Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

Tenis

Shpallen fituesit e turneut “Shkodra Indoor” të kategorive U10 & U14.

Fituese në kategorinë U14 Vajza rezultoi Eva Angelina Radoman nga Mali i Zi dhe finaliste Enki Hyseni. Kledi Gaba u shpall fitues në kategorinë U14 Djem dhe finalist Alex Prifti. Ndërsa në kategorinë U10 Vajza fituese rezultoi Ola Dano dhe finaliste Nergis Nikprelaj ndërsa fitues në kategorinë U10 Djem u shpall Martin Bushati dhe finalist Jonis Gaba. Falenderojmë të gjithë tenistët që morën pjesë në këtë turne të zhvilluar në Adriatic Tennis Park në Shkodër dhe i urojmë suksese të tjera në vijim!

Shpallen fituesit e turneut “Shkodra Indoor” të kategorive U10 & U14. Read More »

Përfundoi me sukses kursi i çertifikimit të trajnerëve Niveli i Parë nga Federata Botërore e Tenisit “ITF/OS Coaching Beginner & Intermediate Players course”.

Ky kurs u zhvillua në Qendrën Kombëtare të Tenisit në Tiranë “National Sport Park”. Drejtues të këtij kursi ishin Albi Sulo dhe Vanja Stuhli nga ITF. Rreth 20 trajnerë nga Shqipëria, Kosova dhe Mali i Zi morën pjesë në 86 orë trajnime dhe testime në lidhje me njohuritë dhe aftësitë e tyre në mësimdhënien e tenisit. “ITF/OS Coaching Beginner & Intermediate Players course” vjen në Shqipëri si bashkëpunim mes Federatës Botërore të Tenisit (ITF), Komitetit Olimpik Kombëtar Shqiptar (KOKSH) dhe Federatës Shqiptare të Tenisit (FSHT). Me rritjen e numrit por edhe të cilësisë së trajnerëve të federatës sonë rrjedhimisht do të kemi rritje të numrit të tenistëve dhe rezultateve të tyre. Në fund të këtij kursi u zhvillua ceremonia përmbyllëse ku u shpërndanë edhe çertifikata pjesëmarrje për të gjithë trajnerët e përfshirë në kurs. I urojmë suksese të gjithëve dhe falenderojmë ITF dhe KOKSH për mbështetjen e vazhdueshme në zhvillimin e tenisit në Shqipëri.

Përfundoi me sukses kursi i çertifikimit të trajnerëve Niveli i Parë nga Federata Botërore e Tenisit “ITF/OS Coaching Beginner & Intermediate Players course”. Read More »

Kledi Gaba fitues i “Korça Tournament” për kategorinë U18.

Kledi Gaba rrëmben trofeun e këtij turneu pas fitores në finale ndaj Dhimitri Mindili me rezultatin 6-2, 6-2. Në kategorinë ROG fitues për Vajza u shpall Deborah Treska pasi mundi me rezultatin 4-0, 4-2 tenisten Irina Larti ndërsa për ROG Djem rezultoi fitues Jonis Gaba pas finales me rezultat 4-1, 5-4 ndaj Majk Qeramixhi. Ky turne i suksesshëm u realizua nën drejtimin e Ervin Rota dhe shoqatës “Korça Tenis” në bashkëpunim me Federatën Shqiptare të Tenisit. Urime fituesve dhe suksese të mëtejshme të gjithë tenistëve pjesëmarrës!

Kledi Gaba fitues i “Korça Tournament” për kategorinë U18. Read More »

Gresi Bajri fituese në Doubles “NSP Open – J5 Tirana ITF Junior Tour 2022”.

Gresi Bajri fituese në turneun botëror “NSP Open – J5 Tirana ITF Junior Tour 2022”. Gresi arrin të rrëmbejë trofeun e kategorisë Vajza Doubles pasi në finale së bashku me Iva Daneva nga Maqedonia e Veriut mundën dyshen Emira Diabate nga Côte d’Ivoire dhe Sue-Lan Taravella nga Kanadaja me rezultatin 6-0, 6-3. Kjo shënon një tjetër sukses për tenisten shqiptare Gresi Bajri e cila në çdo turne ndërkombëtar së fundi arrin të marrë fitore. I urojmë Gresit sukses dhe fat në vijim!

