Përfundoi me sukses kursi i çertifikimit të trajnerëve Niveli i Parë nga Federata Botërore e Tenisit “ITF/OS Coaching Beginner & Intermediate Players course”.
Ky kurs u zhvillua në Qendrën Kombëtare të Tenisit në Tiranë “National Sport Park”. Drejtues të këtij kursi ishin Albi Sulo dhe Vanja Stuhli nga ITF. Rreth 20 trajnerë nga Shqipëria, Kosova dhe Mali i Zi morën pjesë në 86 orë trajnime dhe testime në lidhje me njohuritë dhe aftësitë e tyre në mësimdhënien e tenisit. “ITF/OS Coaching Beginner & Intermediate Players course” vjen në Shqipëri si bashkëpunim mes Federatës Botërore të Tenisit (ITF), Komitetit Olimpik Kombëtar Shqiptar (KOKSH) dhe Federatës Shqiptare të Tenisit (FSHT). Me rritjen e numrit por edhe të cilësisë së trajnerëve të federatës sonë rrjedhimisht do të kemi rritje të numrit të tenistëve dhe rezultateve të tyre. Në fund të këtij kursi u zhvillua ceremonia përmbyllëse ku u shpërndanë edhe çertifikata pjesëmarrje për të gjithë trajnerët e përfshirë në kurs. I urojmë suksese të gjithëve dhe falenderojmë ITF dhe KOKSH për mbështetjen e vazhdueshme në zhvillimin e tenisit në Shqipëri.
“ITF/OS Coaching Beginner & Intermediate Players course” në Tiranë
Po zhvillohet “ITF/OS Coaching Beginner & Intermediate Players course”, kursi i çertifikimit të trajnerëve Niveli i Parë nga Federata Botërore e Tenisit. Ky kurs po zhvillohet në Qendrën Kombëtare të Tenisit në Tiranë “National Sport Park”, nën drejtimin e Vanja Stuhli nga ITF dhe Albi Sulo nga FSHT. Përgjatë 2 javëve me rradhë, rreth 20 trajnerë nga Shqipëria, Kosova dhe Mali i Zi do të zgjerojnë njohuritë dhe do testohen në lidhje me aftësinë e tyre në trajnimin e lojtarëve. “ITF/OS Coaching Beginner & Intermediate Players course” vjen në Shqipëri si bashkëpunim mes Federatës Botërore të Tenisit (ITF), Komitetit Olimpik Kombëtar Shqiptar (KOKSH) dhe Federatës Shqiptare të Tenisit (FSHT). I urojmë shumë fat të gjithë pjesëmarrësve dhe suksese në këtë kurs por edhe në aktivitetin e tyre si trajnerë kudo në botë pas këtij çertifikimi.
Përfundoi me sukses turneu ndërkombëtar Senior “Shkodra Master ITF Tournament”
Përfundoi me sukses turneu ndërkombëtar për Senior “Shkodra Master ITF Tournament” në qytetin e Shkodrës. Fitues në kategorinë Meshkuj +60 u shpall Shpëtim Hoxha nga Shqipëria me rezultatin 5-7, 7-5, 10-12 pasi mundi në finale Mejdi Rexhepin nga Kosova. Fitues në kategorinë Meshkuj +50 u shpall Peter Kos nga Sllovenia, pasi fitoi në finale me rezultatin 6-1, 3-6, 7-6 (6) ndaj Andrian Bleta nga Shqipëria. Sebastian Sorg nga Gjermania u shpall fitues në kategorinë Meshkuj +40 pasi mundi me me rezultatin 6-1, 6-1 Boris Mijovic nga Mali i Zi. Në kategorinë Meshkuj +30 fitues u shpall Genci Çakshiri nga Shqipëria me rezultatin 6-1, 6-2 ndaj Redi Dabulla nga Shqipëria. Ndërsa në kategorinë Femra +30 fituese u shpall Elonia Gjata nga Shqipëria pasi mundi në finale Vesa Islamin nga Kosova me rezultat 6-4, 6-3. Në kartegorinë +40 Mixed Doubles fitues dolën dyshja Andrian Bleta dhe Anila Kaloci kundër Bledi Bilali dhe Xheni Cani me rezultatin 6-3, 6-3. Në kategorinë +50 Doubles Meshkuj fitues u shpallën Shkëlzen Domi dhe Gëzim Galiqi, pasi mundën në finale me rezultatin 6-3, 6-2 dyshen Andi Bilali dhe Dritan Kruja. Ky turne u zhvillua në kompleksin Adriatic Tennis Park nën drejtimin e kryegjyqtarit Çetin Kesici dhe drejtorit të turneut Kliti Hoti. I urojmë tenistët fitues dhe suksese të gjithë tenistëve pjesëmarrës!
