Ekipi “Tirana Tennis Academy” shpallet kampion i Kampionatit Kombëtar Ekipor 2025
Gjashtë klube tenisi nga qytete të ndryshme të Shqipërisë u përballën gjatë ditëve të fundit në Kampionatin Kombëtar Ekipor, i zhvilluar në Qendrën Kombëtare të Tenisit në Tiranë. Ekipi “Tirana Tennis Academy”, i shpallur fitues, përbëhej nga lojtarët: Genajd Shypheja, Martin Muedini, Arjan Bakalli, Arjan Shanaj dhe Arben Xhaferri. Finalist u rendit ekipi “Tennis Eralb Club – NSP”, me lojtarët: Denis Gaba, Tedi Kaso, Majlind Agalliu, Vasillaq Kristo dhe Mirsad Curri. Finalja mes dy ekipeve përfundoi me rezultatet si më poshtë: Martin Muedini – Tedi Kaso 6-2, 6-4 Genajd Shypheja – Denis Gaba 3-6, 3-6 M. Muedini / G. Shypheja – D. Gaba / T. Kaso 6-2, 4-6, 10-6 Gjysmëfinalistë u shpallën ekipet e klubeve “Tennis Plus” dhe “Vasil Shanto”. Përgëzojmë gjithashtu për lojën e bukur ekipet “Tenis Korça” dhe “Tenis Teuta”. Falenderojmë të gjitha ekipet pjesëmarrëse dhe urime fituesve!
Shqipëria në kampionatin botëror të meshkujve DAVIS CUP 2022 në Baku të Azerbajxhanit
Ekipi kombëtar do të përfaqësohet nga lojtarët: Mario Zili (kapiten/lojtar), Martin Muedini, Nermin Hoxhic dhe Arbër Sulstarova. Shqipëria gjendet në grupin IV (Pool A), së bashku me: Islandën dhe San Marinon. Ndeshjet do të zhvillohen në datat 27 deri më 31 Korrik 2022. Ekipi shqiptar ndodhet në Baku në parapërgatitjet e këtij kampionati.
Shkodra Tennis Club shpallet fitues i Kampionatit Kombëtar Ekipor
Shkodra Tennis Club shpallet fitues i Kampionatit Kombëtar Ekipor. Përballje e fortë dhe plot emocion kjo finale mes klubit “Tennis Eralb Club” dhe klubit “Shkodra Tennis Club” që përfundoi me rezultatin 2-1 për ekipin verior. (Janar 2022)
Kampionati Kombëtar Ekipor i Tenisit, për herë të parë në Shqipëri. Vijojnë përballjet.
KAMPIONATI EKIPOR: Pas humbjes së “Tennis Tirana” ndaj “Tennis Plus E&M” me rezultatin 3-0, dje dhe sot u zhvilluan ndeshjet ekipore ndërmjet “Tennis Plus E&M” dhe “Shkodra Tennis” përkatësisht në Durrës dhe në Shkodër ku në të dyja përballjet fitoi “Shkodra Tennis” me rezultatin 2-1. Ndeshjet ishin me rivalitet të fortë e plot emocion. Në fundjavë pritet të zhvillohen ndeshjet ndërmjet “Tennis Teuta”, “Tennis Korça” dhe “Tennis Eralb Club(NSP)”. (Dhjetor 2021)