Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

national sport park

14&U NATIONAL TRAINING CAMP 2024

14&U NATIONAL TRAINING CAMP 2024 është kampi stërvitor i përvitshëm i zhvilluar nga Federata Shqiptare e Tenisit në bashkëpunim me ITF – International Tennis Federation dhe Tennis Europe në Qendrën Kombëtare të Tenisit “National Sport Park në Tiranë. Në këtë kamp stërvitor morën pjesë trajnerë dhe lojtarë të grupmoshës U14 e U12 nga qytete të ndryshme të Shqipërisë nën drejtimin e trajnerit kryesor Përparim Zano. Synimi i këtij projekti ishte rritja e cilësisë së performancës së lojtarëve të tenisit për turnetë e ardhshëm, por edhe të sjelljes së tyre brenda dhe jashtë fushës së tenisit. Falenderojmë lojtarët dhe trajnerët e përfshirë në këtë projekt.

14&U NATIONAL TRAINING CAMP 2024 Read More »

ITF World Tennis Tour Juniors ‘Albania Open 2024’, J60 Tirana shpall fituesit

Përfundon me sukses turneu botëror ITF World Tennis Tour Juniors ‘Albania Open 2024’, J60 Tirana, që u zhvillua në Qendrën Kombëtare të Tenisit në Tiranë. Në kategorinë Djem/Singles fitues u shpall Odysseas Geladaris nga Greqia me rezultatin 6-3,6-3 ndaj finalistit çek Jakub Vrtilka. Në kategorinë Vajza/Singles fituese u shpall tenistja serbe Anastasija Cvetkovic me rezultatin 6-0, 6-4 dhe finaliste Klara Blazkova nga Çekia. Në kategorinë Djem/Doubles fitues doli dyshja e tenistëve grek Odysseas Geladaris dhe Georgios Mitalas me rezultatin 6-3, 4-6, 10-4 ndaj dyshes çeke Jan Froehlich dhe Max Frohlich. Në kategorinë Vajza/Doubles fitues doli dyshja Emily Victoria Eigelsbach nga Australia dhe Ellen Hirschia nga Gjermania me rezultatin 7-6(5), 6-2, ndaj dyshes Alexandra Bayuschenko dhe Klara Blazkova nga Çekia. I urojmë suksese të tjera të gjithë tenistëve!

ITF World Tennis Tour Juniors ‘Albania Open 2024’, J60 Tirana shpall fituesit Read More »

ITF World Tennis Tour Juniors ‘NSP Open 2024’, J60 Tirana

Përfundon me sukses turneu botëror ITF World Tennis Tour Juniors ‘NSP Open 2024’, J60 Tirana, që u zhvillua në Qendrën Kombëtare të Tenisit në Tiranë. Në kategorinë Djem/Singles fitues u shpall Simone Massellani nga Italia me rezultatin 6-3,6-0 ndaj finalistit italian Marco Bavaro. Në kategorinë Vajza/Singles fituese u shpall tenistja çeke Klara Blazkova me rezultatin 6-2, 6-2 dhe finaliste Fangyu Shang nga Kina. Në kategorinë Djem/Doubles fitues doli dyshja e tenistëve grek Odysseas Geladaris dhe Georgios Mitalas me rezultatin 6-1, 7-5 ndaj dyshes italiane Daniel Aleksandar Amarandei dhe Simone Massellani. Në kategorinë Vajza/Doubles fitues doli dyshja Marie Benmouyal Sofia Mortensen nga Danimarka, me rezultatin 6-3, 6-4 ndaj dyshes Ena Ilic nga Serbia dhe Andrea Lola Popovic nga Franca. I urojmë suksese në vijim të gjithë tenistëve pjesëmarrës!

ITF World Tennis Tour Juniors ‘NSP Open 2024’, J60 Tirana Read More »

Ares Ferhati në Gjysmëfinale të “Albania Open 2024 TE Junior Tour 14&Under”

Tenisti shqiptar Ares Ferhati dhe tenisti zvicerian Ivan Volkov arrijnë në gjysmëfinale të turneut ndërkombëtar “Albania Open 2024 Tennis Europe Junior Tour” U14, që po zhvillohet në Qendrën Kombëtare të Tenisit “National Sport Park” Tiranë. Ferhati dhe Volkov mundën me rezultatin 7-5, 6-0 dyshen e tenistëve italianë Angelo Maria Picano dhe Alex Scarponi duke kaluar kështu në gjysmëfinale. Urime Aresit për arritjen e këtij rezultati dhe suksese në vijim!

