Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

shqipëri

Gresi Bajri gjysmëfinaliste në turneun ndërkombëtar “ITF J60 Siroki Brijeg Open”

Gresi Bajri gjysmëfinaliste në turneun ndërkombëtar “ITF J60 Siroki Brijeg Open” për kategorinë U18 në Bosnje Hercegovinë. Bajri arrin të mposhtë në çerekfinale kundërshtaren e saj nga Suedia Zoe Kaegi me rezultatin 6-4, 6-7, 6-1 dhe kalon në gjysmëfinale të këtij kompeticioni të fortë. Gjithashtu Gresi Bajri kalon në gjysmëfinale edhe në kategorinë Girls Doubles pasi ajo dhe Iva Daneva nga Maqedonia e Veriut fitojnë me rezultatin 3-6, 6-2,10-8 ndaj dyshes Maria Ivankovic nga Kroacia dhe Asja Salkanovic nga Bosnje Hercegovina. Edhe pse nuk arrin dot finalen në Singles pasi mundet nga tenistja Polina Kaibekova, megjithatë loja e Gresi Bajrit përgjatë këtij turneu ishte e admirueshme! Falenderojmë Gresin për përfaqësimin dinjitoz që i bën kombit tonë në çdo aktivitet tenisi. Suksese të tjera!

Gresi Bajri gjysmëfinaliste në turneun ndërkombëtar “ITF J60 Siroki Brijeg Open” Read More »

Ceremonia e fundvitit, trofe dhe dhurata për lojtarët më të mirë të vitit 2022, fituesit e Kampionatit Ekipor

U zhvillua sot ceremonia përmbyllëse e Federatës Shqiptare të Tenisit për vitin 2022, me pjesëmarrjen e lojtarëve, trajnerëve, prindërve, gjyqtarëve, anëtarëve të klubeve dhe bordit të federatës. Presidenti i FSHT, z.Ferdinand Sulo hapi ceremoninë duke uruar për një vit të ri të mbarë për federatën dhe lojtarët e saj. Sekretari i Përgjithshëm i FSHT, z.Klaus Bardeli shpalli fituesit e çmimeve, kokretisht: Kategoria “Të rritur”: lojtarja e vitit: Gresi Bajri, lojtari i vitit: Arbër Sulstarova. Kategoria “U18”: lojtari i vitit: Joan Koti, lojtarja e vitit: Gresi Bajri. Kategoria “U16”: lojtari i vitit: Arlis Muka, lojtarja e vitit: Rea Qinami. Kategoria “U14”: lojtari i vitit: Kledi Gaba, lojtarja e vitit: Enki Hyseni. Kategoria “U12”: lojtari i vitit: Alex Prifti, lojtarja e vitit: Anjel Hoxha. Kategoria “U10”: lojtari i vitit: Jonis Gaba, lojtarja e vitit: Deborah Treska. Lojtarët më të mirë të vitit morën edhe dhurata nga sponsori “Sport Pro Al” (@sportproal ), i cili mbështeti realizimin e kësaj ceremonie festive. Gjithashtu u shpallën edhe çmimet “Trajneri më i mirë i vitit” që u fitua nga Maksim Prifti, si dhe “Klubi më i mirë i vitit” që u fitua nga National Sport Park – Tennis Eralb Club. Në këtë ceremoni u shpallën edhe fituesit e çertifikimit të nivelit të parë të trajnerëve “ITF/OS Coaching Beginner & Intermediate Players Course” sipas Federatës Botërore të Tenisit ku fitues ishin: Juna Dani, Kejsi Lohja, Gresi Bajri dhe Joan Koti. Kjo ceremoni përkoi edhe me mbarimin e Turneut Ekipor që u fitua nga ekipi i “Tenis Korça”(Ivi Selenica, Joan Koti, Dhimitri Mindili, Ervin Rota), pasi mundi në finale ekipin “NSP-Tennis Eralb Club” me rezultatin 2-1. Të gjithë të pranishmit festuan rreth arritjeve të vitit që lamë pas dhe uruan një vi të ri plot suksese në vijim!

