Turneu ndërkombëtar “TIRANA OPEN U14 – TENNIS EUROPE JUNIOR TOUR 2026” shpall fituesit
U mbyll me sukses turneu ndërkombëtar “TIRANA OPEN U14 – TENNIS EUROPE JUNIOR TOUR 2026”-Category 3, në Qendrën Kombëtare të Tenisit “National Sport Park” në Tiranë. Në këtë turne morën pjesë më shumë se 70 tenistë nga 20 shtete të ndryshme të botës, si: Gjermani, Itali, SHBA, Turqi, Zvicra etj. por edhe tenistë shqiptarë. Fituesit dhe finalistët sipas kategorive: Djem Singles Fitues: Nikita Alexander RUNG nga Gjermania Finalist: Jakub KYNCL nga Çekia Vajza Singles Fituese: Karla BARZAKOVA nga Bullgaria Finaliste: Amajla KADRIC nga Bosnje Hercegovina Djem Doubles Fitues: Lenart KADRIU nga Zvicra dhe Nikita Alexander RUNG nga Gjermania Finalistë: Andrej TEMOV nga Maqedonia e Veriut dhe Zlatan YORDANOV nga Bullgaria Vajza Doubles Fituese:Ludovica DEMATTEIS dhe Lucrezia OLIVETI nga Italia Finaliste: Karla BARZAKOVA nga Bullgaria dhe Anastasiia BUBALO nga Ukraina I urojmë suksese dhe fat të gjithë fituesve dhe tenistëve pjesëmarrës, ndërkohë do të fillojnë ndeshjet kualifikuese të turneut ndërkombëtar të rradhës “Tennis Europe U14 – NSP Open Junior Tour 2026”-Category 3, në Tiranë.
Olha Lazarchuk nga ITF zhvillon vizitë zyrtare në Shqipëri
Drejtoresha e Zhvillimit për Europën në Federatën Ndërkombëtare të Tenisit (ITF), Olha Lazarchuk, zhvilloi një vizitë zyrtare në Shqipëri, duke shënuar vizitën e saj të parë në vendin tonë. Gjatë qëndrimit në Shqipëri, znj. Lazarchuk vizitoi Qendrën Kombëtare të Tenisit “National Sport Park” në Tiranë, ku u njoh nga afër me infrastrukturën dhe aktivitetet që zhvillohen në këtë qendër. Në kuadër të vizitës së saj, ajo udhëtoi gjithashtu drejt Korçës, ku vizitoi qendrën sportive të Korça Tennis Club, duke parë nga afër zhvillimin e tenisit edhe në këtë qytet. Në Tiranë, znj. Lazarchuk zhvilloi edhe një takim me Presidentin e Komitetit Olimpik Kombëtar Shqiptar, Fidel Ylli, ku u diskutua mbi mbështetjen dhe bashkëpunimin për zhvillimin e mëtejshëm të sportit të tenisit në Shqipëri. Ajo pati mundësinë të takohej dhe të njihej nga afër me disa nga trajnerët dhe lojtarët më të mirë të tenisit në Shqipëri, duke vlerësuar punën që po bëhet për zhvillimin e sportit në vend. Përgjatë vizitës në Shqipëri, znj. Lazarchuk u shoqërua nga Presidenti i Federatës Shqiptare të Tenisit, Ferdinand Sulo, dhe Sekretari i Përgjithshëm, Klaus Bardeli. Në fjalën e saj, ajo theksoi se bashkëpunimi mes Federatës Shqiptare të Tenisit dhe Federatës Ndërkombëtare të Tenisit do të vijojë të jetë i vazhdueshëm dhe frytdhënës, me synimin për të mbështetur projektet zhvillimore dhe për të kontribuar në rritjen e nivelit të tenisit në Shqipëri.
