‘Shkodra Open 2025’ 16&U, Category 3 shpall fituesit
Përfundon me sukses turneu ndërkombëtar Tennis Europe Junior Tour ‘Shkodra Open 2025’ 16&U, Category 3 i mbajtur gjatë datave 15-19 shtator në Adriatic Tennis Park në Shkodër. Në këtë turne morën pjesë tenistë nga shtete të ndryshme. Falenderojmë të gjithë ata që ndihmuan dhe kontribuan në realizimin e këtij turneu me sukses! Fituesit dhe finalistët sipas kategorive: Girls Singles Winner: Valeria Sokal Finalist: Maria Terpelyuk Boys Singles Winner: Marko Aleksovski Finalist: Denis Gaba Girls Doubles Winners:Eirini Bekiari. Antonia Anastasia Papagapitou Finalists: Nadja Knezevic/ Maria Terpelyuk Boys Doubles Winners: Marko Aleksovski/ Ivan Pyachura Finalists: Thanos Heropoulos/ Vasileios Lykouresis Suksese të gjithë pjesëmarrësve!
Arbër Dano shpallet finalist në “NSP Open 2025 – Tennis Europe Junior Tour, Category 3”
Tenisti Arbër Dano shpallet finalist në kategorinë Djem Doubles në turneun ndërkombëtar U14 “NSP Open 2025 – Tennis Europe Junior Tour, Category 3”, i zhvilluar këtë javë në Qendrën Kombëtare të Tenisit “National Sport Park” në Tiranë. Në finalen e Djem Doubles, Arbër Dano së bashku me partnerin e tij italian, Ianis Alberto Cruceru, zhvilluan një performancë të mirë, duke u renditur në vendin e dytë pas dyshes fitues Davide Dagnino (Itali) & Ivan Pyachura (Rusi) me rezultatin 6-1, 6-3. Në gjysmëfinalen Doubles arritën edhe tenistët shqiptarë si Ditan Mulliqi dhe Anjel Hoxha. Federata Shqiptare e Tenisit i uron tenistëve suksese të mëtejshme në rrugëtimin e tyre sportiv.
NSP Open 2025 Tennis Europe Junior Tour – Category 3 shpall fituesit
Përfundon me sukses turneu ndërkombëtar U14 “NSP Open 2025 Tennis Europe Junior Tour – Category 3” që u zhvillua gjatë kësaj jave në Qendrën Kombëtare të Tenisit “National Sport Park” në Tiranë. Në këtë turne morën pjesë më shumë se 90 tenistë nga 25 shtete të ndryshme të botës, si: Francë, Itali, Austri, Turqi, Zvicër, Hungari, Bullgari etj. por edhe tenistë shqiptarë. Fituesit dhe finalistët sipas kategorive: -Djem Singles Fitues: Ivan Pyachura (Rusi) Finalist: Petar Stankovic (Mal i Zi) Rezultati: 6-4, 6-1 -Vajza Singles Fitues: Maria Terpelyuk (Rusi) Finaliste: Maria Sophia Bajdechi (Rumani) Rezultati: 6-4, 6-1 -Djem Doubles Fitues: Davide Dagnino (Itali) & Ivan Pyachura (Rusi) Finalistë: Ianis Alberto Cruceru (Itali) & Arbër Dano (Shqipëri) Rezultati: 6-1, 6-3 -Vajza Doubles Fitues: Ilana Kirslite (Rusi) & Valeria Sokal (Rusi) Finaliste: Albina Khabibullina (Rusi) & Maria Terpelyuk (Rusi) Rezultati: 6-0, 6-3 I urojmë suksese në vijim të gjithë tenistëve pjesëmarrës!
Floid Kaso finalist në “National Sport Park Open U12 – TENNIS EUROPE JUNIOR TOUR 2025”
Tenisti Floid Kaso së bashku me Edon Ademin nga Mali i Zi shpallen finalistë në kategorinë Djem Doubles 12 në turneun ndërkombëtar “National Sport Park Open U12 – TENNIS EUROPE JUNIOR TOUR 2025”-Category 2, të zhvilluar nga data 1–7 Shtator në Qendrën Kombëtare të Tenisit “National Sport Park” në Tiranë. Në këtë turne morën pjesë mbi 80 tenistë nga shumë shtete të ndryshme të Europës dhe botës, si: Francë, Turqi, Rumani, Itali, Greqi, por edhe tenistë shqiptarë. Fituesit dhe finalistët sipas kategorive: Djem Singles Fitues: Leo Josse (Francë) Finalist: Altaïr Juassov (Kazakistan) Vajza Singles Fitues: Matilde Pozza (Zvicër) Finaliste: Lina Redza (Kosovë) Djem Doubles Fitues: Altaïr Juassov (Kazakistan) & Sergej Nikolic (Serbi) Finalistë: Edon Ademi (Mal i Zi) & Floid Kaso (Shqipëri) Vajza Doubles Fitues: Lina Redza (Kosovë) & Matilde Pozza (Zvicër) Finaliste: Ilaria Kerciku (Itali) & Maria Nica (Rumani) Urime të veçanta për suksesin e tenistit shqiptar Floid Kaso dhe të gjithë fituesve e pjesëmarrësve të këtij turneu prestigjioz.
