Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

Turne

NSP Open – J30 ITF, Gresi Bajri dhe Rea Qinami kalojnë roundin e parë

Gresi Bajri dhe Rea Qinami kalojnë roundin e parë në turneun ndërkombëtar “NSP Open – J30 ITF World Tennis Tour Juniors Tirana” i kategorisë U18 Djem/Vajza që po zhvillohet në në Qendrën Kombëtare të Tenisit “National Sport Park” në Tiranë. Gresi Bajri mundi me rezultatin 6-1, 6-4 tenisten maqedonase Ivana Milkova. Rea Qinami mundi me rezultatin 6-2, 6-4 tenisten Dorien Kappetijn nga Belgjika. I urojmë suksese në vazhdim tenisteve shqiptare!

NSP Open – J30 ITF, Gresi Bajri dhe Rea Qinami kalojnë roundin e parë Read More »

Përfundon me sukses turneu ndërkombëtar Shkodra Open 2023

Është përmbyllur me sukses turneu ndërkombëtar Tennis Europe Junior Tour ‘Shkodra Open 2023’ për grupmoshën 16&U, i cili është zhvilluar në ambientet e Adriatic Tennis Park në Shkodër. Në finalen e vajzave në Singles fituese doli Xinran Sun nga Kina e cila mposhti tenisten nga Latvija, me rezultat 6-1 6-0. Ndërsa tek djemtë Singles fitues doli Marko Savija nga Serbia arriti ta mposhtë tenistin Nikita Gryibakin nga Estonia me rezultat 6-4 6-2. Tek kategoria Vajza Doubles kampione u shpallën Gloria Levinsky dhe Xinran Sun pasi mposhtën në finale Luisa Fusil dhe Marina Markina me rezultat 7-5 5-2 ret. Ndërsa tek kategoria Djem/ Doubles kampion dolën Marko Savija dhe Pavle Vukosavljevic të cilët mposhtën Marinos Karniatis dhe Luka Lukovac me rezultat 7-5 6-2. I urojmë suksese në vazhdim të gjithë tenistëve pjesëmarrës!

Përfundon me sukses turneu ndërkombëtar Shkodra Open 2023 Read More »

Turneu “Durrësi Open” shpall fituesit

Turneu “Durrësi Open” shpall fituesit për kategoritë U12 dhe U18 Vajza/Djem. Ky ishte turneu i rradhës i zhvilluar si bashkëpunim i FSHT me Tennis Plus Club në qytetin e Durrësit. Damian Methasani u shpall fitues me rezultatin 6-2, 6-2 dhe finalist Tedi Teferiçi në kategorinë U18 Djem. Arbër Dano u shpall fituese me rezultatin 6-1, 4-1 ndaj finalistit Ares Ferhati në kategorinë U12 Djem. Anjel Hoxha shpallet fituese me rezultatin 6-0, 6-0 ndaj Anesa Ismajli në kategorinë U12 Vajza. Falenderojmë organizatorin z.Maksim Prifti dhe kryegjyqtarin z.Përparim Zano, si dhe të gjithë tenistët pjesëmarrës duke i uruar suksese në vijim!

Turneu “Durrësi Open” shpall fituesit Read More »

Gresi Bajri fituese në J30 Peja – Kosova Open 2023 – ITF Junior Tour Girls Doubles

Gresi Bajri fituese në J30 Peja – Kosova Open 2023 – ITF Junior Tour Girls Doubles. Dyshja Gresi Bajri me tenisten greke Alexandra Magia arrijnë të rrëmbejnë trofeun e Dysheve Vajza në këtë turneun botëror pas fitores në finale kundër dyshes Alexandra Panagiotidou dhe Lydia Panagiotidou nga Greqia. Urojmë për fitoren tenisten tonë të suksesshme Gresi Bajri!

Gresi Bajri fituese në J30 Peja – Kosova Open 2023 – ITF Junior Tour Girls Doubles Read More »