Ceremonia e Fundvitit e FSHT
Është zhvilluar Ceremonia e Fundvitit, e organizuar nga Federata Shqiptare e Tenisit në Qendrën Kombëtare të Tenisit “National Sport Park”, ku u festuan arritjet e vitit 2025 dhe u urua një vit i ri i mbarë dhe i suksesshëm për të gjithë komunitetin e tenisit. Gjatë kësaj ceremonie u vlerësuan lojtarët e vitit, si edhe trajneri dhe klubi më i mirë i vitit 2025. U akorduan trofe dhe dhurata për lojtarët sipas listës më poshtë: -Lojtarët e vitit 2025 Sezh Balluku Helia Hysaj Jonis Gaba Nergis Nikprelaj Arber Dano Anjel Hoxha Denis Gaba Ariel Sulovari Kledi Gaba -Klubi më i mirë i tenisit për vitin 2025 u shpall “Tennis Eralb Club”, dhe trajner i vitit, Sokol Kaso. I urojmë suksese në vijim të gjithëve!
Kursi ITF/OS “Coaching Beginner & Intermediate Players” në Tiranë
Federata Shqiptare e Tenisit ka përfunduar me sukses kursin ndërkombëtar ITF/OS Coaching. Beginner & Intermediate Players, i zhvilluar për disa ditë në Qendrën Kombëtare të Tenisit “National Sport Park” në Tiranë. Ky kurs u realizua në bashkëpunim me International Tennis Federation (ITF) dhe Komitetin Olimpik Kombëtar Shqiptar (KOKSH), duke sjellë në Shqipëri një program intensiv me standarde ndërkombëtare. Mbi 20 trajnerë nga Shqipëria dhe Kosova morën pjesë në këtë trajnim. Kursi përfshiu 86 orë mësime teorike dhe praktike, të fokusuar në metodikat moderne të trajnimit për nivelet fillestare dhe ndërmjetme. Sesionet u drejtuan nga ekspertët e ITF, Senad Jusufi dhe Edita Liachoviciute, të cilët ndanë përvojën e tyre shumëvjeçare me trajnerët pjesëmarrës. Në përfundim të kursit, trajnerët iu nënshtruan vlerësimeve praktike dhe teorike, pas të cilave u zhvillua ceremonia e certifikimit. Ky program synon forcimin e kapaciteteve të trajnerëve, rritjen e cilësisë së mësimdhënies dhe zgjerimin e bazës së tenisit në vend, duke kontribuar drejtpërdrejt në zhvillimin e talentëve të rinj. Faleminderit ITF dhe KOKSH për mbështetjen e vazhdueshme dhe angazhimin në zhvillimin e tenisit shqiptar.
Shpallen fituesit e turneut të përvitshëm “ALBANIAN OPEN 2025” për kategoritë U12 dhe Të Rritur
Shpallen fituesit e turneut të përvitshëm “ALBANIAN OPEN 2025” për kategoritë U12 dhe Të Rritur, organizuar nga Federata Shqiptare e Tenisit në bashkëpunim me Tennis Eralb Club këtë fundjavë në Qendrën Kombëtare të Tenisit “National Sport Park” Tiranë. Fituesit dhe finalistë Të Rritur: Të Rritur Djem: Fitues Denis Gaba me rezultatin 3-6, 7-5, 6-4 ndaj finalistit Martin Muedini. Të Rritur Vajza: Fituese Enki Hyseni me rezultatin 6-4, 6-1 ndaj finalistes Anjel Hoxha. Gjysmëfinalistë Djem: Genajd Shypheja & Alex Prifti. Gjysmëfinaliste Vajza: Ola Dano & Ariel Sulovari. Fituesve, finalistëve dhe gjysmëfinalistëve Të Rritur ju shpërndanë edhe Premiot respektive. Fituesit dhe finalistë U12: U12 Djem: Fitues Jonis Gaba me rezultatin 6-0, 6-4 ndaj finalistit Floid Kaso. U12 Vajza: Fituese Siara Tola me rezultatin 6-4, 5-7(3-10) ndaj finalistes Nergis Nikprelaj. Fituesve dhe finalistëve U12 ju shpërndanë dhuratat përkatëse. Urime e suksese të gjithë fituesve dhe tenistëve pjesëmarrës!
