Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

tirana

Ceremonia përbyllëse e Kupës Botërore të Tenisit Tenisit “2024 Davis Cup Europe Group IV”

Ceremonia përbyllëse e Kupës Botërore të Tenisit Tenisit “2024 Davis Cup Europe Group IV” Malta dhe Armenia kalojnë në Grupin e III Europe. Malta arriti të mund me rezultatin 2-0 ekipin e Lihtenshtajnit. Armenia mundi me rezultatin 2-1 San Marinon. Arritje ishte edhe për ekipin kombëtar shqiptar të cilët pasi fituan ndaj Andorrës me rezultatin 2-1, zunë vendin e 5-të duke lënë pas ekipin e Andorrës dhe Islandës. Në mbyllje të kompeticionit, në ceremoninë përmbyllëse u shpërndanë medalje për lojtarët e Maltës dhe Armenisë mes një atmosfere festive. Federata Botërore e Tenisit, përfaqësuar nga Javier Moreno Perez akordoi një trofe Federatës Shqiptare të Tenisit, Presidentit Ferdinand Sulo, për realizimin me sukses të këtij eventi të rëndësishëm. I urojmë suksese të tjera ekipeve pjesëmarrëse dhe të gjithë subjekteve të angazhuar në realizmin e Davis Cup për herë të parë në Shqipëri.

Ceremonia përbyllëse e Kupës Botërore të Tenisit Tenisit “2024 Davis Cup Europe Group IV” Read More »

Momente nga Ceremonia e “2024 DAVIS CUP EU IV” Tirana, Albania

U zhvillua sot ceremonia hapëse e Kupës Botërore të Tenisit për të Rritur Meshkuj “2024 Davis Cup – Europe IV” që zhvillohet për herë të parë në Shqipëri, në Qendrën Kombëtare të Tenisit “National Sport Park” në Tiranë. Në këtë aktivitet marrin pjesë ekipet kombëtare të tenisit të Armenisë, Liechtensteinit, Andorrës, Maltës, San Marinos, Islandës dhe Shqipërisë, të të rriturve meshkuj. Gjatë gjithë kësaj jave do të zhvillohen ndeshje individuale dhe dyshe të këtyre ekipeve. Ekipi shqiptar përbëhet nga lojtarët: Martin Muedini, Daniel Ostap, Joan Sura, Denis Gaba dhe kapitenët dhe trajnerët Përparim Zano dhe Ervin Rota. Të ftuar në ceremoninë hapëse ishin personalitete të sportit dhe politikës por jo vetëm ku përmendim: -Nënkryetarja e Bashkisë Tiranë, Frida Pashako -Zv.Ministri i Arsimit dhe Sportit, Endrit Hoxha -Përfaqësues i Federatës Botërore të Tenisit (ITF), Javier Moreno Perez -Presidenti i Komitetit Olimpik Kombëtar Shqiptar, Fidel Ylli. Ceremonia u drejtua nga Drejtori organizativ i Davis Cup Albi Sulo dhe Sekretari i Përgjithshëm i FSHT, Klaus Bardeli. Të gjithë ekipet parakaluan me flamujt e shteteve respektive përpara fillimit të ndeshjeve të para të këtij kompeticioni. I urojmë shumë fat ekipit tonë kombëtar dhe suksese të gjithë ekipeve pjesëmarrëse!

Momente nga Ceremonia e “2024 DAVIS CUP EU IV” Tirana, Albania Read More »

“NSP TOUR 2024” U12&U16 shpall fituesit

Federata Shqiptare e Tenisit në bashkëpunim me Tennis Eralb Club organizoi këtë fundjavë turneun kombëtar “NSP TOUR 2024” për kategorinë U12 dhe U16 Meshkuj dhe Femra në Qendrën Kombëtare të Tenisit “National Sport Park” Tiranë. Më poshtë gjeni Fituesit dhe Finalistët e NSP TOUR 2024 sipas kategorive: Djem U12 Fitues: Martin Bushati Finalist: Floid Kaso Vajza U12 Fituese: Siara Tola Finaliste: Kiara Boçi Djem U16: Fitues: Denis Gaba Finalist: Kledi Gaba Falenderojmë organizatorët e këtij turneu dhe pjesëmarrësit.