Gresi Bajri fituese në Doubles “NSP Open – J5 Tirana ITF Junior Tour 2022”.
Gresi Bajri fituese në turneun botëror “NSP Open – J5 Tirana ITF Junior Tour 2022”. Gresi arrin të rrëmbejë trofeun e kategorisë Vajza Doubles pasi në finale së bashku me Iva Daneva nga Maqedonia e Veriut mundën dyshen Emira Diabate nga Côte d’Ivoire dhe Sue-Lan Taravella nga Kanadaja me rezultatin 6-0, 6-3. Kjo shënon një tjetër sukses për tenisten shqiptare Gresi Bajri e cila në çdo turne ndërkombëtar së fundi arrin të marrë fitore. I urojmë Gresit sukses dhe fat në vijim!
Gresi Bajri në Gjysmëfinaliste në “NSP Open – J5 Tirana ITF Junior Tour 2022”
Gresi Bajri në Gjysmëfinale të turneut botëror “National Sport Park Open – J5 Tirana ITF Junior Tour 2022”. Gresi arrin të mposhtë kundërshtaret e saj me rradhë në kategorinë U18 Vajza, dhe së fundi ajo mund tenisten serbe Aleksandra Stevanovic me rezultatin 6-4, 7-6 (7-5), duke i siguruar vetes gjysmëfinalen e këtij turneu të rëndësishëm.
Përfundoi me sukses turneu botëror U18 “NSP OPEN – J5 Tirana ITF Junior Tour”.
Makar Krivoshchekov u shpall fitues në kategorinë Djem Singles pasi mundi në finale Stefanos Pournaropoulos nga Greqia, me rezultatin 6-3,6-3. Në kategorinë Vajza Singles fituese rezultoi Kate Mansfield nga SHBA, e cila mundi 7-6(5), 7-6(4) kundërshtaren greke Alexandra Panagiotidou. Në kategorinë Djem Doubles fitues u shpall dyshja greke Angelos Avgeris dhe Stefanos Pournaropoulos kundër dyshes Sevan Bottari nga Italia dhe Makar Krivoshchekov, me rezultatin 6-2, 6-3. Ndërsa në kategorinë Vajza Doubles fituese dolën Ceylin Ipek nga Turqia dhe Alexandra Panagiotidou me rezultat 2-6, 6-3, 10-6 kundër dyshed Zeynep Ilker nga Turqia dhe Kate Mansfield nga SHBA. Kujtojmë që në këtë turne paraqitje tejet cilësore bënë edhe tenistet shqiptare ku Gresi Bajri dhe Valentina Merku të cilat rezultuan çerekfinaliste në kategorinë Singles dhe Rea Qinami dhe Valentina Merku çerekfinaliste në kategorinë Doubles. I urojmë suksese të gjithë tenistëve pjesëmarrës!
“NATIONAL SPORT PARK OPEN – J5 Tirana ITF Junior Tour” në Tiranë
Po zhvillohet turneu botëror “NATIONAL SPORT PARK OPEN – J5 Tirana ITF Junior Tour” në Qendrën Kombëtare të Tenisit në Tiranë. Rreth 250 lojtarë nga vende të ndryshme të botës si Belgjikë, Australi, SHBA, Kanada, Brazil, Côte d’Ivoire, Suedi, Britani e Madhe etj. janë të përfshirë në këtë turne botëror. Gjithashtu, Gresi Bajri, Kledi Gaba, Regi Halili, Valentina Merku, Rea Qinami janë tenistë shqiptarë që marrin pjesë në “NATIONAL SPORT PARK OPEN – J5 Tirana ITF Junior Tour”.
Gresi Bajri, tenistja e parë shqiptare fituese në Doubles ITF WTT Juniors U18
Suksesi i Gresi Bajrit në “J5 Peja – ITF WTT Juniors” shënon për herë të parë marrjen e trofeut të fituesit në Doubles nga një lojtar shqiptar në një turne botëror U18. Gresi Bajri arrin në çerekfinale në Singles dhe shpallet fituese në Doubles për Vajza së bashku me tenisten greke Alexandra Magia, pas fitores në finale kundër dyshes Anastasija Cvetkovic nga Serbia dhe Ana Mitevska nga Maqedonia e Veriut me rezultatin 1-6, 6-1, 12-10. Gresi fitoi 2 raunde të këtij turneu pas përballjesh të forta në Singles, si fillim me rezultatin 7-6(4), 6-1 ndaj tenistes malazeze Petra Mirkovic dhe raundin tjetër ndaj një prej tenisteve më të mira turke Melisa Ugur, me rezultatin 6-3, 6-4. Performanca e Gresi Bajrit në këtë turne botëror të zhvilluar në Pejë të Kosovës ishte e mekullueshme. Fitoret e tenistëve shqiptar tregojnë progres dhe nivel të admirueshëm, me rezultate që nuk janë arritur më parë në tenisin shqiptar, siç është edhe fitorja e Gresit së fundi. Krenar për teniste si Gresi Bajri dhe i urojmë suksese të tjera!