Arbër Dano përfaqëson Shqipërinë në edicionin ndërkombëtar të Little Tennis Champions 2025-26
Tenisti i ri shqiptar Arbër Dano është përzgjedhur të jetë pjesë e programit ndërkombëtar Little Tennis Champions 2025-26, një nismë e organizuar nga I Tennis Foundation në bashkëpunim me Federatat Kombëtare të Shqipërisë, Italisë, Kosovës dhe Malit të Zi. Programi nisi më 13 korrik në qytetin e Torinos (Itali), ku tenistët zhvilluan një javë trajnimi intensiv në ambientet e Circolo della Stampa Sporting, nën drejtimin e disa prej trajnerëve më të njohur të tenisit europian si Simone Tartarini (trajner i Lorenzo Musettit) dhe Gipo Arbino (trajner i Lorenzo Sonegos). Pas fazës përgatitore, Arbër Dano udhëtoi së bashku me pjesën tjetër të grupit në Annecy të Francës, ku mori pjesë në një turne ndërkombëtar Tennis Europe U14, i zhvilluar nga 19 deri më 26 korrik 2025. Në këtë turne, Arbri kaloi turin e parë, ndërsa u mund në raundin e dytë me rezultat 6-2, 6-2 pas përballjes me një lojtar nga Japonia. Aktualisht, Arbri dhe ekipi ndodhen në Agno, Zvicër, ku po marrin pjesë në një tjetër turne Tennis Europe të kategorisë U16, i përfshirë në kalendarin zyrtar të programit të bursave. Pjesëmarrja në këtë projekt është një mundësi e vlefshme për zhvillimin profesional të Arbër Danos dhe përfitimin e përvojës ndërkombëtare në një mjedis elitar sportiv.
Arbër Dano mbërrin në Torino për të përfaqësuar Shqipërinë në programin ndërkombëtar “Little Tennis Champions 2025–2026”
Tenisti shqiptar Arbër Dano ka mbërritur dje në Torino, Itali, ku do të marrë pjesë në programin prestigjioz “Little Tennis Champions 2025–2026”, një nismë ndërkombëtare e organizuar nga I Tennis Foundation në bashkëpunim me Federatën Shqiptare të Tenisit. Ky program synon zhvillimin e talenteve të rinj nga Italia, Shqipëria, Mali i Zi dhe Kosova, përmes eksperiencave unike stërvitore dhe garuese në disa nga qendrat më të njohura të tenisit evropian. Nga data 13 deri më 18 Korrik, Arbër Dano do të marrë pjesë në një kamp stërvitor për përmirësim taktik në ambientet e Circolo della Stampa Sporting në Torino, nën drejtimin e disa prej trajnerëve më të njohur në skenën ndërkombëtare: Gipo Arbino – trajneri historik i Lorenzo Sonego Simone Tartarini – trajneri i Lorenzo Musettit Ky është një hap i rëndësishëm për karrierën e Arbërit. I urojmë shumë suksese në këtë aventurë dhe jemi të sigurt se do të përfaqësojë vendin me dinjitet dhe përkushtim.
Turneu “Shkodra Tournament 2025” shpall fituesit!
Federata Shqiptare e Tenisit, në bashkëpunim me Shkodra Tennis Club, organizoi me sukses më 5-6 Korrik 2025 turneun “Shkodra Tournament 2025”, për kategoritë U12 & U18, Djem dhe Vajza. Pas dy ditësh me ndeshje emocionuese dhe konkurrencë të fortë, më poshtë gjeni fituesit dhe finalistët e këtij edicioni: U18 Djem Vendi i parë: Kledi Gaba Vendi i dytë: Denis Gaba U12 Vajza Vendi i parë: Siara Tola Vendi i dytë: Kataleia Preni Urime të përzemërta për të gjithë pjesëmarrësit dhe veçanërisht për fituesit! Falënderojmë të gjithë lojtarët, trajnerët dhe prindërit që kontribuuan në atmosferën sportive dhe mikpritëse të këtij turneu. Na ndiqni për aktivitetet e radhës!
