Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

Lajme

Mbyllet garimi i tenistëve shqiptarë në Lojërat Mesdhetare “Oran 2022”

Kristal Dule dhe Martin Muedini nuk kaluan dot raundin e parë pas përballjeve me tenistë me rankim të lartë, ndërkohë tenistja Gresi Bajri u mund në raundin e dytë. Të pranishëm në Oran të Algjerisë për të ndjekur ndeshjet e përfaqësuesve shqiptarë ishin Presidenti i Komitetit Olimpik Kombëtar Shqiptar, z.Fidel Ylli, Sekretari i Përgjithshëm i KOKSH, z.Gerti Shima, Zv/Ministri i Arsimit dhe Sportit z.Endri Hoxha dhe gjithë delegacioni i KOKSH, trajnerë dhe lojtarë. I urojmë fat dhe suksese tenistëve shqiptarë në garat e tjera ndërkombëtare!

Mbyllet garimi i tenistëve shqiptarë në Lojërat Mesdhetare “Oran 2022” Read More »

Ekipi kombëtar i tenisit në Lojërat Mesdhetare “Oran 2022”, Algjeri

Ekipi Kombëtar i Tenisit ndodhet në Oran të Algjerisë duke u parapërgatitur për ndeshjet në “Lojërat Mesdhetare Oran 2022” që do të luhen gjatë kësaj jave. Ekipi kombëtar shqiptar që merr pjesë në këtë eveniment sportiv përbëhet nga tenistët shqiptar: Gresi Bajri, Kristal Dule dhe Martin Muedini. I urojmë shumë fat tenistëve tanë të cilët me arritjet e tyre gjatë viteve, na mbushin me shpresë për një përfaqësim sa më të suksesshëm të kombit tonë në eventin më të madh sportiv mesdhetar.

Ekipi kombëtar i tenisit në Lojërat Mesdhetare “Oran 2022”, Algjeri Read More »

Alex Prifti, fitorja e parë në Greqi “Ptolemaida Juniors – Tennis Europe”

Alex Prifti, fitorja e parë e ekipit kombëtar shqiptar në turneun ndërkombëtar në Greqi “Ptolemaida Juniors – Tennis Europe”. Alex Prifti fitoi me rezultatin 7-5, 6-4, 14-12 ndaj rivalit të tij Efthimis Tzimas pas një ndeshje të fortë dhe plot emocion. I urojmë suksese Alex në vijim! Pjesëmarrës në këtë turne për kategorinë U12 janë tenistët shqiptarë: Anjel Hoxha, Enki Hyseni, Alex Prifti, Ares Ferhati, Ditan Mulliqi dhe Arbër Dano nën shoqërimin e trajneres Elda Vukatana.

Alex Prifti, fitorja e parë në Greqi “Ptolemaida Juniors – Tennis Europe” Read More »

Gresi Bajrit i dorëzohet flamuri kombëtar nga Ministrja e Arsimit dhe Sportit, Evis Kushi

Tenistja jonë kampione Gresi Bajri u përzgjodh si sportistja të cilës do t’i dorëzohej flamuri kombëtar shqiptar nga Ministrja e Arsimit dhe Sportit zj.Evis Kushi në ceremoninë e dorëzimit të flamurit kombëtar për ekipin shqiptar në Lojërat Mesdhetare “Oran 2022”. Kjo ceremoni u zhvillua në prani të Presidentit të KOKSH z.Fidel Ylli, Kryetarit të Bashkisë Tiranë z.Erjon Veliaj, Presidentit të FSHT z.Ferdinand Sulo, Shefit të Misionit Diplomatik të Algjerisë z.Ridha Nebais, zv/Kryetarit të MAS z.Endrit Hoxha, Sekretarit të Përgjithshëm të FSHT z.Klaus Bardeli, Sekretarit të Përgjithshëm të KOKSH z.Gerti Shima, përfaqësuesve të të gjitha federatave dhe sportistëve pjesëmarrës. Lojërat Mesdhetare Oran 2022 do të zhvillohen në datat 25 Qershor – 6 Korrik 2022. Në këtë eveniment do të marrin pjesë tenistët shqiptar: Gresi Bajri, Kristal Dule dhe Martin Muedini. I urojmë shumë suksese në përfaqësimin e ngjyrave të kombit tonë në eventin më të madh sportiv mesdhetar.

Gresi Bajrit i dorëzohet flamuri kombëtar nga Ministrja e Arsimit dhe Sportit, Evis Kushi Read More »

Kristal Dule në finale të turneut rajonal të më të mirëve, në Itali

Kristal Dule në finale të turneut rajonal të më të mirëve, të realizuar në Veneto në Itali më 15 Qershor. Tenistja e kombëtares tonë për të rritur, Kristal Dule arrin të kalojë 4 raunde të këtij turneu kampionësh duke mundur edhe tenisten në krye të rankimit. Mirëpo edhe pse nuk arriti të shpallet kampione, Dule realizoi një përfaqësim tejet dinjitoz. I urojmë shumë suksese të tjera Kristalit!

