Projekti “Sporti për Zhvillim” JTI në Thumanë
Në bazë të projektit “Sporti për Zhvillim” i Komitetit Olimpik Kombëtar Shqiptar në bashkëpunim me Ministrinë e Arsimit dhe Sportit dhe Federatën Shqiptare të Tenisit në kuadër të nismës “Junior Tennis Initiative” nga Federata Ndërkombëtare e Tenisit ITF u zhvillua në Thumanë të Krujës festivali i tenisit. Disa prej tenistëve më të mirë shqiptarë të grupmoshave të ndryshme u angazhuan me fëmijë dhe të rinj të zonës, duke i njohur me sportin e bukur të tenisit. Qëllimi i këtij aktiviteti ishte masivizimi i sportit të tenisit në qytetin e Krujës dhe Fushë Krujës si dhe edukimi i të rinjve nëpërmjet ushtrimit të sportit me vlerat Olimpike.
“Tennis Junior Festival – JTI’ në Korçë
Falë mbështetjes së International Tennis Federation nëpërmjet programit “JTI – Junior Tennis Initiative”, Federata Shqiptare e Tenisit në bashkëpunim me klubin Tennis Korça organizuan në qytetin e Korçës Festivalin Veror të Tenisit. Fëmijët e qytetit të Korçës u argëtuan me aktivitetet e organizuara, shumë prej të cilëve patën fatin të luajnë tenis për herë të parë. Ky festival do të pasohet nga shumë të tjerë në qyteta të tjera të Shqipërisë.