Kampionati Kombëtar Individual 2026 për Të Rritur
Federata Shqiptare e Tenisit, në bashkëpunim me Tennis Eralb Club, organizoi me sukses Kampionatin Kombëtar Individual 2026 për Të Rritur Meshkuj & Femra, i cili u zhvillua më 6-7 Qershor 2026 në Qendrën Kombëtare të Tenisit “National Sport Park” në Tiranë. Gjatë dy ditëve të garave, tenistët më të mirë të vendit konkurruan për titujt kombëtarë, duke zhvilluar ndeshje cilësore dhe shumë emocionuese. Fituesit dhe finalistët: Meshkuj Kampion Kombëtar 2026: Denis Gaba Finalist: Martin Muedini Femra Kampione Kombëtare 2026: Siara Tola Finaliste: Ola Dano Federata Shqiptare e Tenisit përgëzon kampionët, finalistët dhe të gjithë sportistët pjesëmarrës për paraqitjet e tyre, si dhe falënderon trajnerët, klubet, arbitrat dhe stafin organizativ për kontributin në realizimin me sukses të këtij aktiviteti të rëndësishëm të kalendarit kombëtar. Urime Denis Gabës dhe Siara Tolës për titujt e Kampionëve Kombëtarë 2026 dhe suksese të mëtejshme në karrierën e tyre sportive!
Përfundon me sukses turneu botëror ITF World Tennis Tour Juniors “Tirana Open 2026 II” – J30 Tirana
Federata Shqiptare e Tenisit në bashkëpunim me Tennis Eralb Club organizoi me sukses në Qendrën Kombëtare të Tenisit “National Sport Park Resort” turneun ndërkombëtar të nivelit botëror ITF World Tennis Tour Juniors “Tirana Open 2026 II”, J30 Tirana për grupmoshën U18. Turneu u zhvillua gjatë datave 18-23 Maj 2026 dhe mblodhi tenistë të rinj nga shtete të ndryshme të botës, duke sjellë në Tiranë një atmosferë të shkëlqyer sportive dhe ndeshje me nivel shumë të lartë konkurrues. Fituesit dhe finalistët: Djem Singles Riccardo Pretolani – Itali Yitian Lou – Kinë Vajza Singles Aiym Kanagatova – Kazakistan Julia Ehrenberger – Austri Djem Doubles Santo Agnello & Marco Hofer – Austri Rafael Antonios Gakopoulos & Ioannis Motsakos – Greqi Vajza Doubles Julia Ehrenberger & Mia Neumueller – Austri Aurelia Zaffuto – Itali & Shanyi Zhou – Kinë Federata Shqiptare e Tenisit falënderon të gjithë sportistët, trajnerët, prindërit, arbitrat dhe stafin organizativ për kontributin dhe pjesëmarrjen në këtë aktivitet të rëndësishëm ndërkombëtar, i cili vazhdon të promovojë Shqipërinë dhe Tiranën në hartën botërore të tenisit për të rinj. I urojmë shumë suksese të gjithë tenistëve pjesëmarrës në aktivitetet e ardhshme sportive!
“KORÇA OPEN 2026” kurorëzon fituesit e kategorive të moshave U12 dhe ROG
Federata Shqiptare e Tenisit në bashkëpunim me Tennis Korça Club organizoi me sukses në qendrën sportive të qytetit të Korçës turneun “KORÇA OPEN 2026” për kategoritë ROG dhe U12 për djem dhe vajza. Turneu mblodhi tenisistë të rinj nga klube të ndryshme të vendit, të cilët zhvilluan ndeshje shumë të bukura dhe konkurruese, duke treguar nivel të mirë teknik dhe shpirt sportiv gjatë gjithë aktivitetit. Fituesit dhe finalistët. U12 Djem Blin Papa Dion Llusku Red Djem Arvi Samara Arjan Zhilla Green Djem Jorik Aliaj Alan Pelinku U12 Vajza Katalea Preni Helia Hysaj Red Vajza Marisa Larti Maria Treska Orange Vajza Reina Sukaj Siandra Azisllari Suksese të gjithëve në vazhdim!
