Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

GroupIV

Ceremonia përbyllëse e Kupës Botërore të Tenisit Tenisit “2024 Davis Cup Europe Group IV”

Ceremonia përbyllëse e Kupës Botërore të Tenisit Tenisit “2024 Davis Cup Europe Group IV” Malta dhe Armenia kalojnë në Grupin e III Europe. Malta arriti të mund me rezultatin 2-0 ekipin e Lihtenshtajnit. Armenia mundi me rezultatin 2-1 San Marinon. Arritje ishte edhe për ekipin kombëtar shqiptar të cilët pasi fituan ndaj Andorrës me rezultatin 2-1, zunë vendin e 5-të duke lënë pas ekipin e Andorrës dhe Islandës. Në mbyllje të kompeticionit, në ceremoninë përmbyllëse u shpërndanë medalje për lojtarët e Maltës dhe Armenisë mes një atmosfere festive. Federata Botërore e Tenisit, përfaqësuar nga Javier Moreno Perez akordoi një trofe Federatës Shqiptare të Tenisit, Presidentit Ferdinand Sulo, për realizimin me sukses të këtij eventi të rëndësishëm. I urojmë suksese të tjera ekipeve pjesëmarrëse dhe të gjithë subjekteve të angazhuar në realizmin e Davis Cup për herë të parë në Shqipëri.

Ceremonia përbyllëse e Kupës Botërore të Tenisit Tenisit “2024 Davis Cup Europe Group IV” Read More »

2024 DC EU IV – Shqipëria fiton mbi Andorrën!

Ekipi kombëtar shqiptar i të rriturve Meshkuj ka arritur të mundë ekipin e Andorrës me rezultatin 2-1 në Kampionatin Botëror “2024 DAVIS CUP Europe Group IV” në Play Off (5th to 6th) zhvilluar në Qendrën Kombëtare të Tenisit në Tiranë. Joan Sura fitoi me rezultatin 6-0, 6-3 ndaj Guillem Davasse Vidal në përballjen e parë Singles. Në përballjen e dytë Singles, pas një ndeshje të fortë Martin Muedini nuk arriti të mposht kundërshtarin Pablo Carrascosa me rezultatin 6-4, 3-6, 3-6. Në përballjen Doubles Dyshja e djemve shqiptarë Joan Sura dhe Daniel Ostap fituan me rezultatin 6-4, 2-6, 7-5 ndaj dyshes Eric Cevros Noguer dhe Jordi Trilla Clanchet. Një bravo për lojtarët e ekipit tonë të cilët dhanë maksimumin e tyre! Suksese të tjera!

2024 DC EU IV – Shqipëria fiton mbi Andorrën! Read More »

Momente nga Ceremonia e “2024 DAVIS CUP EU IV” Tirana, Albania

U zhvillua sot ceremonia hapëse e Kupës Botërore të Tenisit për të Rritur Meshkuj “2024 Davis Cup – Europe IV” që zhvillohet për herë të parë në Shqipëri, në Qendrën Kombëtare të Tenisit “National Sport Park” në Tiranë. Në këtë aktivitet marrin pjesë ekipet kombëtare të tenisit të Armenisë, Liechtensteinit, Andorrës, Maltës, San Marinos, Islandës dhe Shqipërisë, të të rriturve meshkuj. Gjatë gjithë kësaj jave do të zhvillohen ndeshje individuale dhe dyshe të këtyre ekipeve. Ekipi shqiptar përbëhet nga lojtarët: Martin Muedini, Daniel Ostap, Joan Sura, Denis Gaba dhe kapitenët dhe trajnerët Përparim Zano dhe Ervin Rota. Të ftuar në ceremoninë hapëse ishin personalitete të sportit dhe politikës por jo vetëm ku përmendim: -Nënkryetarja e Bashkisë Tiranë, Frida Pashako -Zv.Ministri i Arsimit dhe Sportit, Endrit Hoxha -Përfaqësues i Federatës Botërore të Tenisit (ITF), Javier Moreno Perez -Presidenti i Komitetit Olimpik Kombëtar Shqiptar, Fidel Ylli. Ceremonia u drejtua nga Drejtori organizativ i Davis Cup Albi Sulo dhe Sekretari i Përgjithshëm i FSHT, Klaus Bardeli. Të gjithë ekipet parakaluan me flamujt e shteteve respektive përpara fillimit të ndeshjeve të para të këtij kompeticioni. I urojmë shumë fat ekipit tonë kombëtar dhe suksese të gjithë ekipeve pjesëmarrëse!

Momente nga Ceremonia e “2024 DAVIS CUP EU IV” Tirana, Albania Read More »

Kampionati Botëror “2024 Davis Cup – Europe Group IV” për herë të parë në Shqipëri

Federata Botërore e Tenisit (International Tennis Federation) ka përzgjedhur Federatën Shqiptare të Tenisit për të organizuar Kampionatin prestigjoz botëror “2024 Davis Cup – Europe Group IV” në Qendrën Kombëtare të Tenisit “National Sport Park” në Tiranë gjatë javës së 10 Qershorit 2024. Shqipëria do të mirëpresë në kryeqytet ekipet kombëtare të meshkujve për Të Rritur të Armenisë, Lihtenshtajnit, Andorës, Maltës, San Marionos dhe Islandës. Kampionati botëror ekipor Të Rritur Meshkuj Davis Cup realizohet për herë të parë në Shqipëri dhe për këtë falenderojmë Federatën Botërore të Tenisit (ITF) për besimin e dhënë. Java e 10 Qeshorit do të shënojë një nga javët me rëndësinë më të madhe sportive të vendit tonë për vitin 2024. I urojmë suksese edhe ekipit tonë shqiptar që do të na përfaqësojë në “2024 Davis Cup – Europe Group IV”.

Kampionati Botëror “2024 Davis Cup – Europe Group IV” për herë të parë në Shqipëri Read More »

Ekipi kombëtar i Djemve në Davis Cup 2023

Ekipi kombëtar i Djemve në Davis Cup 2023. ️Nga data 18 Korrik deri dje ekipi kombëtar i djemve i kategorisë së të rriturve është grumbulluar në Ulqin të Malit të Zi, në Klubin e Tenisit “Bellevue” si parapërgatitje për pjesëmarrjen në Kampionatin Botëror Ekipor të Meshkujve “2023 Davis Cup Europe Group IV” që fillon sot deri më 29 Korrik 2023 në Ulqin, Mal i Zi. Shqipëria ndodhet në grupin IV, Pool B, së bashku me: Islandën, Azerbajxhanin dhe Kosovën. Sot Shqipëria do të përballet me Islandën. Ekipi kombëtar shqiptar përbëhet nga tenistët: Mario Zili (kapiten/lojtar), Martin Muedini, Nermin Hoxhiç dhe Arbër Sulstarova. I urojmë shumë suksese ekipit tonë në këtë kompeticion të rëndësishëm ndërkombëtar.

Ekipi kombëtar i Djemve në Davis Cup 2023 Read More »