Albania Open 2023 – TEJT shpall fituesit

Turneu ndërkombëtar “Albania Open – Tennis Europe Junior Tour” i zhvilluar në Qendrën Kombëtare të Tenisit “National Sport Park” në Tiranë për kategorinë U14 Vajza dhe Djem shpall fituesit. Fitues në kategorinë Djem/Singles u shpall Luka LUKOVAC nga Mali i Zi dhe finalist Marek SMEJCKY nga Çekia (4-6, 6-4, 6-3). Fituese në kategorinë Vajza/Singles u shpall Gloria LEVINSKY nga Çekia dhe finaliste Zoe HANDZO nga Sllovakia (6-0, 6-3). Fitues në kategorinë Djem/Doubles u shpallën Alexandros AVGERIS nga Greqia dhe Marek SMEJCKY nga Çekia dhe finalistë italianët Francesco CINGOLI dhe Nicola DI LORENZO (6-4, 6-4). Fituese në kategorinë Vajza/Doubles u shpallën Bianca FRANCESCONI dhe Francesca MASONI nga Italia dhe finaliste Zoe HANDZO nga Sllovakia dhe Learta MUHARREMI nga Kosova (7-5, 6-4). Edhe tenistët shqiptarë pjesëmarrës gjatë këtij turneu arritën disa ndeshje të fituara ku përmendim arritjen e Denis Gaba në Gjysmëfinalen Djem/Doubles, Anjel Hoxha dhe Ariel Sulovari në Gjysmëfinalen Vajza/Doubles, Denis Gaba dhe Arbër Dano në Çerekfinalen Djem/Singles, Ares Ferhati dhe Arbër Dano në Çerekfinalen Djem/Doubles. Drejtor i këtij turneu ndërkombëtar ishte Albi Sulo dhe kryegjyqtar Çetin Kesic. I urojmë suksese në vazhdim të gjithë tenistëve!

Albania Open 2023 – TEJT shpall fituesit Read More »

J30 Peja Open 2023, Gresi Bajri shpallet finaliste

Gresi Bajri shpallet finaliste e turneut ndërkombëtar ITF World Tennis Tour Juniors “J30 Peja Open 2023”, që u zhvillua në Pejë, Kosovë. Bajri kaloi në finale të këtij turneu pas fitores me rezultatin 6-3, 3-6, 6-2 ndaj tenistes romune Gloria Pop, por nuk ka arritur të mposhtë kundërshtaren e saj në finale, Alexandra Panagiotidou nga Greqia ,duke u shpallur kështu finaliste për Vajza/Singles. Urime Gresit dhe suksese në turnetë në vazhdim!

J30 Peja Open 2023, Gresi Bajri shpallet finaliste Read More »

National Sport Park Open TEJT, Arbër Dano shpallet finalist

Tenisti shqiptar Arbër Dano shpallet finalist i turneut ndërkombëtar U12 “National Sport Park Open – Tennis Europe Junior Tour” që u zhvillua në Qendrën Kombëtare të Tenisit në Tiranë. Arbër Dano së bashku me bashkëlojtarin nga Kosova Erion Prizreni, mundën me rezultatin 6-2,6-4 tenistët Martin Bushati dhe Edon Ademi nga Mali i Zi. Dano nuk arriti të fitojë në finalen Doubles/Djem kundër dyshes nga Bullgaria, Damyan Avramovski dhe Kamen Ivanov, duke u shpallur kështu finalist i këtij turneu ndërkombëtar. I urojmë shumë suksese në vijim dhe fitore të tjera!

National Sport Park Open TEJT, Arbër Dano shpallet finalist Read More »

J30 Peja Open 2023, Rea Qinami kalon në Çerekfinale

Rea Qinami kalon në Çerekfinale Vajza/Doubles të turneut ndërkombëtar ITF World Tennis Tour Juniors “J30 Peja Open 2023” që po zhvillohet në Kosovë. Tenistja shqiptare Rea Qinami së bashku me bashkëlojtaren nga Kosova, Forta Morina arritën të mposhtin dyshen gjermane Daria Barsukov dhe Lina Vor. I urojmë shumë suksese në vazhdim sot çerekfinale të këtij turneu ndërkombëtar!

J30 Peja Open 2023, Rea Qinami kalon në Çerekfinale Read More »

Shkodra Open 2023, Gresi Bajri dhe Danial Spasov shpallen kampionë

Gresi Bajri dhe Danial Spasov shpallen kampionë të ITF World Tennis Tour Juniors ‘SHKODRA OPEN 2023’. Është përmbyllur turneu ndërkombëtar ITF World Tennis Tour Juniors ‘Shkodra Open 2023’ J30 Shkoder, i cili është zhvilluar gjatë datave 19-27 Gusht 2023.  Në finalen e vajzave në singles fituese doli Gresi Bajri nga Shkodra e cila mposhti tenisten nga Italia, Beatrice Veltri me rezultat 6-3 6-3. Ndërsa tek djemtë, Danial Spasov nga Bullgaria arriti ta mposhtë tenistin italian, Marco Bavaro në tre sete 3-6 6-3 7-5. Në ceremoninë përmbyllëse ishin të pranishëm: nënkryetari i Bashkisë së Shkodrës, Rudin Beka, presidenti i Federatës Shqiptare të Tenisit, Ferdinand Sulo, sekretari i përgjithshëm i Federatës Shqiptare të Tenisit, Klaus Bardeli, përfaqësuesit e Adriatic Tennis Park, Gëzim Galiqi dhe Bled Bilalli të cilët ndanë trofetë për fituesit dhe finalistët. Një falenderim i veçantë për të gjithë ata që kontribuan që ky turne i organizuar për herë të parë në Shkodër të realizohet me sukses.

Shkodra Open 2023, Gresi Bajri dhe Danial Spasov shpallen kampionë Read More »