Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

winners

Shkodra Open 2023, Gresi Bajri dhe Danial Spasov shpallen kampionë

Gresi Bajri dhe Danial Spasov shpallen kampionë të ITF World Tennis Tour Juniors ‘SHKODRA OPEN 2023’. Është përmbyllur turneu ndërkombëtar ITF World Tennis Tour Juniors ‘Shkodra Open 2023’ J30 Shkoder, i cili është zhvilluar gjatë datave 19-27 Gusht 2023.  Në finalen e vajzave në singles fituese doli Gresi Bajri nga Shkodra e cila mposhti tenisten nga Italia, Beatrice Veltri me rezultat 6-3 6-3. Ndërsa tek djemtë, Danial Spasov nga Bullgaria arriti ta mposhtë tenistin italian, Marco Bavaro në tre sete 3-6 6-3 7-5. Në ceremoninë përmbyllëse ishin të pranishëm: nënkryetari i Bashkisë së Shkodrës, Rudin Beka, presidenti i Federatës Shqiptare të Tenisit, Ferdinand Sulo, sekretari i përgjithshëm i Federatës Shqiptare të Tenisit, Klaus Bardeli, përfaqësuesit e Adriatic Tennis Park, Gëzim Galiqi dhe Bled Bilalli të cilët ndanë trofetë për fituesit dhe finalistët. Një falenderim i veçantë për të gjithë ata që kontribuan që ky turne i organizuar për herë të parë në Shkodër të realizohet me sukses.

Shkodra Open 2023, Gresi Bajri dhe Danial Spasov shpallen kampionë Read More »

Gresi Bajri kampione e  ITF WORLD TENNIS TOUR JUNIORS ‘Shkodra Open 2023’

Sot, është zhvilluar finalja e vajzave në Singles të turneut ndërkombëtar ITF World Tennis Tour Juniors ‘Shkodra Open 2023’. Gresi Bajri është shpallur kampione në Singles duke mposhtur tenisten nga Italia, Beatrice Veltri me rezultatin 6-3 6-3. Kujtojmë se Bajri ditën e djeshme është shpallur kampione në Doubles bashkë me Alexandra Magia pasi mposhtën në finale Eleni Chatziavraam dhe Turan Deniz pas një ndeshje mjaft interesante me rezultat 6-2 4-6 10-2. Shumë urime Gresi dhe suksese në turnetë e radhës!

Gresi Bajri kampione e  ITF WORLD TENNIS TOUR JUNIORS ‘Shkodra Open 2023’ Read More »

Anjel Hoxha ka fituar 2 përballjet e para në “Podgorica Rio Verde U12 Tennis Europe”

Tenistja shqiptare Anjel Hoxha ka fituar 2 përballjet e para në turneun ndërkombëtar “Podgorica Rio Verde U12 Tennis Europe” që po zhvillohet në Mal të Zi për kategorinë U12 Vajza në Singles. Anjel ka mundur në raundin e parë me rezultatin 6-2, 6-4 tenisten Martina Karadzic nga Mali i Zi. Ndërsa në raundin e dytë ka mundur me rezultatin 6-2, 6-2 tenisten nga Serbia, Mila Nikolic. Sot ajo do të ndeshet me kundërshtaren e rradhës, Eva Kozlova. I urojmë shumë fat tenistes sonë në vijim të këtij turneu të rëndësishëm U12. Po në këtë turne janë shënuar edhe fitore nga djemtë U12, ku Arbër Dano ka fituar me rezultatin 6-2, 6-4 ndaj tenistit malazez Luka Milickovic, dhe Ares Ferhati ka fituar me rezultatin 6-2, 3-6, 12-10 ndaj tenistit turk Berke Viter. Pjesëmarrëse në këtë turne sfidues janë edhe tenistet shqiptare Glora Bushati dhe Reisi Sukaj. Suksese ekipit shqiptar U12 dhe sa më shumë fitore të tjera!

