U mbyll me sukses turneu ndërkombëtar “TIRANA OPEN U12 – TENNIS EUROPE Junior Tour 2026”
U mbyll me sukses turneu ndërkombëtar “TIRANA OPEN U12 – TENNIS EUROPE JUNIOR TOUR 2026”-Category 2, në Qendrën Kombëtare të Tenisit “National Sport Park” në Tiranë. Në këtë turne morën pjesë më shumë se 80 tenistë nga 20 shtete të ndryshme të botës, si: Gjermani, Itali, SHBA, Turqi, Kazakistan etj. por edhe tenistë shqiptarë. Fituesit dhe finalistët sipas kategorive: Girls Singles Winner: Soline CHOY Finalist: Asya KANDEMIR Boys Singles Winner: Thijs VAN DER PLOEG Finalist: Luuk INGENBLEEK Girls Doubles Winners:Alin Serra SEVER / Lena GELEGEN Finalists: Aizara ABAYEVA / Ramina DYAGILEVA Boys Doubles Winners: Thijs VAN DER PLOEG / Luuk INGENBLEEK Finalists: Levent CINAR / Artyom STOROZHUK I urojmë suksese dhe fat të gjithë fituesve dhe tenistëve pjesëmarrës, ndërkohë po zhvillohen ndeshjet e turneut ndërkombëtar të rradhës “Tennis Europe U14 – Tirana Open Junior Tour 2026”-Category 3, në Tiranë.
Ceremonia e Fundvitit e FSHT
Është zhvilluar Ceremonia e Fundvitit, e organizuar nga Federata Shqiptare e Tenisit në Qendrën Kombëtare të Tenisit “National Sport Park”, ku u festuan arritjet e vitit 2025 dhe u urua një vit i ri i mbarë dhe i suksesshëm për të gjithë komunitetin e tenisit. Gjatë kësaj ceremonie u vlerësuan lojtarët e vitit, si edhe trajneri dhe klubi më i mirë i vitit 2025. U akorduan trofe dhe dhurata për lojtarët sipas listës më poshtë: -Lojtarët e vitit 2025 Sezh Balluku Helia Hysaj Jonis Gaba Nergis Nikprelaj Arber Dano Anjel Hoxha Denis Gaba Ariel Sulovari Kledi Gaba -Klubi më i mirë i tenisit për vitin 2025 u shpall “Tennis Eralb Club”, dhe trajner i vitit, Sokol Kaso. I urojmë suksese në vijim të gjithëve!
Denis Gaba shpallet fitues i turneut “8 BEST Tournament 2025” për të rritur
Denis Gaba shpallet fitues i turneut “8 BEST Tournament 2025” për të rritur, të organizuar nga Federata Shqiptare e Tenisit në bashkëpunim me Tennis Eralb Club, këtë fundjavë në Qendrën Kombëtare të Tenisit “National Sport Park”, Tiranë. Tetë lojtarët më të mirë të kategorisë për të rritur u përballën mes tyre për trofeun e këtij turneu, i cili rezultoi me shpalljen si gjysmëfinalistë të Enian Mehmetit dhe Genajd Shyphejas, finalist të Martin Muedinit dhe fitues të Denis Gabës, me rezultatet si më poshtë: Gjysmëfinale: Denis Gaba – Genajd Shypheja 6-0, 6-3 Martin Muedini – Enian Mehemeti 6-1, 6-2 Finale: Denis Gaba – Martin Muedini 6-3, 6-2 Falënderojmë lojtarët pjesëmarrës për ndeshjet e bukura dhe plot emocion!
Shpallen fituesit e Turneut të Pavarësisë 2025 për kategorinë ROG
Shpallen fituesit e Turneut të Pavarësisë 2025 për kategorinë ROG, Vajza dhe Djem, që u zhvillua me rastin e festave kombëtare, në Qendrën Kombëtare të Tenisit “National Sport Park” Tiranë, si bashkëpunim i Federatës Shqiptare të Tenisit dhe Tennis Eralb Club. Fituesit dhe finalistët e turneut sipas kategorive: RED VAJZAT Lana Krlovic Uendi Zyli ORANGE VAJZAT Mona Tola Reina Sukaj GREEN VAJZAT Katalea Preni Helia Hysaj ORANGE DJEMTË Raiden Ymeri Adam Baba GREEN DJEMTË Serzh Balluku Alan Pelinku Urime fituesve dhe suksese të gjithë tenistëve!