“NSP TOUR 2024” U12&U16 shpall fituesit Read More »

Shpallen fituesit e Turneut botëror ITF WTT ‘NSP Open 2024’, J30 Tirana

Shpallen fituesit e Turneut botëror ITF World Tennis Tour Juniors ‘NSP Open 2024’, J30 Tirana, për grupmoshën U18, në Qendrën Kombëtare të Tenisit “National Sport Park” në Tiranë. Në këtë turne morën pjesë tenistë nga shtete të ndryshme të botës, si: Francë, Itali, Australi, Suedi, Estoni, Brazil, SHBA etj. por edhe tenistë shqiptarë si Joan Sura, Rea Qinami, Enian Mehmeti, Damian Methasani, Tedi Teferiçi. Fitues në kategorinë Djem Singles u shpall Daniel Aleksandar Amarandei nga Italia ndaj finalistit Egemen Karaman nga Turqia me rezultatin 6-4, 6-2. Fituese në kategorinë Vajza Singles u shpall Tea Kovacevic nga Bosnje-Hercegovina me rezultatin 6-0, 6-0 ndaj tenistes greke Despoina Koskina. Në kategorinë Doubles Djem fitues u shpallën tenistët Eduardo De Benedictis Andreta nga Brazili dhe Pratyaksh XXX nga India me rezultatin 6-4, 6-4 ndaj dyshes Daniel Aleksandar Amarandei nga Italia dhe Shixun Zhu nga Kina. Në kategorinë Doubles Vajza fituese u shpallën tenistet greke Despoina Koskina dhe Lydia Panagiotidou me rezultatin 7-6(6),6-1 ndaj Elise Lesigne dhe Lison Tapin nga Franca. Falenderojmë të gjithë tenistët pjesëmarrës!

Shpallen fituesit e Turneut botëror ITF WTT ‘NSP Open 2024’, J30 Tirana Read More »

Rea Qinami arrin në Gjysmëfinale të turneut botëror ‘Tirana Open 2024’

Tenistja Rea Qinami së bashku me tenisten Eleni Chatziavraam nga Greqia fituan me rezultatin 6-3, 4-6, 12-10 kundër dyshes Rebecca Di Giovannantonio nga Italia dhe Emma Fulvia Wiesenfeld nga ShBA në çerefinale të përballjeve Doubles Vajza. Me këtë fitore Rea Qinami dhe Eleni Chatziavraam kaluan në Gjysmëfinale Doubles Vajza të turneut botëror ITF World Tennis Tour Juniors ‘Tirana Open 2024’, J30 Tirana, për grupmoshën U18 që po zhvillohet gjatë kësaj jave në Qendrën Kombëtare të Tenisit “National Sport Park” Tiranë. Në Gjysmëfinale do të ndeshen me dyshen italiane Daria Raimondo dhe Beatrice Veltri. I urojmë shumë suksese në vazhdim Rea Qinamit dhe Eleni Chatziavraam në këtë turne ndërkombëtar.

Rea Qinami arrin në Gjysmëfinale të turneut botëror ‘Tirana Open 2024’ Read More »

U mbyll me sukses turneu ndërkombëtar “TIRANA OPEN U16″-Tennis Europe Junior Tour 2024