Gresi Bajri fituese në Doubles “NSP Open – J5 Tirana ITF Junior Tour 2022”. Read More »

Përfundoi me sukses turneu botëror U18 “NSP OPEN – J5 Tirana ITF Junior Tour”.

Makar Krivoshchekov u shpall fitues në kategorinë Djem Singles pasi mundi në finale Stefanos Pournaropoulos nga Greqia, me rezultatin 6-3,6-3. Në kategorinë Vajza Singles fituese rezultoi Kate Mansfield nga SHBA, e cila mundi 7-6(5), 7-6(4) kundërshtaren greke Alexandra Panagiotidou. Në kategorinë Djem Doubles fitues u shpall dyshja greke Angelos Avgeris dhe Stefanos Pournaropoulos kundër dyshes Sevan Bottari nga Italia dhe Makar Krivoshchekov, me rezultatin 6-2, 6-3. Ndërsa në kategorinë Vajza Doubles fituese dolën Ceylin Ipek nga Turqia dhe Alexandra Panagiotidou me rezultat 2-6, 6-3, 10-6 kundër dyshed Zeynep Ilker nga Turqia dhe Kate Mansfield nga SHBA. Kujtojmë që në këtë turne paraqitje tejet cilësore bënë edhe tenistet shqiptare ku Gresi Bajri dhe Valentina Merku të cilat rezultuan çerekfinaliste në kategorinë Singles dhe Rea Qinami dhe Valentina Merku çerekfinaliste në kategorinë Doubles. I urojmë suksese të gjithë tenistëve pjesëmarrës!  

Përfundoi me sukses turneu botëror U18 “NSP OPEN – J5 Tirana ITF Junior Tour”. Read More »

Shkodra Open / Pjesëmarrje rekord të tenistëve shqiptar në një turne Tennis Europe

Pjesëmarrje rekord të tenistëve shqiptar në një turne Tennis Europe ndodh në turneun ndërkombëtar “Shkodra Open” i kategorisë U16, që zhvillohet për herë të parë në qytetin e Shkodrës. •Plot 14 lojtarë shqiptarë, vajza dhe djem, do të ndeshen gjatë kësaj jave me tenistë nga vende të ndryshme të botës si nga: Australia, Italia, Ukraina, Polonia, Greqia etj. në kompleksin “Adriatic Tennis Park” në qytetin verior të Shqipërisë. •Numri i lartë i pjesëmarrjes nga tenistët shqiptar dëshmon edhe njëherë nivelin e lartë sportiv që këta lojtarë kanë arritur, duke qenë të kualifikuar të konkurrojnë me tenistë të talentuar nga shumë vende të botës. • Ndërkohë sot, në turneun “Shkodra Open” po zhvillohen ndeshjet kualifikuese. • I urojmë shumë fat të gjithë tenistëve pjesëmarrës!

Shkodra Open / Pjesëmarrje rekord të tenistëve shqiptar në një turne Tennis Europe Read More »

Gresi Bajri, tenistja e parë shqiptare fituese në Doubles ITF WTT Juniors U18

Suksesi i Gresi Bajrit në “J5 Peja – ITF WTT Juniors” shënon për herë të parë marrjen e trofeut të fituesit në Doubles nga një lojtar shqiptar në një turne botëror U18. Gresi Bajri arrin në çerekfinale në Singles dhe shpallet fituese në Doubles për Vajza së bashku me tenisten greke Alexandra Magia, pas fitores në finale kundër dyshes Anastasija Cvetkovic nga Serbia dhe Ana Mitevska nga Maqedonia e Veriut me rezultatin 1-6, 6-1, 12-10. Gresi fitoi 2 raunde të këtij turneu pas përballjesh të forta në Singles, si fillim me rezultatin 7-6(4), 6-1 ndaj tenistes malazeze Petra Mirkovic dhe raundin tjetër ndaj një prej tenisteve më të mira turke Melisa Ugur, me rezultatin 6-3, 6-4. Performanca e Gresi Bajrit në këtë turne botëror të zhvilluar në Pejë të Kosovës ishte e mekullueshme. Fitoret e tenistëve shqiptar tregojnë progres dhe nivel të admirueshëm, me rezultate që nuk janë arritur më parë në tenisin shqiptar, siç është edhe fitorja e Gresit së fundi. Krenar për teniste si Gresi Bajri dhe i urojmë suksese të tjera!

