Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

shkoder

ROG Tournament Shkodër – Turneu i tenistëve të vegjël

“ROG Tournament” ishte turneu i rradhës i Federatës Shqiptare të Tenisit dhe Shkodra Tennis Club për tenistët e vegjël të kategorisë Red, Orange, Green që u zhvillua këtë fundjavë në “Adriatic Tennis Park” në qytetin e Shkodrës. Rreth 70 lojtarë vajza dhe djem morën pjesë në këtë aktivitet . Në fund të tuneut të gjithë pjesëmarrësve ju shpërndanë medalje si dhe trofe për fituesit. I përgëzojmë fëmijët për angazhimin dhe hapat e parë në sportin e tenisit!

ROG Tournament Shkodër – Turneu i tenistëve të vegjël Read More »

Winter Adriatic Cup – Rea Qinami, Salidin Rama, Angelina Radoman dhe Ares Ferhati fitues

Rea Qinami, Salidin Rama, Angelina Radoman dhe Ares Ferhati fitues të turneut “Winter Adriatic Cup U12 & U18” në Shkodër. Ka përfunduar me sukses turneu “Winter Adriatic Cup U12 & U18” , ku në kategorinë U12 Djem fitues u shpall Ares Ferhati pas finales me rezultat 7-5, 6-4 ndaj Arbër Dano. Në kategorinë U12 Vajza fituese u shpall Angelina Radoman me rezultatin 6-1, 6-0 ndaj Hana Veseli. Fitues në kategorinë U18 Djem u shpall Salidin Rama me rezultatin 6-2, 6-0 pas finales me Kledi Gaba. Rea Qinami u shpall fituese në kategorinë U18 Vajza pas fitores në finale me rezultatin 6-0, 6-2 ndaj Lejla Sijaric. Turneu u zhvillua në “Adriatic Tennis Park” në Shkodër me pjesëmarrje të tenistëve nga Shqipëria, Kosova dhe Mali i Zi. Urojmë fituesit dhe shumë suksese të gjithë pjesëmarrësve!

Winter Adriatic Cup – Rea Qinami, Salidin Rama, Angelina Radoman dhe Ares Ferhati fitues Read More »

Fituesit e turneut “Shkodra Indoor 2022” Masters

Shpallen fituesit e turneut “Shkodra Indoor 2022” për kategoritë +35 dhe +45 të zhvilluar në Adriatic Tennis Park në Shkodër. Në kategorinë +35 Meshkuj fitues u shpall Redi Dabulla dhe finalist Edi Pelinku. Ndërsa në kategorinë +35 Femra fituese u shpall Elonia Gjata dhe finaliste Vesa Islami nga Kosova. Në kategorinë +45 fitues rezultoi Andrian Bleta dhe finalist Aleksander Konomi. Falenderojmë organizatorët “Shkodra Tennis Club” dhe kryegjyqtarin e turneut Alban Dani, për realizimin e këtij turneu të suksesshëm. I urojmë suksese të tjera të gjithë tenistëve pjesëmarrës dhe fitues!

Fituesit e turneut “Shkodra Indoor 2022” Masters Read More »

Shpallen fituesit e turneut “Shkodra Indoor” të kategorive U10 & U14.

Fituese në kategorinë U14 Vajza rezultoi Eva Angelina Radoman nga Mali i Zi dhe finaliste Enki Hyseni. Kledi Gaba u shpall fitues në kategorinë U14 Djem dhe finalist Alex Prifti. Ndërsa në kategorinë U10 Vajza fituese rezultoi Ola Dano dhe finaliste Nergis Nikprelaj ndërsa fitues në kategorinë U10 Djem u shpall Martin Bushati dhe finalist Jonis Gaba. Falenderojmë të gjithë tenistët që morën pjesë në këtë turne të zhvilluar në Adriatic Tennis Park në Shkodër dhe i urojmë suksese të tjera në vijim!

