Arbër Dano dhe Ares Ferhati fitojnë nga 2 medalje në “2025 ITF/Tennis Europe Development Championships”, Antalia,Turqi
Arbër Dano dhe Ares Ferhati fitojnë nga 2 medalje në “2025 ITF/Tennis Europe Development Championships 14&U and 12&U + 12&U Training Camp”, Antalia,Turqi. Në ceremoninë përmbyllëse të këtij kompeticioni të rëndësishëm ndërkombëtar, dy tenistët shqiptarë të ekipit kombëtar U14 u nderuan me medalje si gjysmëfinalistë në përballjet dyshe (doubles), përgjatë javës së parë dhe të dytë. Medaljet ju dorëzuan nga Vitor Cabral – Drejtor i Zhvillimit ITF për Evropën, i cili ishte i pranishëm në ceremoninë e ndarjes së çmimeve. I urojmë shumë suksese Arbrit dhe Aresit si dhe gjithë lojtarëve të ekipit tonë U14 dhe U12 së bashku me trajnerin U14 Tedi Kaso dhe trajnerët U12 Joan Koti e Blearta Ukëhaxhaj, që dhanë më të mirën e tyre në këtë aktivitet.
Alex Prifti dhe Emili Bilali fitojnë përballjet e para në “ITF/Tennis Europe Development Championships 2023 week 1”.
Alex Prifti dhe Emili Bilali fitojnë përballjet e para në “ITF/Tennis Europe Development Championships 2023 week 1”. Alex Prifti mundi me rezultatin 6-2, 6-3 kundërshtarin e tij Albert Aznavuryan nga Armenia ndërsa Emili Bilali fitoi me rezultatin 7-6, 6-3 ndaj Emma Hovhannisyan. I urojmë suksese në vijim ekipit shqiptar U14!
Fitorja e parë e ekipit kombëtar shqiptar në Antalia, Enki Hyseni
Enki HYSENI fiton me rezultat 6-3, 6-0 përballë Ayshan KARIMLI nga Azerbajxhani. Fitorja e parë e ekipit tonë në turneun e kategorisë U14 në Antalia të Turqisë. (Shkurt 2022)
Ekipi shqiptar në ITF/Tennis Europe 14&Under Development Championships and 12&U Training Camp 2022″ Antalya.
Ekipi kombëtar shqiptar i tenisit për Kategorinë U12 dhe U14 ka filluar sot programin “ITF/Tennis Europe 14&Under Development Championships and 12&U Training Camp 2022” Antalya. Kampi i trajnimit për kategorinë U12 si dhe Kampionati Zhvillimor i kategorisë U14 do të zgjasë dy javë, në të cilat tenistët shqiptarë të këtyre moshave do të na përfaqësojnë. Konkretisht për Kategorinë U12 tenistët: Anjel Hoxha, Alex Prifti dhe Ares Ferhati. Me trajnerë supervizorë Elda Vukatana dhe Maksim Prifti. Ndërsa për Kategorinë U14 tenistët: Emili Bilali, Enki Hyseni, Kledi Gaba dhe Damian Methasani. Me trajner supervizor Tedi Kaso. I urojmë shumë suksese tenistëve tanë të vegjël! (Shkurt 2022)
Ekipi shqiptar në aktivitetet e organizuara nga ITF dhe Tennis Europe, Antalia, Turqi.
Në Antalia të Turqisë, më datë 10-20 Dhjetor 2021, ekipi kombëtar shqiptar i moshave U12 dhe U14 marrin pjesë në aktivitetet e organizuara nga ITF dhe Tennis Europe. Ekipi kombëtar i moshave U12 vajza dhe djem po merr pjesë në aktivitetin “12&Under ITF/Tennis Europe Training Camp” dhe ekipi kombëtar i moshave U14 vajza dhe djem në “14&Under ITF/Tennis Europe Development Championships”. Ekipi shqiptar U14 përbëhet nga lojtarët: Ajri Hoxha, Amina Xhaferri, Kledi Gaba, Alex Prifti, të udhëhequr nga trajneri Maksim Prifti. Ndërsa ekipi shqiptar U12 përbëhet nga: Emeli Bilali dhe Alex Prifti, nën udhëheqjen e trajnereve: Elda Vukatana dhe Nikoleta Peti. I urojmë suksese dhe përfaqësim dinjitoz! (Dhjetor 2021)