Kursi ITF/OS “Coaching Beginner & Intermediate Players” në Tiranë
Federata Shqiptare e Tenisit ka përfunduar me sukses kursin ndërkombëtar ITF/OS Coaching. Beginner & Intermediate Players, i zhvilluar për disa ditë në Qendrën Kombëtare të Tenisit “National Sport Park” në Tiranë. Ky kurs u realizua në bashkëpunim me International Tennis Federation (ITF) dhe Komitetin Olimpik Kombëtar Shqiptar (KOKSH), duke sjellë në Shqipëri një program intensiv me standarde ndërkombëtare. Mbi 20 trajnerë nga Shqipëria dhe Kosova morën pjesë në këtë trajnim. Kursi përfshiu 86 orë mësime teorike dhe praktike, të fokusuar në metodikat moderne të trajnimit për nivelet fillestare dhe ndërmjetme. Sesionet u drejtuan nga ekspertët e ITF, Senad Jusufi dhe Edita Liachoviciute, të cilët ndanë përvojën e tyre shumëvjeçare me trajnerët pjesëmarrës. Në përfundim të kursit, trajnerët iu nënshtruan vlerësimeve praktike dhe teorike, pas të cilave u zhvillua ceremonia e certifikimit. Ky program synon forcimin e kapaciteteve të trajnerëve, rritjen e cilësisë së mësimdhënies dhe zgjerimin e bazës së tenisit në vend, duke kontribuar drejtpërdrejt në zhvillimin e talentëve të rinj. Faleminderit ITF dhe KOKSH për mbështetjen e vazhdueshme dhe angazhimin në zhvillimin e tenisit shqiptar.
Festivali Rajonal i Tenisit 2025 – U14 & U18
“FESTIVALI RAJONAL I TENISIT 2025 – U14 & U18” i zhvilluar këtë fundjavë në Qendrën Kombëtare të Tenisit në Tiranë “National Sport Park” si bashkëpunim i Federatës Shqiptare të Tenisit dhe Tennis Eralb Club shpall fituesit. -Djem U18 Fitues: Kledi Gaba Finalist: Denis Gaba Rezultati: 6-4,6-4 -Djem U14 Fitues: Ares Ferhati Finalist: Jonis Gaba Rezultati: 6-1,6-4 -Vajza U14 Fitues: Ola Dano Finalist: Nergis Nikprelaj Rezultati: 6-2, 6-4 Urime fituesve dhe suksese të gjithë tenistëve!
KAMPI STËRVITOR KOMBËTAR U14 2025
Federata Shqiptare e Tenisit, në bashkëpunim me ITF (International Tennis Federation) dhe Tennis Europe, organizoi edhe këtë vit Kampin Stërvitor Kombëtar 14&U 2025 në Qendrën Kombëtare të Tenisit “National Sport Park” në Tiranë. Gjatë disa ditëve intensive, kampi mblodhi lojtarë dhe trajnerë të grupmoshës U14 nga e gjithë Shqipëria, të udhëhequr nga trajneri kryesor Përparim Zano, me asistencën e trajnerëve nga qytete të ndryshme të vendit. Qëllimi i këtij projekti ishte përmirësimi i performancës sportive të lojtarëve për turnetë e ardhshëm, si dhe zhvillimi i sjelljes së tyre sportive, brenda dhe jashtë fushës. Një falënderim i veçantë shkon për të gjithë lojtarët dhe trajnerët që kontribuan në suksesin e këtij kampi.