Gresi Bajri merr pjesë në turneun prestigjioz ITF W50 në Pelham, SHBA
Tenistja shqiptare Gresi Bajri vazhdon përfaqësimin e saj në arenën ndërkombëtare, duke marrë pjesë këtë javë në turneun profesionist W50 Pelham, AL, pjesë e kalendarit të ITF Women’s World Tennis Tour. Turneu zhvillohet nga 18 deri më 24 maj 2026 në qytetin Pelham, në kompleksin Pelham Racquet Club, dhe luhet në fusha me dhe (clay). Ky kompeticion konsiderohet një nga turnetë më të rëndësishëm të nivelit W50 në Shtetet e Bashkuara, me fond shpërblimi prej 40,000 dollarësh dhe me pjesëmarrjen e shumë lojtareve profesioniste nga vende të ndryshme të botës. Gresi Bajri është pjesë e fazës kualifikuese të turneut dhe po fiton eksperiencë të rëndësishme në një nivel të lartë konkurrues. Sipas shortit, ajo përballet në raundin e parë kualifikues me tenisten amerikane R. Smith. Pjesëmarrja në evente të tilla ndërkombëtare është shumë e vlefshme për zhvillimin profesional të lojtares shqiptare. Tenisi shqiptar vijon të prezantohet denjësisht në circuitin profesional ndërkombëtar përmes sportisteve të reja me potencial dhe ambicie për të avancuar më tej në arenën botërore.
Tennis Europe Junior Tour “NSP Open 2026” U16
Shpallen fituesit e turneut ndërkombëtar Tennis Europe Junior Tour “NSP Open 2026” U16, Category 3, organizuar nga Federata Shqiptare e Tenisit në bashkëpunim me Tennis Eralb Club, i cili u zhvillua në Qendrën Kombëtare të Tenisit “National Sport Park” në Tiranë. Në këtë turne morën pjesë tenistë nga vende të ndryshme të botës, si Belgjika, Italia, Franca, Suedia, Greqia, Austria, etj., si edhe tenistë shqiptarë. Fituesit dhe finalistët e këtij turneu sipas kategorive: Djem Singles Fitues: Gennaro Scalese nga Italia Finalist: Gonçalo Pereira nga Portugalia Vajza Singles Fituese: Antonia Anastasia Papagapitou nga Greqia Finaliste: Eirini Bekiari nga Greqia Djem Doubles Fitues: Gennaro Scalese nga Italia & Gonçalo Pereira nga Portugalia Finalistë: Pietro Tombari & Gabriele Zappatore nga Italia Vajza Doubles Fituese: Kitti Zvabo & Vivien Zvabo nga Italia Finaliste: Antonia Anastasia Papagapitou & Maria Koukoutsi nga Greqia. Falënderojmë të gjithë tenistët pjesëmarrës dhe ju urojmë suksese në vazhdim!
Tennis Europe Junior Tour “Tirana Open 2026” U16
Shpallen fituesit e turneut ndërkombëtar Tennis Europe Junior Tour “Tirana Open 2026” U16, Category 3, organizuar nga Federata Shqiptare e Tenisit në bashkëpunim me Tennis Eralb Club, i cili u zhvillua në Qendrën Kombëtare të Tenisit “National Sport Park” në Tiranë. Në këtë turne morën pjesë tenistë nga vende të ndryshme të botës, si Italia, Sllovenia, Çekia, Austria, Turqia, etj., si edhe tenistë shqiptarë. Fituesit dhe finalistët e këtij turneu sipas kategorive: Djem Singles Fitues: Marco Mastropasqua Finalist: Alessio Cardillo Vajza Singles Fituese: Nadja Knezevic Finaliste: Antonia Anastasia Papagapitou Djem Doubles Fitues: Marco Mastropasqua & Alessio Cardillo Finalistë: Ianis alberto Crucero & Davide Dagnino Vajza Doubles Fituese: Antonia Anastasia Papagapitou & Elena Tarasiadi Finaliste: Brina Bergelj & Zara Bergejl Falënderojmë të gjithë tenistët pjesëmarrës dhe ju urojmë suksese në vazhdim!
