Gresi Bajri kalon në Çerekfinale të përballjeve Doubles në turneun botëror për femra “W15 Antalya 2024 ANTALYA SERIES – ITF Women’s World Tennis Tour,” në Turqi.
Një tjetër rezultat i arrirë nga tenistja shqiptare Gresi Bajri, e cila bashkë me kolegen e saj nga Kroacia Nera Tesankic kaluan në çerekfinale të përballjeve dyshe, pas fitores me rezultat 6-2, 3-6, 10-4 ndaj dyshes Stefana Lazar nga Rumania dhe Krystyna Pochtovyk nga Ukraina.
Në çerekfinale Bajri dhe Tesankic do të ndeshen me dyshen e tenisteve kineze Yingqun Sun dhe Jiayu Xu.
Kujtojmë se Gresi Bajri kaloi edhe raundin e tretë të fazës kualifikuese Singles të këtij turneu botëror pasi mundi tenisten spanjolle Naroa Aranzabal me rezultatin 6-3, 6-2, duke kaluar kështu në fazën e fundit të përballjeve kualifikuese të këtij turneu botëror.
Tashmë Gresi do të vijojë në ndeshjet e Main Draw, ku do të përballet me lojtare nga vende të ndryshme të botës në turneun e 15000 USD.
Falënderojmë tenisten tonë, Gresi Bajri, e cila po shënon rezultate të pa arritura më parë nga tenistë shqiptarë dhe po përfaqëson vendin tonë në mënyrë të shkëlqyer në kompeticione botërore.