Anjel Hoxha ka fituar 2 përballjet e para në “Podgorica Rio Verde U12 Tennis Europe” Read More »

Historike, Gresi Bajri fituese e turneut botëror U18 “ITF J30 Nikshiq Trebjesa Open 2023”

Gresi Bajri shkruan historinë! Gresi Bajri shpallet fituese e turneut botëror U18 “ITF J30 Nikshiq Trebjesa Open 2023” që u zhvillua në Mal të Zi. Tenistja shqiptare arrin të marrë për herë të parë titullin fituese tek një turne i këtij kalibri, titull i pa fituar më parë nga ndonjë tenist shqiptar. Në finale të “ITF J30 Nikshiq Trebjesa Open 2023” Gresi mundi me rezultatin 5-4(2), 4-0 kundërshtaren e saj nga Serbia Aleksandra Djokic, duke renditur Shqipërinë në vendin e parë në kategorinë U18 Femra. Ndeshjet e fituara në këtë turne ishin të njëpasnjëshme, ku përmendim në Gjysmëfinale Gresi Bajri mundi Marta Dobric nga Kroacia me rezultatin 5-4, 4-0; në Çerekfinale Gresi mposhti Maria Ivankovic nga Kroacia me rezultatin 4-1, 4-1; në 1/8 Finale Gresi Bajri mundi Anastasia Majic  nga Gjermania me rezultatin 6-4, 6-0; në 1/16 Finale Bajri arrin të fitojë ndaj Anastasia Timoshenko nga Rusia me rezultatin 6-3, 7-5. E përgëzojmë për këtë fitore tenisten tonë të mrekullueshme Gresi Bajri, e cila çdo ditë e më tepër po vendos tenisin shqiptar në dimensione të reja. Urime dhe suksese në vijim!

Historike, Gresi Bajri fituese e turneut botëror U18 “ITF J30 Nikshiq Trebjesa Open 2023” Read More »

“Durrësi Cup” shpall fituesit për kategoritë U12 dhe U16 Vajza/Djem

“Durrësi Cup” shpall fituesit për kategoritë U12 dhe U16 Vajza/Djem. Ky ishte turneu i rradhës i zhvilluar si bashkëpunim i FSHT me Tennis Plus Club në qytetin e Durrësit. Denis Gaba u shpall fitues me rezultatin 7-5, 6-4 dhe finalist Kledi Gaba në kategorinë U16 Djem. Anjel Hoxha fituese me rezultatin 7-5, 6-0 ndaj finalistes Ariel Sulovari në kategorinë U16 Vajza. Ares Ferhati rezulton fitues në finale me Arbër Dano me rezultatin 4-6, 7-5, 10-8 në kategorinë U12 Djem. Ola Dano shpallet fituese me rezultatin 6-1, 6-1 ndaj Kiara Boçi në kategorinë U12 Vajza. Falenderojmë organizatorin z.Maksim Prifti dhe kryegjyqtarin z.Përparim Zano, si dhe të gjithë tenistët pjesëmarrës duke i uruar suksese në vijim!

“Durrësi Cup” shpall fituesit për kategoritë U12 dhe U16 Vajza/Djem Read More »

Martin Muedini shpallet kampion kombëtar i Shqipërisë

Martin Muedini shpallet kampion kombëtar i Shqipërisë në tenis për kategorinë “Të rritur” për vitin 2023. Këtë fundjavë u zhvillua Kampionati Kombëtar për Meshkuj/Të rritur në Qendrën Kombëtare të Tenisit “National Sport Park” në Tiranë. Me pjesëmarrjen e rreth 25 lojtarëve kampionati pati ndeshje shumë të forta që kulmuan me finalen mes Martin Muedinit dhe Arbër Sulstarovës, e cila përfundoi me fitoren e Muedinit me rezultatin 6-7(6-8), 6-4, 6-3 dhe Sulstarova finalist. Gjysmëfinalistë të këtij kampionati rezultuan Kledi Gaba dhe Denis Gaba. I urojmë suksese në vijim të gjithë pjesëmarrësve.

Martin Muedini shpallet kampion kombëtar i Shqipërisë Read More »

Tenistët e FSHT në “Kosova Bowl”

Ka përfunduar turneu i organizuar nga Federata e Tenisit Kosovë për kategoritë U18, U14, U12 dhe ROG, zhvilluar në Prishtinë me pjesëmarrje të më shumë se 61 tenistëve nga Kosova, Shqipëria, Maqedonia e Veriut dhe Mali i Zi. Shumë tenistë nga Federata Shqiptare e Tenisit u shpallën fitues dhe finalistë. Gresi Bajri – fituese në kategorinë U18 Vajza Denis Gaba – fitues në kategorinë U14 Djem Ares Ferhati – fitues në kategorinë U12 Djem Glora Bushati – fituese në kategorinë U12 Vajza Martin Bushati – fitues në kategorinë ROG Green Djem Siara Tola – fituese në kategorinë ROG Orange Vajza Enki Hyseni – finaliste në kategorinë U14 Vajza Nergis Nikprelaj – finaliste në katyegorinë ROG Green Vajza Falenderojmë Federatën e Tenisit Kosovë për organizimin e mrekullueshëm dhe mikpritjen e tenistëve tanë në këtë turne të bukur. Suksese të mëtejshme të gjithë pjesëmarrësve dhe fituesve!