U mbyll me sukses turneu ndërkombëtar “TIRANA OPEN U16 – TENNIS EUROPE JUNIOR TOUR 2024”-Category 3, në Qendrën Kombëtare të Tenisit “National Sport Park” në Tiranë. Në këtë turne morën pjesë rreth 100 tenistë nga shtete të ndryshme të botës, si: Poloni, Itali, Britani e Madhe, Suedi, SHBA, Turqi etj. por edhe tenistë shqiptarë. Fitues në kategorinë Djem Singles u shpall Angelo DE CESARIS nga Italia me rezultatin 6-1, 6-2 ndaj finalistit nga Bullgaria Kristian STEFANOV. Fituese në kategorinë Vajza Singles u shpall tenistja turke Serra HASANBASOGLU me rezultatin 6-3, 6-3 ndaj finalistes Linara BULESHEVA nga Kazakistani. Në kategorinë Doubles Djem fitues u shpallën Angelo DE CESARIS dhe Alessandro RICCARDI nga Italia me rezultatin 6-4, 6-3 ndaj dyshes së tenistë finalist polak Maksymilian STOPA dhe Jerzy FILIP URBAN. Në kategorinë Doubles Vajza fituese u shpallën Linara BULESHEVA dhe Medina OTEPBERGEN nga Kazakistani me rezultatin 6-2, 4-6, 10-8 ndaj dyshes italiane finaliste Matilde IEZZA dhe Silvia MAFFI. I urojmë suksese dhe fat të gjithë fituesve dhe tenistëve pjesëmarrës!

U mbyll me sukses turneu ndërkombëtar “TIRANA OPEN U16″-Tennis Europe Junior Tour 2024 Read More »

NSP Open 2024 TEJT 14&U, Eric Ten dhe Alexandra Shreider shpallen fitues

Eric Ten dhe Alexandra Shreider shpallen fitues të turneut ndërkombëtar “NATIONAL SPORT PARK OPEN U14 – TENNIS EUROPE JUNIOR TOUR 2024”-Category 3, që u zhvillua gjatë kësaj jave në Qendrën Kombëtare të Tenisit në Tiranë. Në këtë turne morën pjesë rreth 100 tenistë nga 20 shtete të ndryshme të botës, si: Poloni, Bullgari, Britani e Madhe, Itali, Belgjikë, Turqi etj. por edhe tenistë shqiptarë si: Arbër Dano, Alex Prifti, Anjel Hoxha, Ares Ferhati, Enki Hyseni, Glora Bushati, Kaltër Qordja dhe Reisi Sukaj. Fitues në kategorinë Djem Singles u shpall Eric TEN nga Suedia me rezultatin 6-2, 6-1 ndaj finalistit Ondrej KACIN nga Çekia. Fituese në kategorinë Vajza Singles u shpall tenistja Alexandra SHREIDER nga Ukraina me rezultatin 6-1, 6-3 ndaj finalistes Emma NOUVIAN-HOUSSE nga Franca. Në kategorinë Doubles Djem fitues u shpallën Ondrej KACIN dhe Tobias ZAPSKY nga Çekia me rezultatin 3-6, 6-4, 10-6 ndaj dyshes nga Italia, Leonardo BARBERO dhe Axel CREMONINI që rezultuan finalistë. Në kategorinë Doubles Vajza fituese u shpallën Hannelore DANIELS nga Belgjika dhe Marie DEPREZ nga Franca me rezultatin 6-3, 6-0 ndaj finalisteve Alexandra SHREIDER nga Ukraina dhe Vasilisa ZARECINAIA nga Moldavia. Falenderojmë të gjithë tenistët pjesëmarrës dhe i urojmë suksese në vazhdim!

NSP Open 2024 TEJT 14&U, Eric Ten dhe Alexandra Shreider shpallen fitues Read More »

NSP Open 2024 TEJT 14&U, Arbër Dano dhe Enki Hyseni fitojnë përballjet e para

Arbër Dano dhe Enki Hyseni fitojnë përballjet e para në turneun ndërkombëtar Tennis Europe Junior Tour Arbër Dano dhe Enki Hyseni fitojnë përballjet e para në turneun ndërkombëtar Tennis Europe Junior Tour “NSP Open 2024” 14&U, Category 3 që po zhvillohet në Qendrën Kombëtare të Tenisit “National Sport Park” në Tiranë. Arbër DANO fitoi me rezultatin 6-1, 7-5 ndaj tenistit turk Doruk UNSAL, ndërsa përballjen e rradhës e ka me tenistin nga Rumania, Rares Alexandru MIRON. Enki HYSENI fitoi me rezultatin 6-4, 7-5 ndaj tenistes Anna BATUEVA nga Turqia dhe përballjen e rradhës e ka me tenisten ukrainase Alexandra SHREIDER. I urojmë shumë suksese në vijim tenistëve tanë!