Gresi Bajri, tenistja e parë shqiptare fituese në Doubles ITF WTT Juniors U18 Read More »

Podgorica Rio Verde U12: Ekipi shqiptar me 5 ndeshje të fituara

Ekipi shqiptar U12 me disa ndeshje të fituara në turneun europian “Podgorica Rio Verde U12” në Mal të Zi. Alex PRIFTI arriti të fitojë 2 ndeshje në kategorinë Djem Singles kundër Massimo IVOVIC nga SHBA me rezultatin 7-6(0), 4-6, 11-9 dhe kundër Vladislav CHIBURAEV me rezultatin 3-6, 6-4, 10-7. Ares FERHATI fitoi një ndeshje ndaj Leo Luka KORUGA nga Kroacia me rezultatin 6-3 6-2. Anjel HOXHA fitoi me rezultatin 6-2 6-4 ndaj Sara CAMAJ nga Mali i Zi.  Enki HYSENI fitoi me rezultatin 4-6, 6-2, 10-7 ndaj Meriem EL BEJI nga Tunizia. Në këtë turne pjesë të ekipit kombëtar ishte dhe Ariel SULOVARI. I urojmë suksese të tjera ekipit kombëtar shqiptar U12 në turnetë e rradhës.

Podgorica Rio Verde U12: Ekipi shqiptar me 5 ndeshje të fituara Read More »

Davis Cup 2022: Ekipi shqiptar kundër San Marinos dhe Islandës

Ekipi kombëtar i djemve pati përballjen e parë kundër ekipit të San Marinos në kampionatin botëror të meshkujve Davis Cup, në Baku të Azerbaixhanit. Ekipi kundërshtar i San Marinos arriti të fitojë kundrejt ekipit shqiptar. Rezultatet e përballjeve konkretisht ishin: Nermin HOXHIQ – Stefano GALVANI 0-2; Mario ZILI – Marco DE ROSS 0-2; Martin MUEDINI & Mario ZILI – Marco DE ROSSI & Domenico VICINI 0-2; Sfida e rradhës për ekipin shqiptar të djemve ishte kundrejt Islandës. Në këtë përballje ekipi shqiptar nuk arriti të mposhte ekipin kundërshtar të Islandës. Rezultatet e ndeshjeve konkretisht ishin: Martin MUEDINI – Daniel SIDDALL 0-2; Mario ZILI – Rafn BONIFACIUS 0-2; Nermin HOXHIQ & Mario ZILI – Rafn BONIFACIUS & Daniel SIDDALL 0-2.

Davis Cup 2022: Ekipi shqiptar kundër San Marinos dhe Islandës Read More »

Shqipëria në kampionatin botëror të meshkujve DAVIS CUP 2022 në Baku të Azerbajxhanit

Ekipi kombëtar do të përfaqësohet nga lojtarët: Mario Zili (kapiten/lojtar), Martin Muedini, Nermin Hoxhic dhe Arbër Sulstarova. Shqipëria gjendet në grupin IV (Pool A), së bashku me: Islandën dhe San Marinon. Ndeshjet do të zhvillohen në datat 27 deri më 31 Korrik 2022. Ekipi shqiptar ndodhet në Baku në parapërgatitjet e këtij kampionati.

Shqipëria në kampionatin botëror të meshkujve DAVIS CUP 2022 në Baku të Azerbajxhanit Read More »