Gresi Bajri në turneun botëror ITF “J5 NIKSIC – Trebjesa Open 2022” në Mal të Z
Tenistja e talentuar Gresi Bajri në turneun botëror ITF “J5 NIKSIC – Trebjesa Open 2022” në Mal të Zi. Gresi Bajri arrin të kalojë në raundin e dytë të këtij turneu pasi fitoi me rezultatin 6-3, 6-1 ndaj tenistes nga Ukraina, Yelyzaveta Sylka.
Turneu botëror “J5 Tirana Open – ITF World Tour 2022”
Përfundon turneu botëror “J5 Tirana Open – ITF World Tour 2022” i zhvilluar në Qendrën Kombëtare të Tenisit në Tiranë. Sot u zhvilluan finalet ku fituese për kategorinë Vajza Singles u shpall Maria de la Paz Alberto nga Spanja kundrejt tenistes nga Belgjika, Katarina Kujovic me rezultatin 3-6, 6-3, 2-6. Fitues për kategorinë Djem Singles u shpall Filip Gabriel Bara nga Rumania me rezultatin 2-6, 6-1, 5-7 ndaj kundërshtarit të tij Nicolo Consonni nga Italia. Gjithashtu fituese në kategorinë Vajza doubles u shpallën Ingkar Dyussebay dhe Dilnaz Mashabayeva nga Kazakistani kundrejt Gresi Bajri nga Shqipëria dhe tenistja nga Maqedonia e Veriut Iva Daneva me rezultatin 6-2, 6-2. Ndërsa në kategorinë Djem Doubles fitues dolën Filip Gabriel Bara nga Rumania dhe Lorenzo Comino nga Italia me rezultatin 7-6(4), 7-5 ndaj Joao Benvenutti nga Brazili dhe Gabriele Crivellaro nga Italia. Finalet e ndoqën nga një numër i madh tifozësh. Në ceremoninë e shpërndarjes së trofeve të fituesve ishin të pranishëm edhe Ambasadori i Spanjës në Shqipëri, z.Alvaro Renedo Zalba, zv. ambasadori i Spanjës dhe Presidenti i Federatës Shqiptare të Tenisit z. Ferdinand Sulo. Ceremonia e ndarjes së trofeve u drejtua nga Sekretari i Përgjithshëm i Federatës Shqiptare të Tenisit z.Klaus Bardeli. Ky turne ishte një nga 6 turnetë e tjerë botëror dhe evropian të kategorive U12, U14, U16 dhe U18 të zhvilluar këtë vit në Qendrën Kombëtare të Tenisit në Tiranë ku mblodhën rreth 400 tenistë nga vende të ndryshme të botës mes të cilëve rreth 30 tenistë shqiptarë ku vlen të përmenden Gresi Bajri, Valentina Merku, Rea Qinami, Regi Halili, Damian Methasani, Joan Sura, Arlis Muka, Amina Xhaferi, Kledi Gaba, Ajri Hoxha, Denis Gaba, Alex Prifti, Ditan Mulliqi, Enki Hyseni, Anjel Hoxha, Ares Ferhati, Arbër Dano, Ariel Sulovari, Olger Qarri, Kaltër Qordja etj. Këto shifra pjesëmarrje janë historike për eventet e tenisit në Shqipëri si dhe rezultatet e arrituara nga tenistët shqiptarë flasin vetë. Kujtojmë që tenistja jonë Gresi Bajri arriti të shpallet fituese e turneut “Tirana Open U16” Tennis Europe Junior Tour për kategorinë U16 Vajza Singles si dhe finaliste në kategorinë Doubles të turneut ndërkombëtar “J5 Tirana Open – ITF 2022”. Po ashtu tenistja Rea Qinami doli finaliste në turneun ndërkombëtar “NSP 2022-Tennis Europe Junior Tour 16&Under” në kategorinë Girls Doubles. Rezultate të mira kishte edhe nga tenistë të tjerë si Valentina Merku ku arriti në çerekfinale të turneut ndërkombëtar “NSP 2022-Tennis Europe Junior Tour 16&Under”. Falenderojmë të gjithë tenistët pjesëmarrës në këto turne ndërkombëtar për ndeshjet spektakolare dhe emocionet e bukura që dhuruan e sidomos tenistët shqiptarë për fitoret e tyre dhe i urojmë suksese të tjera në vijim.