Shpallen fituesit e turneut “Shkodra Indoor” të kategorive U10 & U14. Read More »

Shkodra Open / Pjesëmarrje rekord të tenistëve shqiptar në një turne Tennis Europe

Pjesëmarrje rekord të tenistëve shqiptar në një turne Tennis Europe ndodh në turneun ndërkombëtar “Shkodra Open” i kategorisë U16, që zhvillohet për herë të parë në qytetin e Shkodrës. •Plot 14 lojtarë shqiptarë, vajza dhe djem, do të ndeshen gjatë kësaj jave me tenistë nga vende të ndryshme të botës si nga: Australia, Italia, Ukraina, Polonia, Greqia etj. në kompleksin “Adriatic Tennis Park” në qytetin verior të Shqipërisë. •Numri i lartë i pjesëmarrjes nga tenistët shqiptar dëshmon edhe njëherë nivelin e lartë sportiv që këta lojtarë kanë arritur, duke qenë të kualifikuar të konkurrojnë me tenistë të talentuar nga shumë vende të botës. • Ndërkohë sot, në turneun “Shkodra Open” po zhvillohen ndeshjet kualifikuese. • I urojmë shumë fat të gjithë tenistëve pjesëmarrës!

Shkodra Open / Pjesëmarrje rekord të tenistëve shqiptar në një turne Tennis Europe Read More »

Shpallen fituesit e turneut “Adriatic Juniors” për moshat U10, U12 dhe U14.

Fitues i kategorisë U10 Djem u shpall Jonis GABA i cili mundi në finale Floid KASO me rezultatin 4-2,4-2. Fituese e kategorisë U10 Vajza u shpall Reina SELMANAJ nga Kosova, me rezultatin 0-4, 4-1, 10/5 ndaj Hana VESELI. Fitues i kategorisë U12 Djem u shpall Alex PRIFTI ndaj Arbër DANO në një finale me rezultatin 6-1,6-1. Fituese e kategorisë U12 Vajza u shpall Enki HYSENI me rezultatin 6-1, 6-0 ndaj Anjel HOXHA. Fitues i kategorisë U14 Djem u shpall Kledi GABA ndërsa U14 Vajza rezultoi fituese Masa PRIJOVIC nga Mali i Zi. Për më shumë informacion rreth rezultateve të ndeshjeve ju ftojmë të vizitoni faqen: albaniantennis.com/turne/ Ky turne u realizua nën kujdesin e klubit “Shkodra Tennis Club” dhe Federatës Shiptare të Tenisit, organizatorit Dino Mehmedoviq dhe gjyqatrit Dritan Dano, në ambjentet e Adriatic Tennis Park në Shkodër. I urojmë suksese të tjera të gjithë tenistëve pjesëmarrës!

Shpallen fituesit e turneut “Adriatic Juniors” për moshat U10, U12 dhe U14. Read More »

“Albanian Bowl Senior 2022” Fituesit +35, +45 dhe U18

Ka përfunduar këtë fundjavë turneu “Albanian Bowl Senior 2022” për kategorinë Senior dhe U18. Respektivisht në kategorinë Senior +35 fitues u shpall Odeon SMAJLI pas një përballje të fortë me Edi PELINKU me rezultat 3-6, 7-5, 11/9. Në kategorinë Senior +45 fitues doli Andi BILALI me rezultat 6-0, 6-3 përballë Mejdi REXHEPI. Ndërsa në kategorinë U18 Vajza, fituese me rezultatin 6-4, 6-4 doli Gresi BAJRI, ndaj tenistes Aja BROQI. Në kategorinë U18 Djem, fitues u shpall Skendo KATANA ndaj Fresk SYLASI me rezultatin 6-4, 6-4. Suksese të tjera tenistëve tanë!

