albania

Ky është rezultati i kampionatit kombëtar të organizuar nga Federata Shqiptare e Tenisit zhvilluar në ambientet e “National Sport Park” në Tiranë. Ndërkohë në vendin e dytë për femra është renditur Grejsi Bajri, kurse për meshkuj Arbër Sulstarova. Më të mirët të renditur në këto kampionate do të jenë pjesë e ekipeve kombëtare që do të përfaqësojnë në kampionatet botërore për meshkuj dhe femra. Kombëtarja e femrave do të ketë në gjirin e saj tenistët, Kristal Dulen, Grejsi Bajrin, Brunilda Mrruku, Juna Danin dhe Rea Qinani. Ky ekip do të marrë pjesë në kualifikueset për “Billy Jean King Cup“ që do të zhvillohet në Lituani. Kurse ekipi i meshkujve, në përbërje të të cilit janë Elbi Mjeshtri, Daniel Ostap, Martin Muhedini dhe Arbër Sulstarova, do të marrin pjesë eleminatoret e kampionatit botëror të tenisit, ndeshjet e të cilit do të zhvillohet në Shkup. Ja dhe pritshmëritë e presidentit Ferdinand Sulo për kombëtaren e Shqipërisë. “Synojmë rritjen e cilësisë sportive dhe përballimin me dinjitet të ekipeve kundërshtare, ku janë mbi 20 ekipe pjesëmarrëse. Jemi modest në pretendimet tona”. Por pritshmëri kanë dhe kampionët Dule dhe Muhedini. “Presim të ngjitemi më lart, synojmë të fitojmë dy përballje në grup, do të ishte një arritje për ne”, ka deklaruar Muhedini. Ndërsa Dule është shprehur. “Them që do luajmë shumë mirë, më pas të shikojmë. Është hera e parë parë për ne në një kompeticion të tillë.” (Qershor 2021)

Në datat 22-23.05.2021 u zhvillua Turneu i tenisit “Vlora Open” ROG për djem dhe vajza në fushat e Tenisit në Lungo Mare në Vlorë, një organizim i “Tenis Vlora” dhe FSHT. Në turne ishin të pranishëm 41 djem e vajza nga klubet dhe shoqatat e tenisit Tenis Vlora, Eralb, Tenis Plus, Tenis Shkodra,Tenis Korça si dhe tenistëve nga Kosova. Pjesëmarrësit e këtij turneu garuan në kategoritë U12, U10, U9 dhe U7. Në përfundim të turnet vendin e parë në U12 për djem e meritoi Alex PRIFTI i cili mposhti në finale, tenistin Denis GABA me rezultatin 6-4, 6-2. Vendin e parë në U12 për vajza e meritoi Learta MUHARREMI e cila mposhti në finale, tenisten Emili BILALI me rezultatin 6-2, 6-2. Vendin e parë në U10 për djem e meritoi Ares FERHATI i cili mposhti në finale, tenistin Arbër DANO me rezultatin 6-2, 6-0. Vendin e parë në U10 për vajza e meritoi Anjel HOXHA, vendin e dytë Glora BUSHAT dhe në vendin e tretë u rendit Ana BORAJ. Ndeshjet e kësaj kategorie u zhvilluan me sistemin Round Robin. Vendin e parë në U9 për vajza e meritoi Vivien JORGONI e cila mposhti në finale tenisten Debora TRESKA me rezultatin 4-0, 4-1. Një garë interesante u zhvillua tek U7 për djem, ku më të vegjlit garuan me sistemin Round Robin. Në përfundim, fitues doli tenisti korçar Kleis ROTA, i ndjekur nga Jonis GABA dhe Milan KRYEZIU. Ky event u organizua nën drejtimin e trajneres vlonjate Eder MASKAJ dhe të gjyqtarit Bati VARFI. (Maj 2021)