Ares Ferhati në Gjysmëfinale të “Albania Open 2024 TE Junior Tour 14&Under” Read More »

Qendra Kombëtare e Tenisit “National Sport Park”, Vitor Cabral në Tiranë

Drejtori i Zhvillimit të Tenisit për Europën në ITF (Federata Botërore e Tenisit), Vitor Cabral, vizitoi Tiranën për të marrë pjesë në ceremoninë e njohjes për Qendrën Kombëtare të Tenisit “National Sport Park” (NTC), e cila është vlerësuar me statusin e Çertifikimit nga ITF. Pllaka e Çertifikimit iu dorëzua Presidentit të Federatës Shqiptare të Tenisit, Ferdinand Sulo, nga Vitor Cabral, në prani të Presidentit të Komitetit Olimpik të Shqipërisë, Fidel Ylli. Takimi mes përfaqësuesve të Federatës Shqiptare të Tenisit, Federatës Botërore të Tenisit dhe Komitetit Olimpik Kombëtar Shqiptar u përqendrua në arritjet dhe sukseset e bashkëpunimit mes tyre dhe synimeve për të ardhmen. Një temë tjetër me rëndësi të veçantë ishte edhe procesi i dixhitalizimit dhe implementimi i platformës “ITF World Tennis Number” në Shqipëri.

Qendra Kombëtare e Tenisit “National Sport Park”, Vitor Cabral në Tiranë Read More »

Masters U14 – Denis Gaba dhe Anjel Hoxha shpallen fitues

Masters U14 – Denis Gaba dhe Anjel Hoxha shpallen fitues. “Masters U14” ishte turneu i rradhës i organizuar në Qendrën Kombëtare të Tenisit “National Sport Park” Tiranë, si bashkëpunim i Tennis Eralb Club dhe Federatës Shqiptare të Tenisit, i cili përballi më të mirët e kategorisë U14 Vajza dhe Djem. Denis Gaba fitoi në finale ndaj finalistit Alex Prifti me rezultatin 6-3, 6-0. Anjel Hoxha fitoi në finale ndaj finalistes Enki Hyseni me rezultatin 6-4, 6-2. Shumë suksese në vazhdim të gjithë tenistëve pjesëmarrës dhe fituesve!

Masters U14 – Denis Gaba dhe Anjel Hoxha shpallen fitues Read More »

Kupa e Pavarësisë 2023 (Të rritur), turneu traditë shpall fituesit

Mbyllet me sukses edhe këtë vit turneu “Kupa e Pavarësisë 2023” ku tenistët shqiptarë garojnë por edhe festojnë ditën e flamurit shqiptar. Kledi Gaba shpallet fitues i kategorisë Të rritur Djem pas finales me Denis Gaba me rezultat 7-6(5), 7-5. Anjel Hoxha shpallet fituese në kategorinë Të rritur Vajza pasi mundi në finale Elonia Gjata me rezultat 6-1, 6-3. Falenderojmë organizatorët “National Sport Park Club” dhe gjyqtarin e turneut Kleid Vora të cilët në bashkëpunim me FSHT realizuan këtë turne në Qendrën Kombëtare të Tenisit, Tiranë. Urojmë gëzuar festën e flamurit dhe suksese të tjera të gjithë tenistëve tanë!