Ceremonia hapëse – DAVIS CUP EUROPE IV 2025
U zhvillua ceremonia hapëse e Kupës së Botës në Tenis për Meshkuj “Davis Cup – Europe Group IV 2025”, e cila po mbahet në Qendrën Kombëtare të Tenisit “National Sport Park” në Tiranë. Në këtë veprimtari marrin pjesë ekipet kombëtare të Azerbajxhanit, Liechtensteinit, Andorrës, Kosovës, San Marinos, Islandës dhe Shqipërisë. Gjatë gjithë kësaj jave do të zhvillohen ndeshje individuale dhe dyshe ndërmjet ekipeve pjesëmarrëse. Ekipi kombëtar shqiptar përbëhet nga lojtarët: Martin Muedini, Mario Zili, Joan Sura, Denis Gaba, dhe kapitenët/trajnerët Përparim Zano dhe Ervin Rota. Të ftuar në ceremoninë hapëse ishin figura të rëndësishme të sportit dhe politikës, ndër të cilët përmendim: Presidentin e Komitetit Olimpik Kombëtar Shqiptar, z. Fidel Ylli. Përfaqësuesin e Federatës Ndërkombëtare të Tenisit (ITF), z. Javier Moreno Perez. Përfaqësuesin e Bashkisë Tiranë, z. Urim Tresa. Presidentin e Federatës Shqiptare të Tenisit, z. Ferdinand Sulo. Ceremonia u drejtua nga Drejtori Organizativ i Davis Cup, z. Albi Sulo, dhe Sekretari i Përgjithshëm i FSHT, z. Klaus Bardeli. Të gjitha ekipet u paraqitën në skenë për një prezantim të shkurtër, ku secilit prej tyre iu dorëzua një dhuratë simbolike nga Shqipëria, nga ana e drejtorit organizativ. Të pranishëm ishin gjithashtu përfaqësues dhe gazetarë të mediave, si dhe shumë dashamirës të sportit të tenisit. I urojmë shumë fat ekipit tonë kombëtar dhe suksese të gjithë ekipeve pjesëmarrëse!
Turneu Botëror “Tirana Open 2025” shpall fituesit!
Federata Shqiptare e Tenisit, në bashkëpunim me Tennis Eralb Club, organizoi me sukses turneun ndërkombëtar të nivelit botëror ITF World Tennis Tour Juniors “Tirana Open 2025” – J30 Tirana, i cili u zhvillua në ambientet e Qendrës Kombëtare të Tenisit “National Sport Park Resort” në Tiranë. Turneu për grupmoshën U18 mirëpriti sportistë të rinj të talentuar nga vende të ndryshme të botës, të cilët konkurruan në disiplinat singles dhe doubles për djem dhe vajza. Fituesit e kategorive kryesore ishin: Girls Singles U18 Sofia Cadar (Itali) Në një finale të fortë, Cadar mposhti bashkëkombësen Sveva Sveva Fumagalli me rezultatin 6-4, 6-4. Boys Singles U18 Alkis Michalakopoulos (Greqi) Michalakopoulos triumfoi ndaj italianit Pietro Verno në finale me shifrat 7-5, 6-0. Boys Doubles U18 Alessandro Binetti / Pietro Verno (Itali) Dyshja italiane siguroi titullin pas një finaleje të suksesshme kundër britanikëve Isaac Forde dhe Erik Ndreu, me rezultatin 6-2, 5-7,10-5. Girls Doubles U18 Sveva Sveva Fumagalli (Itali) / Dicle Izgi (Turqi) Në një ndeshje finale emocionuese, dyshja italo-turke fitoi ndaj kazakeve Aruzhan Bayalina dhe Sofya Malysheva me rezultatin 6-2, 7-5. Turneu u zhvillua gjatë gjithë javës në Tiranë dhe përfshiu pjesëmarrës nga Italia, Greqia, Kazakistani, Turqia, Mbretëria e Bashkuar, Austria, Çekia, Polonia, Japonia, dhe vende të tjera. Urime të gjithë pjesëmarrësve dhe suksese në garat e ardhshme ndërkombëtare!