Shpallen fituesit e turneut të përvitshëm “ALBANIAN OPEN 2025” për kategoritë U12 dhe Të Rritur
Shpallen fituesit e turneut të përvitshëm “ALBANIAN OPEN 2025” për kategoritë U12 dhe Të Rritur, organizuar nga Federata Shqiptare e Tenisit në bashkëpunim me Tennis Eralb Club këtë fundjavë në Qendrën Kombëtare të Tenisit “National Sport Park” Tiranë. Fituesit dhe finalistë Të Rritur: Të Rritur Djem: Fitues Denis Gaba me rezultatin 3-6, 7-5, 6-4 ndaj finalistit Martin Muedini. Të Rritur Vajza: Fituese Enki Hyseni me rezultatin 6-4, 6-1 ndaj finalistes Anjel Hoxha. Gjysmëfinalistë Djem: Genajd Shypheja & Alex Prifti. Gjysmëfinaliste Vajza: Ola Dano & Ariel Sulovari. Fituesve, finalistëve dhe gjysmëfinalistëve Të Rritur ju shpërndanë edhe Premiot respektive. Fituesit dhe finalistë U12: U12 Djem: Fitues Jonis Gaba me rezultatin 6-0, 6-4 ndaj finalistit Floid Kaso. U12 Vajza: Fituese Siara Tola me rezultatin 6-4, 5-7(3-10) ndaj finalistes Nergis Nikprelaj. Fituesve dhe finalistëve U12 ju shpërndanë dhuratat përkatëse. Urime e suksese të gjithë fituesve dhe tenistëve pjesëmarrës!
Turneu TIRANA OPEN – SENIOR 2025 shpall fituesit
Turneu TIRANA OPEN – SENIOR 2025 (+30, +40, +50) për Meshkuj dhe Femra shpall fituesit! Federata Shqiptare e Tenisit, në bashkëpunim me Tennis Eralb Club, organizoi me sukses turneun kombëtar “Tirana Open – Senior”, i cili u zhvillua gjatë kësaj fundjave në ambientet e Qendrës Kombëtare të Tenisit “National Sport Park Resort”, në Tiranë. Fituesit e kategorive kryesore ishin: -Meshkuj +30 Fitues: Genajd Shypheja Finalist: Erarbër Dervishi Rezultati: 6-0,6-2 -Meshkuj +40 Fitues: Florian Dabulla Finalist: Loris Hanxhari Rezultati: 7-6(4), 6-2 -Meshkuj +50 Fitues: Andrian Bleta Finalist: Doruk Gurkan Rezultati: 6-4, 6-3 -Femra +30 Fitues: Anila Kaloci Finalist: Irena Dimushi Rezultati: 7-5, 6-1 Urime fituesve dhe të gjithë pjesëmarrësve të këtij turneu!
Turneu Ndërkombëtar ITF “NSP Open J60” në Tiranë
Federata Shqiptare e Tenisit, në bashkëpunim me Tennis Eralb Club, organizoi me sukses turneun ndërkombëtar ITF World Tennis Tour Juniors J60 “NSP Open”, i cili u zhvillua nga 20 deri më 27 shtator 2025 në ambientet e Qendrës Kombëtare të Tenisit “National Sport Park Resort”, në Tiranë. Turneu për grupmoshën U18 mirëpriti talente të rinj nga shumë vende të botës, të cilët garuan në disiplina singles dhe doubles, për djem dhe vajza. Fituesit e kategorive kryesore ishin: Boys Singles U18 Christian Pizzolante (ITA) mposhti Jules Rimbaud (FRA) me rezultatin 7-5, 6-3. Girls Singles U18 Fang Yushang (CHN) mposhti Elisabetta Allegra (ITA) me rezultatin 6-2, 6-3. Boys Doubles U18 LorenzoDe Vizia / ChristianPizzolante (ITA) fituan ndaj Artem Golikov / YahavMeresse (ISR) me rezultatin 6-2, 6-2. Girls Doubles U18 Fang Yushang (CHN) / Elisabetta Allegra (ITA) fituan Marina Markina (LAT) / Kristyna Prikrylova (CZE) me rezultatin 6-2, 7-5. Urime të gjithë pjesëmarrësve dhe shumë suksese në garat e ardhshme!