Kupa e Pavarësisë 2023 (Të rritur), turneu traditë shpall fituesit Read More »

Shpallen fituesit e “NSP Open II – J60 ITF World Tennis Tour Juniors Tirana”

Shpallen fituesit e “NSP Open II – J60 ITF World Tennis Tour Juniors Tirana” turneu ndërkombëtar U18 Djem/Vajza i zhvilluar gjatë kësaj jave në Qendrën Kombëtare të Tenisit “National Sport Park” në Tiranë. Fitues në kategorinë Djem/Singles u shpall Patrik Munkhammar nga Suadia dhe finalist Makar Krivoshchekov me rezultatin 7-5, 7-5. Fituese në kategorinë Vajza/Singles u shpall Anastasija Cvetkovic nga Serbia dhe finaliste Tilda Larsson nga Suedia me rezultatin 3-6, 6-4, 6-0. Fitues në kategorinë Djem/Doubles u shpallën Patrik Munkhammar nga Suedia dhe Leon Zaorski nga Polonia me rezultatin 6-2, 6-1 ndaj finalistëve Makar Krivoshchekov dhe Yannic Nittmann nga Gjermania. Në kategorinë Vajza/Doubles fituese u shpallën Linea Bajraliu dhe Tilda Larsson nga Suedia dhe finaliste Clara Nilsson dhe Anastasia Pettersson nga Suedia me rezultatin 6-2, 6-1. I urojmë suksese të gjithë tenistëve pjesëmarrës!

Shpallen fituesit e “NSP Open II – J60 ITF World Tennis Tour Juniors Tirana” Read More »

Albania Open 2023 – TEJT shpall fituesit

Turneu ndërkombëtar “Albania Open – Tennis Europe Junior Tour” i zhvilluar në Qendrën Kombëtare të Tenisit “National Sport Park” në Tiranë për kategorinë U14 Vajza dhe Djem shpall fituesit. Fitues në kategorinë Djem/Singles u shpall Luka LUKOVAC nga Mali i Zi dhe finalist Marek SMEJCKY nga Çekia (4-6, 6-4, 6-3). Fituese në kategorinë Vajza/Singles u shpall Gloria LEVINSKY nga Çekia dhe finaliste Zoe HANDZO nga Sllovakia (6-0, 6-3). Fitues në kategorinë Djem/Doubles u shpallën Alexandros AVGERIS nga Greqia dhe Marek SMEJCKY nga Çekia dhe finalistë italianët Francesco CINGOLI dhe Nicola DI LORENZO (6-4, 6-4). Fituese në kategorinë Vajza/Doubles u shpallën Bianca FRANCESCONI dhe Francesca MASONI nga Italia dhe finaliste Zoe HANDZO nga Sllovakia dhe Learta MUHARREMI nga Kosova (7-5, 6-4). Edhe tenistët shqiptarë pjesëmarrës gjatë këtij turneu arritën disa ndeshje të fituara ku përmendim arritjen e Denis Gaba në Gjysmëfinalen Djem/Doubles, Anjel Hoxha dhe Ariel Sulovari në Gjysmëfinalen Vajza/Doubles, Denis Gaba dhe Arbër Dano në Çerekfinalen Djem/Singles, Ares Ferhati dhe Arbër Dano në Çerekfinalen Djem/Doubles. Drejtor i këtij turneu ndërkombëtar ishte Albi Sulo dhe kryegjyqtar Çetin Kesic. I urojmë suksese në vazhdim të gjithë tenistëve!

Albania Open 2023 – TEJT shpall fituesit Read More »

“Tirana Open – Tennis Europe Junior Tour” U16 në Tiranë

Në Qendrën Kombëtare të Tenisit “National Sport Park” në Tiranë po zhvillohet turneu ndërkombëtar “Tirana Open – Tennis Europe Junior Tour” për kategorinë U16 vajza dhe djem. Në këtë turne marrin pjesë tenistë nga vende të ndryshme të botës si Poloni, Itali, Austri, Greqi etj. por edhe tenistë shqiptarë. Ndër tenistët shqiptar spikat Anatereza Guli e cila ka fituar me rezultatin 6-2, 6-3 ndaj Xhoanna Xhuli nga Polonia dhe përballjen e rradhës e ka me Eleni Chatziavraam nga Greqia. Tenistë të tjerë shqiptarë pjesëmarrës janë edhe Kledi Gaba, Lionel Boçi, Ariel Sulovari, Arlis Muka, Kevin Dakoli. I urojmë suksese të gjithë tenistëve pjesëmarrës, veçanërisht tenistëve shqiptarë!

“Tirana Open – Tennis Europe Junior Tour” U16 në Tiranë Read More »