Tenistët e FSHT në “Kosova Bowl” Read More »

“Durrësi Tennis Plus Open” turneu i kategorisë U10, U14 dhe U18 në Durrës

Shpallen fituesit e turneut “Durrësi Tennis Plus Open” për kategorinë U10, U14 dhe U18 të zhvilluar këtë fundjavë, i organizuar nga FSHT dhe Tennis Plus Club. Kledi Gaba u shpall fitues në kategorinë U18 Djem pas fitores me rezultatin 6-4, 6-0 në finale ndaj Onix Shkurta. Në kategorinë U14 Djem fitues rezultoi Denis Gaba me rezultatin 1-6, 6-2, 7-5 ndaj Alex Prifti. Në kategorinë U14 Vajza fituese doli Anjel Hoxha me rezultatin 6-0, 6-0 ndaj Nikol Mollaj. Në kategorinë U10 Djem fitues u shpall Jonis Gaba dhe finalist Floid Kaso, ndërsa në kategorinë U10 Vajza fituese rezultoi Debora Treska dhe finaliste Nergis Nikprelaj. I urojmë shumë suksese në vijim të gjithë tenistëve që u angazhuan në këtë turne në qytetin bregdetar të Durrësit.

“Durrësi Tennis Plus Open” turneu i kategorisë U10, U14 dhe U18 në Durrës Read More »

“Tirana Open 2023 – ITF World Tennis Tour Juniors – J30” shpall fituesit

Shpërndahet trofetë për fituesit e turneut ndërkombëtar të kategorisë U18 Vajza dhe Djem “Tirana Open 2023 – ITF World Tennis Tour Juniors – J30”, në Qendrën Kombëtare të Tenisit “National Sport Park” në Tiranë. Në këtë turne morën pjesë tenistë nga vende të ndryshme të botës si: Suedi, Australi, Francë, Brazil, Slloveni, Izrael, Britani e Madhe por edhe nga Shqipëria si lojtarët: Gresi Bajri, Rea Qinami, Arlis Muka, Kledi Gaba, Lionel Boçi, Joan Sura. Fitues në kategorinë U18 Djem u shpall Sebastian Chodura me rezultatin 7-5, 6-1 në finale ndaj Daniel Bien, të dy nga Çekia. Fituese në kategorinë U18 Vajza u shpall Daria Raimondo ndaj italianes tjetër Alice Noascon Fragno me rezultatin 6-1, 6-1. Në kategorinë U18 Djem Doubles fitues rezultuan dyshja e djemve çekë, Daniel Bien dhe Sebastian Chodura, pasi mundën në finale dyshen e djemve turq, Cem Atlamis dhe Deniz Ture, 6-2 ret. Në kategorinë U18 Vajza Doubles fituese rezultuan dyshja e vajzave nga Britania e Madhe, Louise Booker dhe Elizabeth Evans me rezultatin 6-2, 5-7, 10-6 në finale ndaj dyshes së vajzave italiane Sveva Pieroni dhe Daria Raimondo. Tenistët pjesëmarrës në “Tirana Open 2023 – ITF World Tennis Tour Juniors – J30” largohen me përshtypjet më të mira në lidhje me organizimin e turneve ndërkombëtarë tashmë traditë prej vitesh në kryeqytet. I urojmë suksese të gjithëve dhe shumë fat në vijim!

“Tirana Open 2023 – ITF World Tennis Tour Juniors – J30” shpall fituesit Read More »

Shpërndahen trofetë për fituesit e “Adriatic Tennis Indoor” në Shkodër

Shpallen fituesit e turneut Adriatic Tennis Indoor i organizuar nga FSHT dhe Shkodra Tennis Club me pjesëmarrje të tenistëve nga Shqipëria, Kosova dhe Mali i Zi. Në kategorinë U 12 Djem – Fitues Ares Ferhati  & Finalist Arber Dano Në kategorinë U12 Vajza –  Fituese Anjel Hoxha & Finaliste Glora Bushati Në kategorinë U16 Djem – Fitues Alex Prifti & Finalist Damian Methasani Në kategorinë U16 Vajza – Fituese Naydanov & finaliste Anatereza Guli Faleminderit dhe suksese tenisteve me vazhdim!

Shpërndahen trofetë për fituesit e “Adriatic Tennis Indoor” në Shkodër Read More »