“Albanian Bowl Senior 2022” Fituesit +35, +45 dhe U18 Read More »

Inaugurohet kompleksi i tenisit Adriatic Tennis Park në Shkodër

Në praninë e Ministres së Arsimit dhe Sportit, u inaugurua këtë fundjavë kompleksi i tenisit Adriatic Tennis Park. Adriatic Tennis Park, e përfaqësuar nga drejtuesi i tij Z. Gëzim Galiqi, dhe Shkodra Tennis Club, e përfaqësuar nga Presidenti, Z. Mark Gjeka, trajneri Dino Mehmedoviq dhe kampionia Gresi Bajri, mikpritën dhe përshëndetën ngrohtësisht personalitetet, miqtë dhe të ftuarit e shumtë. Mbajtën fjalimet e rastit Ministrja e Arsimit dhe Sportit, Zj. Evis Kushi, ish-kryetarja e Bashkisë Shkodër, Zj. Voltana Ademi, Presidenti i Komitetit Olimpik Kombëtar Shqiptar, Z. Fidel Ylli, Presidenti i Federatës Shqiptare të Tenisit, Z. Ferdinand Sulo, Presidenti i Federatës së Tenisit të Kosovës, Z. Jeton Hadërgjonaj, anëtari i bordit të zhvillimit Tennis Europe, Z. Shkëlzen Domi dhe drejtori i Bellevue Club, Z. Senad Tafa. Shqipërisë i bashkohet një mundësi e artë për zhvillimin e talenteve të reja në sportin e tenisit, me krijimin e këtij kompleksi të mrekullueshëm tenisi në veri të vendit. Federata Shqiptare e Tenisit i uron shumë suksese Adriatic Tennis Park dhe i ofron mbështetjen në çdo projekt në të ardhmen.

Inaugurohet kompleksi i tenisit Adriatic Tennis Park në Shkodër Read More »

“Albanian Bowl 2022”, fituesit U10, U12, U14, U18

Turneu “Albanian Bowl 2022” u mbyll me sukses. Në kategorinë U10 Djem, Morihej DURAKU u shpall fitues me rezultatin 4-3, 4-3 ndaj Martin BUSHATI. Në kategorinë U10 Vajza, fituese u shpall Hana VESELI ndaj Reina SELMANAJ me rezultatin 4-2, 4-3. Në kategorinë U12 Djem, fitues u shpall Alex PRIFTI me rezultatin 6-3,1-6,10/5 ndaj Alen KATANA. Ndësa për vajza në kategorinë U12, fituese rezultoi Learta MUHARREMI nda Enki HYSENI me rezultatin 6-2,6-3. Në kategorinë U14 Djem, Kledi GABA fitoi me rezultat 6-2, 6-2 ndaj Damian METHASANI. Ndërsa po në kategorinë U14 për vajza, fituese me rezultatin 6-3,3-6,10/3 u shpall Meldina MISLIMI ndaj Masa PRIJOVIC. Në kategorinë U18 Djem, Skënder KATANA fitoi me rezultat 6-1, 6-0 ndaj Salidin RAMA. Në kategorinë U18 Vajza fituese u shpall Rea QINAMI me rezulatin 7-6, 6-1 nda Linda DELIU. Ky turne u organizua nga FSHT dhe Shkodra Tennis Club me pjesëmarrjen e tenistëve nga Shqipëria, Kosova, Mali i Zi dhe Bosnja-Hercegovina. Për më shumë detaje vizitoni: https://courthive.com/t/c4247f32-36d5-4287-8f59-810df076ef52? (Mars 2022)

“Albanian Bowl 2022”, fituesit U10, U12, U14, U18 Read More »

Turneu “Adriatic Doubles Cup” në Shkodër mbyllet me sukses

Përfundoi me sukses turneu “Adriatic Doubles Cup” i zhvilluar në Shkodër, me pjesëmarrjen e lojtarëve double nga klube sportive të Shqipërisë dhe më gjerë. Fituese në kategorinë Vajza Doubles u shpallën G.Bajri dhe J.Dani pas një përballje finale me R.Qinami dhe L.Deliu me rezultatin 6-1, 6-2. Ndërsa fitues në kategorinë Djem Doubles rezultuan E.Kollari dhe A.Suka nga Mali i Zi pas një përballje të fortë me A.Sulo dhe T.Kaso që përfundoi me rezultatin 6-4,7-5. (Shkurt 2022)

Turneu “Adriatic Doubles Cup” në Shkodër mbyllet me sukses Read More »