Djem, Ares Ferhati pas një ndeshje intensive me rezultat 6-1,7-5 ndaj Erion Prizreni nga Kosova nuk arriti të kalojë në çerekfinale. Në përballjet Singles Vajza, Anjel Hoxha u mund nga tenistja malazeze Anja Adamovic me rezultatin 6-3,6-0 dhe Glora Bushati u mund nga Eda-Lara Sacirovic nga Bosnje Hercegovina, me rezultatin 6-0,6-0. I urojmë shumë suksese në vijim ekipit tonë U14 dhe fitore të tjera!
Jonis Gaba në Çerekfinale të “2025 ITF/Tennis Europe 12&Under Development Championships” Antalia
Jonis Gaba kalon në Çerekfinale të “2025 ITF/Tennis Europe 12&Under Development Championships” në Antalia,Turqi. Tenisti shqiptar mundi me rezultatin 6-3, 6-2 tenistin Sargis Avetisyan nga Armenia. Në çerekfinale Jonis Gaba do të ndeshet me Heron Ajetin nga Kosova. I urojmë suksese në vazhdim Jonisit!
Glora Bushati mund tenisten Anesa Ismajli nga Kosova në përballjen e parë
Glora Bushati mund tenisten Anesa Ismajli nga Kosova në përballjen e parë në “2025 ITF/Tennis Europe Development Championships week 2” 14& Under, në Antalia,Turqi, me rezultatin 6-1, 6-4. Kjo fitore e kalon në roundin e dytë tenisten tonë ku do të ndeshet me tenisten Eda-Lara Sacirovic nga Bosnje Hercegovina. I urojmë shumë suksese në vazhdim Glorës!
Arbër Dano dhe Ares Ferhati në Gjysmëfinale të përballjeve Doubles
Arbër Dano dhe Ares Ferhati kalojnë në Gjysmëfinale të përballjeve Doubles në “2025 ITF/Tennis Europe Development Championships” 14& Under, Antalia,Turqi. Dyshja e tenistëve shqiptar ka mundur në çerekfinale dyshen Benjamin Demirovic dhe Andrija Martinovic nga Bosnja e Hercegovina me rezultatin 6-4, 3-6, 10-8. Arbër Dano dhe Ares Ferhati do të ndeshen me Marko Aleksovski dhe Aleksej Stojanovski nga Maqedonia e Veriut për të kapur finalen Doubles Meshkuj të javës së parë të këtij kompeticioni. Ndërsa në përballjet Doubles Femra, tenistet shqiptare Anjel Hoxha dhe Glora Bushati janë mundur me rezultatin 6-2, 6-3 nga dyshja Viktoria Nanava dhe Nana Shevardnadze nga Gjeorgia. Në përballjet Singles Meshkuj, Arbër Dano është mundur nga malazezi Petar Stankovic m rezultatin 6-3, 6-4 dhe Ares Ferhati është mundur nga maqedonasi Marko Aleksovski me rezultatin 6-3, 6-0. I urojmë shumë suksese në vazhdim ekipit tonë U14!
Ekipi shqiptar në ceremoninë hapëse të “2025 ITF/Tennis Europe Development Championships” Antalia
Ekipi kombëtar shqiptar U12 dhe U14 i vajzave dhe djemve në ceremoninë hapëse të “2025 ITF/Tennis Europe Development Championships 14&U and 12&U + 12&U Training Camp”, në Antalia,Turqi. Tenistët U14 Djem: Arbër Dano & Ares Ferhati Tenistet U14 Vajza: Anjel Hoxha & Glora Bushati Trajner U14: Tedi Kaso Tenisti U12 Djem: Jonis Gaba Tenistja U12 Vajza: Nergis Nikprelaj Trajnerë U12: Joan Koti & Blearta Ukëhaxhaj Shumë suksese!
Ceremonia e fundvitit e FSHT
Është zhvilluar Ceremonia e Fundvitit e organizuar nga Federata Shqiptare e Tenisit, duke festuar për arritjet e vitit 2024 dhe uruar për një vit të ri të mbarë dhe të suksesshëm. Në këtë ceremoni u vlerësuan edhe lojtarët, trajneri dhe klubi më i mirë i vitit 2024. Ju akorduan trofe dhe dhurata lojtarëve sipas listës më poshtë: -Lojtarët e vitit Gresi Bajri Denis Gaba Rea Qinami Kledi Gaba Anatereza Guli Enki Hyseni Alex Prifti Anjel Hoxha Jonis Gaba Nergis Nikprelaj Dasli Kotrri Siara Tola -Ndërsa klubi më i mirë i tenisit për vitin 2024 rezultoi “Shkodra Tennis Club” me trajner Fahrdudin Mehmedoviq. I urojmë suksese në vijim të gjithëve!
Masters U14 & U18
Turneu i fundit i këtij viti “Masters U14 & U18” i organizuar nga Federata Shqiptare e Tenisit dhe Tennis Eralb Club në Qendrën Kombëtare të Tenisit “National Sport Park” gjatë kësaj fundjave ka shpallur fituesit. Konkretisht fitues i kategorisë U18 Djem u shpall Kledi Gaba dhe finalist Denis Gaba. Në kategorinë U14 Djem fitues rezultoi Alex Prifti dhe finalist Arbër Dano. Ndërsa në kategorinë U14 Vajza fituese u shpall Enki Hyseni dhe finaliste Anjel Hoxha. Urime për fituesit dhe suksese të gjithë pjesëmarrësve!