Shkodra Open World Tennis Masters – MT100 2026
Federata Shqiptare e Tenisit përmbylli me sukses edicionin e 4-t të turneut ndërkombëtar “World Tennis Masters – Shkodra Open 2026”, një aktivitet që e ktheu Shkodrën në një pikë takimi për tenistë nga Shqipëria dhe vende të tjera. Katër ditë me garë, emocione, miqësi dhe sport të bukur u zhvilluan në fushat e Adriatic Tennis Park, duke sjellë një tjetër aktivitet të rëndësishëm ndërkombëtar të tenisit në qytetin e Shkodrës. Fituesit dhe finalistët sipas kategorive: Women’s Singles 30+ Angeliki Karamano – Xhesjona Mamutaj Men’s Singles 30+ Granit Bajraliu – Erarber Dervishi Men’s Singles 40+ Florian Dabulla – Arjan Shanaj Men’s Singles 50+ Andrian Bleta – Ervin Hasko Men’s Doubles 30+ Granit Bajraliu & Valon Rexhepi – Gert Meta & Vasillaq Kristo Men’s Doubles 40+ Andi Bilali & Ceno Klosi – Gezim Galiqi & Alban Hasani Mixed Doubles Angeliki Karamano & Rabin Velo – Xhesjona Mamutaj & Elton Doma Federata Shqiptare e Tenisit përgëzon të gjithë fituesit, finalistët dhe pjesëmarrësit për garën dhe përkushtimin e tyre, si dhe sportistët, organizatorët, gjyqtarët, partnerët, mbështetësit dhe të gjithë ata që kontribuuan në realizimin me sukses të këtij edicioni.
Dalina Kokoshi në çerekfinale të “J60 Tirana Open 2026”
Një paraqitje shumë e mirë për tenisten shqiptare Dalina Kokoshi në “World Tennis Tour Juniors – J60 Tirana Open 2026”, turneu ndërkombëtar që po zhvillohet gjatë datave 21-26 Shtator 2026 në Qendrën Kombëtare të Tenisit “National Sport Park”, Tiranë. Dalina Kokoshi ka siguruar një vend në çerekfinalet e Girls Singles, duke u renditur mes tetë tenisteve më të mira të turneut. Në raundin e parë, Dalina u përball me Reagan Stanley dhe fitoi me rezultatin 6-2, 7-5, ndërsa në raundin e dytë vijoi rrugëtimin drejt fazës çerekfinale pas fitores me rezultatin 7-6(3), 7-6(5) ndaj tenistes Lidia Filipowicz . Çerekfinalja: Dalina Kokoshi – Viktorie Havlikova Federata Shqiptare e Tenisit përgëzon Dalina Kokoshin për paraqitjen e saj deri në këtë fazë dhe i uron shumë suksese në çerekfinale! Suksese Dalina!