Arbër Dano përzgjidhet fitues në programin ndërkombëtar “Little Tennis Champions 2025–2026”
Federata Shqiptare e Tenisit ka kënaqësinë të njoftojë se Arbër Dano është përzgjedhur si fitues në kuadër të programit prestigjioz ndërkombëtar “Little Tennis Champions 2025-2026”, një nismë e organizuar nga I Tennis Foundation në bashkëpunim me Federatën Shqiptare të Tenisit. Pas një procesi të gjatë dhe të kujdesshëm përzgjedhës dhe takimit në fushë të zhvilluar më 24–25 Qershor në Qendrën Kombëtare të Tenisit “National Sport Park” në Tiranë, Arbëri u dallua për aftësitë e tij teknike, disiplinën, dhe potencialin për zhvillim në nivel ndërkombëtar. Si pjesë e këtij programi, Arbëri do të përfitojë: Trajnime të avancuara me trajnerë elitarë Pjesëmarrje në turne ndërkombëtare në disa vende europiane Mbështetje edukative, psikologjike dhe gjuhësore Udhëtime, akomodim dhe përkujdesje të mbuluara nga organizatorët Federata Shqiptare e Tenisit i uron suksese Arbërit në këtë kapitull të ri të karrierës dhe mbetet e përkushtuar për të mbështetur të gjithë të rinjtë shqiptarë që ndjekin ëndrrën e tyre në sportin e tenisit.
“Korça Open 2025” ka përfunduar me sukses!
Federata Shqiptare e Tenisit, në bashkëpunim me Tennis Korça Club ka organizuar turneun “Korça Open” në qendrën sportive të qytetit të Korçës, duke sjellë dy ditë plot emocione dhe konkurencë për të rinjtë në kategoritë: ROG U14 Djem & Vajza Turneu mblodhi sportistë të vegjël dhe të apasionuar nga e gjithë Shqipëria. Fituesit e turneut “Korça Open 2025” janë: Orange– Djem Fitues: Piter Papamihal Finalist: Todor Ljepuri Orange – Vajza Fitues: Hera Osmani Finaliste: Irsel Spahiu Green – Djem Fitues: Ilian Tase Finalist: Kristi Stamuli Green – Vajza Fitues: Mirabella Lamina Finaliste: Helia Hysaj U14 – Vajza Fitues: Ola Dano Finaliste: Nergis Nikprelaj U14 – Djem Fitues: Arbër Dano Finalist: Ares Ferhati Urime të gjithë fituesve dhe falënderime të veçanta për të gjithë pjesëmarrësit, trajnerët dhe prindërit për mbështetjen!
Përfundoi me sukses faza e rradhës përzgjedhëse e “LTC 2025–2026” në Tiranë
Në datat 24–25 Qershor 2025, në ambientet e Qendrës Kombëtare të Tenisit “National Sport Park” në Tiranë, u zhvillua faza përzgjedhëse në fushë për lojtarët e përzgjedhur nga Shqipëria dhe Kosova në kuadër të programit ndërkombëtar “Little Tennis Champions 2025–2026.” Kjo fazë është pjesë e projektit të përbashkët midis Federatës Shqiptare të Tenisit dhe I Tennis Foundation, që ka si synim identifikimin dhe zhvillimin e talenteve të rinj në tenis nëpërmjet një programi vjetor me mbështetje teknike dhe edukative. Gjatë dy ditëve, lojtarët e përzgjedhur morën pjesë në: Seanca trajnuese në fushë. Prezantim të programit për prindërit dhe fëmijët. Ndeshje vlerësuese dhe intervista individuale. Stërvitja u drejtua nga trajnerët italianë Simone Bongiovanni, Alfredo Santacroce dhe Tommaso Garello, të cilët ndoqën nga afër çdo lojtar në aspektin teknik, fizik dhe psikologjik. Qëllimi i kësaj faze ishte përzgjedhja përfundimtare e lojtarëve që do të bëhen pjesë e programit të bursave, duke përfituar trajnim elitar dhe pjesëmarrje në aktivitete ndërkombëtare gjatë sezonit 2025–2026. Emrat e lojtarëve të përzgjedhur do të shpallen ditën e diel. Urojmë suksese të gjithë pjesëmarrësve në këtë etapë të rëndësishme drejt zhvillimit të tyre profesional në fushën e tenisit!