ADRIATIC TENNIS CUP I – ROG & U14 shpall fituesit
Federata Shqiptare e Tenisit dhe Shkodra Tennis Club kanë përmbyllur me sukses turneun “ADRIATIC TENNIS CUP I – ROG & U14” Më poshtë gjeni Fituesit dhe Finalistët e ADRIATIC TENNIS CUP I – ROG & U14 sipas kategorive: U14 Djem Fitues: Jonis Gaba Finalist: Luis Koro U14 Vajza Fituese: Siara Tola Finaliste: Haidi Hysaj Green Vajza Fituese: Aria Simiçia Finaliste: Helia Hysaj Orange Vajza Fituese: Entela Vreto Finaliste: Reina Sukaj Orange Djem Fitues: Ares Kurtoviq Finalist: Jorik Gashi I urojmë suksese në vijim të gjithë fituesve dhe pjesëmarrësve!
Turneu i Pranverës 2026
Federata Shqiptare e Tenisit dhe Tennis Eralb Club -NSP kanë përmbyllur me sukses këtë fundjavë “Turneun e Pranverës 2026” për grupmoshat ROG dhe U14. Më poshtë gjeni Fituesit dhe Finalistët e :Turneu i Pranverës 2026” sipas kategorive: U14 Djem Vendi i parë: Jonis Gaba Vendi i dytë: Martin Bushati U14 Vajza Vendi i parë: Siara Tola Vendi i dytë: Nergis Nikprelaj Green Djem Vendi i parë: Jorik Aliaj Vendi i dytë: Alan Pelinku Green Vajza Vendi i parë: Aria Simicia Vendi i dytë: Helia Hysaj Orange Djem Vendi i parë: Raiden Ymeri Vendi i dytë: Mars Kërçi Orange Vajza Vendi i parë: Moana Tola Vendi i dytë: Kloi Bllaca I urojmë suksese në vijim të gjithë fituesve dhe pjesëmarrësve!
Olha Lazarchuk nga ITF zhvillon vizitë zyrtare në Shqipëri
Drejtoresha e Zhvillimit për Europën në Federatën Ndërkombëtare të Tenisit (ITF), Olha Lazarchuk, zhvilloi një vizitë zyrtare në Shqipëri, duke shënuar vizitën e saj të parë në vendin tonë. Gjatë qëndrimit në Shqipëri, znj. Lazarchuk vizitoi Qendrën Kombëtare të Tenisit “National Sport Park” në Tiranë, ku u njoh nga afër me infrastrukturën dhe aktivitetet që zhvillohen në këtë qendër. Në kuadër të vizitës së saj, ajo udhëtoi gjithashtu drejt Korçës, ku vizitoi qendrën sportive të Korça Tennis Club, duke parë nga afër zhvillimin e tenisit edhe në këtë qytet. Në Tiranë, znj. Lazarchuk zhvilloi edhe një takim me Presidentin e Komitetit Olimpik Kombëtar Shqiptar, Fidel Ylli, ku u diskutua mbi mbështetjen dhe bashkëpunimin për zhvillimin e mëtejshëm të sportit të tenisit në Shqipëri. Ajo pati mundësinë të takohej dhe të njihej nga afër me disa nga trajnerët dhe lojtarët më të mirë të tenisit në Shqipëri, duke vlerësuar punën që po bëhet për zhvillimin e sportit në vend. Përgjatë vizitës në Shqipëri, znj. Lazarchuk u shoqërua nga Presidenti i Federatës Shqiptare të Tenisit, Ferdinand Sulo, dhe Sekretari i Përgjithshëm, Klaus Bardeli. Në fjalën e saj, ajo theksoi se bashkëpunimi mes Federatës Shqiptare të Tenisit dhe Federatës Ndërkombëtare të Tenisit do të vijojë të jetë i vazhdueshëm dhe frytdhënës, me synimin për të mbështetur projektet zhvillimore dhe për të kontribuar në rritjen e nivelit të tenisit në Shqipëri.
Fitore e shkëlqyer për Siara Tola në “2026 ITF/Tennis Europe Development Championships 14&U”
Tenistja shqiptare Siara Tola ka arritur një fitore të rëndësishme në përballjet e javës së dytë të kampionatit “2026 ITF/Tennis Europe Development Championships 14&U”, që po zhvillohet në Antalia, Turqi. Siara mposhti bindshëm tenisten nga Azerbajxhani, Rania Hajiyeva, me rezultatin 6-0, 6-0, duke dominuar plotësisht ndeshjen nga fillimi deri në fund. Urime Siarës për këtë fitore dhe suksese në ndeshjet në vijim!