NSP Open 2025 TEJT; Bruno Giovanni Condorelli nga Italia dhe Anna Kunetsova nga Ukraina
Bruno Giovanni Condorelli nga Italia dhe Anna Kunetsova nga Ukraina shpallen fitues të turneut ndërkombëtar Tennis Europe Junior Tour “National Sport Park Open 2025” 14&U, Category 3 që u mbajt këtë javë në Qendrën Kombëtare të Tenisit “National Sport Park” në Tiranë. Në këtë turne morën pjesë më shumë se 120 tenistë nga 28 shtete të ndryshme të botës, si: Belgjikë, Francë, Itali, Austri, Turqi, Kazakistan, Izrael etj. por edhe tenistë shqiptarë. Fituesit dhe finalistët sipas kategorive: Djem Singles Fitues: Bruno Giovanni Condorelli nga Italia Finalist: Zakaria Azzaz nga Franca Vajza Singles Fituese: Anna Kuznetsova nga Ukraina Finaliste: Amina Subkhangulova nga Rusia Djem Doubles Fitues: Bruno Giovanni Condorelli dhe Ruggero Condorelli nga Italia Finalistë: Platon Gripich nga Rusia dhe Temirlan Zhantemirov nga Kazakistani Vajza Doubles Fituese:Serra Hasanbasoglu nga Turqia dhe Cara Nitescu nga Hollanda Finaliste: Anita Furi nga Italia dhe Amina Subkhangulova nga Rusia Të pranishëm në ndarjen e trofeve ishte edhe z. Luigi Mattirolo – Zv. Ambasadori i Italisë në Shqipëri dhe z. Ferdinand Sulo – President i Federatës Shqiptare të Tenisit. Falenderojmë të gjithë tenistët pjesëmarrës dhe i urojmë suksese!
Përfundon me sukses “Tirana Open U14 – Tennis Europe Junior Tour 2025”
U mbyll me sukses turneu ndërkombëtar “TIRANA OPEN U14 – TENNIS EUROPE JUNIOR TOUR 2025”-Category 3, në Qendrën Kombëtare të Tenisit “National Sport Park” në Tiranë. Në këtë turne morën pjesë më shumë se 90 tenistë nga 20 shtete të ndryshme të botës, si: Francë, Itali, Hollandë, Turqi, Kazakistan etj. por edhe tenistë shqiptarë. Fituesit dhe finalistët sipas kategorive: Djem Singles Fitues: Yehor Romaniuta nga Ukraina Finalist: Zakaria Azzaz nga Franca Vajza Singles Fituese: Anna Kuznetsova nga Ukraina Finaliste: Rita Chi nga Hollanda Djem Doubles Fitues: Matteo Romano dhe Riccardo Torrieri nga Italia Finalistë: Ruben Cuxac nga Franca dhe Mikolaj Solarz nga Polonia Vajza Doubles Fituese:Asya Ay dhe Senem Nalbant Francia nga Turqia Finaliste: Lohann Cuxac nga Franca dhe Eva Panchenko nga Kazakistani I urojmë suksese të gjithë fituesve dhe tenistëve pjesëmarrës, ndërkohë ka filluar turneu ndërkombëtar i rradhës “National Sport Park Open U14 – TEJT 2025”-Category 3, në Tiranë.
Tani mund të regjistroni vetë rezultatet e ndeshjeve jo zyrtare në platformën tuaj World Tennis Number
Kemi një lajm emocionues! Tani mund të regjistroni vetë rezultatet e ndeshjeve jo zyrtare në platformën tuaj World Tennis Number (WTN), duke e bërë më të lehtë se kurrë ndjekjen e progresit dhe përmirësimin e vlerësimit tuaj. Me regjistrimin vetjak, ju mund të: – Regjistroni rezultatet e ndeshjeve nga lojërat jo konkurruese (jo zyrtare). – Merrni një vlerësim më të saktë dhe të përditësuar Përfitoni njohuri më të thella për performancën dhe nivelin tuaj të aftësive. – Regjistrimi i rezultateve është i shpejtë dhe i lehtë. Thjesht hyni në llogarinë tuaj, zgjidhni skedën ‘Results’ dhe më pas skedën ‘My Matches’ për të vazhduar me postimin e rezultatit. Gjithashtu, mund të ftoni miq dhe familjarë të bashkohen, në mënyrë që edhe ata të fillojnë të regjistrojnë rezultatet e ndeshjeve jo zyrtare. *Vini re se kundërshtarët duhet të jenë të regjistruar në WTN, në mënyrë që të mund të regjistroni një rezultat kundër tyre. Megjithatë, lojtarët që marrin pjesë në një turnetë ITF nuk do të kenë qasje në këtë mundësi. Lojtarët e rinj mund të marrin një WTN dhe të krijojnë një llogari përmes funksionit tonë ‘Rate My Game’ (QR code në foto). Suksese!