Kristal Dule në finale të turneut rajonal të më të mirëve, në Itali Read More »

Shpallen fituesit e turneut “Adriatic Juniors” për moshat U10, U12 dhe U14.

Fitues i kategorisë U10 Djem u shpall Jonis GABA i cili mundi në finale Floid KASO me rezultatin 4-2,4-2. Fituese e kategorisë U10 Vajza u shpall Reina SELMANAJ nga Kosova, me rezultatin 0-4, 4-1, 10/5 ndaj Hana VESELI. Fitues i kategorisë U12 Djem u shpall Alex PRIFTI ndaj Arbër DANO në një finale me rezultatin 6-1,6-1. Fituese e kategorisë U12 Vajza u shpall Enki HYSENI me rezultatin 6-1, 6-0 ndaj Anjel HOXHA. Fitues i kategorisë U14 Djem u shpall Kledi GABA ndërsa U14 Vajza rezultoi fituese Masa PRIJOVIC nga Mali i Zi. Për më shumë informacion rreth rezultateve të ndeshjeve ju ftojmë të vizitoni faqen: albaniantennis.com/turne/ Ky turne u realizua nën kujdesin e klubit “Shkodra Tennis Club” dhe Federatës Shiptare të Tenisit, organizatorit Dino Mehmedoviq dhe gjyqatrit Dritan Dano, në ambjentet e Adriatic Tennis Park në Shkodër. I urojmë suksese të tjera të gjithë tenistëve pjesëmarrës!

Shpallen fituesit e turneut “Adriatic Juniors” për moshat U10, U12 dhe U14. Read More »

“Tennis Junior Festival – JTI’ në Korçë

Falë mbështetjes së International Tennis Federation nëpërmjet programit “JTI – Junior Tennis Initiative”, Federata Shqiptare e Tenisit në bashkëpunim me klubin Tennis Korça organizuan në qytetin e Korçës Festivalin Veror të Tenisit. Fëmijët e qytetit të Korçës u argëtuan me aktivitetet e organizuara, shumë prej të cilëve patën fatin të luajnë tenis për herë të parë. Ky festival do të pasohet nga shumë të tjerë në qyteta të tjera të Shqipërisë.

“Tennis Junior Festival – JTI’ në Korçë Read More »

Mario Zili dhe Linda Deliu fitues të Kampionatit Kombëtar Individual.

Mario Zili dhe Linda Deliu fitues të Kampionatit Kombëtar Individual. Në finale të këtij kampionati për kategorinë Të rritur Meshkuj dolën Mario Zili dhe Martin Muedini. Pas një përballje të fortë fitues me rezultatin 6-3,6-4 u shpall Mario Zili. Në kategorinë Të rritur Femra fituese u shpall Linda Deliu me rezultatin 6-2, 6-0 ndaj finalistes Elonia Gjata. Ky kampionat kishte një organizim të detajuar nën kujdesin e z. Sokol Kaso  (zyrtar i turneut) dhe z. Kleidi Vora (kryegjyqtar), bashkëpunim mes klubit “Tennis Eralb Club” dhe Federatës Shqiptare të Tenisit, i cili u zhvillua në Qendrën Kombëtare të Tenisit në Tiranë.

Mario Zili dhe Linda Deliu fitues të Kampionatit Kombëtar Individual. Read More »

Anjel Hoxha, Kledi Gaba, Nergis Nikprelaj, Martin Bushati fitues të “Durrësi Open 2022”

Përfundon turneu “Durrësi Open 2022” për kategorinë ROG U-10 & U-14. Fituese në kategorinë U14 Vajza u shpall Anjel Hoxha pas ndeshjes finale me rezultatin 6-4, 7-5 ndaj Enki Hyseni. Fitues në kategorinë U14 Djem u shpall Kledi Gaba pas përballjes finale me Damian Methasanin me rezultatin 6-2, 6-3. Ndërsa në kategorinë U10 Vajza fituese rezultoi Nergis Nikprelaj, ndjekur nga Ida Treska dhe Kiara Boci. Në kategorinë U10 Djem fitues rezultoi Martin Bushati, ndjekur nga Morihei Duraku, Floid Kaso, Edi Duraku dhe Kristo Tomorri. Organizim shumë i bukur nën drejtimin e z. Maks Prifti (zyrtar i turneut) dhe z. Dritan Dano (kryegjyqtar). Rezultatet e aktivitetit mund ti ndiqni në: https://courthive.com/t/2347f9bf-fe94-4c8e-8dba-0e20d7806439? Turneu i radhës në kalendarin e aktiviteteve të FSHT është “KAMPIONATI KOMBETAR INDIVIDUAL” në datat 3-5 Qershor 2022 në Qendrën Kombëtare të Tenisit në Tiranë.

Anjel Hoxha, Kledi Gaba, Nergis Nikprelaj, Martin Bushati fitues të “Durrësi Open 2022” Read More »