NSP Open 2024 TEJT 14&U, Arbër Dano dhe Enki Hyseni fitojnë përballjet e para Read More »

Tirana Open – Tennis Europe Junior Tour-Category 3- U14, Enki Hyseni në Çerekfinale Girls Doubles

Enki Hyseni arrin në Çerekfinale Girls Doubles të turneut ndërkombëtar “Tirana Open – Tennis Europe Junior Tour-Category 3- U14” që po mbahet në Qendrën Kombëtare të Tenisit “National Sport Park” në Tiranë. Enki HYSENI dhe partnerja e saj në dyshe Emma NOUVIAN-HOUSSE nga Franca mundën me rezultatin 6-3, 0-6, 10-6 dyshen e tenisteve Nastya MOROZOVA nga Ukraina dhe Sofiya ZAKHARKIV nga Bullgaria, duke kaluar kështu në çerekfinale në të cilën do të përballen me tenistet Serra HASANBASOGLU nga Turqia dhe Vasilisa ZARECINAIA nga Moldavia. Në këtë turne marrin pjesë rreth 100 tenistë nga vende të ndryshme të botës si Belgjikë, Itali, Francë, Greqi etj. dhe tenistë shqiptarë. Ndër tenistët shqiptarë përmendim: Arbër Dano, Ares Ferhati, Anjel Hoxha, Enki Hyseni, Ditan Mulliqi, Alex Prifti dhe Kristi Thano. I urojmë suksese të gjithë tenistëve pjesëmarrës!

Tirana Open – Tennis Europe Junior Tour-Category 3- U14, Enki Hyseni në Çerekfinale Girls Doubles Read More »

U mbyll me sukses “TIRANA OPEN U12 – TENNIS EUROPE JUNIOR TOUR 2024”-Category 2, në Qendrën Kombëtare të Tenisit “National Sport Park” në Tiranë

U mbyll me sukses turneu ndërkombëtar “TIRANA OPEN U12 – TENNIS EUROPE JUNIOR TOUR 2024”-Category 2, në Qendrën Kombëtare të Tenisit “National Sport Park” në Tiranë. Në këtë turne morën pjesë rreth 80 tenistë nga 20 shtete të ndryshme të botës, si: Gjermani, Itali, Zvicër, Turqi, Kazakistan etj. por edhe tenistë shqiptarë që dhuruan emocione në lojë. Fitues në kategorinë Djem Singles u shpall Enzo BRITO nga Suedia me rezultatin 6-2, 5-7, 10-3 dhe finalist Lenart KADRIU nga Zvicra. Fituese në kategorinë Vajza Singles u shpall Adema ALSEIPULOVA nga Kazakistani me rezultatin 4-6, 6-3, 10-5 dhe finaliste Maryia MIKALAICHYK. Në kategorinë Doubles Vajza fituese u shpallën Arina SYROEZHKINA dhe Adema ALSEIPULOVA nga Kazakistani me rezultatin 6-3, 6-1 ndaj Maryia MIKALAICHYK dhe Emily LUZI nga Britania e Madhe. Në kategorinë Doubles Djem fitues u shpallën Noah HONSBERGER nga Zvicra dhe Nikita Alexander RUNG nga Gjermania me rezultatin 6-7(2), 6-2, 10-7 ndaj Temirlan ZHANTEMIROV nga Kazakistani dhe Julian ZIEBA nga Polonia. I urojmë suksese dhe fat të gjithë fituesve dhe tenistëve pjesëmarrës, ndërkohë kanë filluar ndeshjet kualifikuese të turneut ndërkombëtar të rradhës “Tennis Europe U14 – Tirana Open Junior Tour 2024”-Category 3, në Tiranë.

U mbyll me sukses “TIRANA OPEN U12 – TENNIS EUROPE JUNIOR TOUR 2024”-Category 2, në Qendrën Kombëtare të Tenisit “National Sport Park” në Tiranë Read More »