Ceremonia e fundvitit, trofe dhe dhurata për lojtarët më të mirë të vitit 2022, fituesit e Kampionatit Ekipor Read More »

Fituesit e turneut “Shkodra Indoor 2022” Masters

Shpallen fituesit e turneut “Shkodra Indoor 2022” për kategoritë +35 dhe +45 të zhvilluar në Adriatic Tennis Park në Shkodër. Në kategorinë +35 Meshkuj fitues u shpall Redi Dabulla dhe finalist Edi Pelinku. Ndërsa në kategorinë +35 Femra fituese u shpall Elonia Gjata dhe finaliste Vesa Islami nga Kosova. Në kategorinë +45 fitues rezultoi Andrian Bleta dhe finalist Aleksander Konomi. Falenderojmë organizatorët “Shkodra Tennis Club” dhe kryegjyqtarin e turneut Alban Dani, për realizimin e këtij turneu të suksesshëm. I urojmë suksese të tjera të gjithë tenistëve pjesëmarrës dhe fitues!

Fituesit e turneut “Shkodra Indoor 2022” Masters Read More »

Shpallen fituesit e turneut “Shkodra Indoor” të kategorive U10 & U14.

Fituese në kategorinë U14 Vajza rezultoi Eva Angelina Radoman nga Mali i Zi dhe finaliste Enki Hyseni. Kledi Gaba u shpall fitues në kategorinë U14 Djem dhe finalist Alex Prifti. Ndërsa në kategorinë U10 Vajza fituese rezultoi Ola Dano dhe finaliste Nergis Nikprelaj ndërsa fitues në kategorinë U10 Djem u shpall Martin Bushati dhe finalist Jonis Gaba. Falenderojmë të gjithë tenistët që morën pjesë në këtë turne të zhvilluar në Adriatic Tennis Park në Shkodër dhe i urojmë suksese të tjera në vijim!

Shpallen fituesit e turneut “Shkodra Indoor” të kategorive U10 & U14. Read More »

Përfundoi me sukses kursi i çertifikimit të trajnerëve Niveli i Parë nga Federata Botërore e Tenisit “ITF/OS Coaching Beginner & Intermediate Players course”.

Ky kurs u zhvillua në Qendrën Kombëtare të Tenisit në Tiranë “National Sport Park”. Drejtues të këtij kursi ishin Albi Sulo dhe Vanja Stuhli nga ITF. Rreth 20 trajnerë nga Shqipëria, Kosova dhe Mali i Zi morën pjesë në 86 orë trajnime dhe testime në lidhje me njohuritë dhe aftësitë e tyre në mësimdhënien e tenisit. “ITF/OS Coaching Beginner & Intermediate Players course” vjen në Shqipëri si bashkëpunim mes Federatës Botërore të Tenisit (ITF), Komitetit Olimpik Kombëtar Shqiptar (KOKSH) dhe Federatës Shqiptare të Tenisit (FSHT). Me rritjen e numrit por edhe të cilësisë së trajnerëve të federatës sonë rrjedhimisht do të kemi rritje të numrit të tenistëve dhe rezultateve të tyre. Në fund të këtij kursi u zhvillua ceremonia përmbyllëse ku u shpërndanë edhe çertifikata pjesëmarrje për të gjithë trajnerët e përfshirë në kurs. I urojmë suksese të gjithëve dhe falenderojmë ITF dhe KOKSH për mbështetjen e vazhdueshme në zhvillimin e tenisit në Shqipëri.

Përfundoi me sukses kursi i çertifikimit të trajnerëve Niveli i Parë nga Federata Botërore e Tenisit “ITF/OS Coaching Beginner & Intermediate Players course”. Read More »

Përfundoi me sukses turneu ndërkombëtar Senior “Shkodra Master ITF Tournament”

Përfundoi me sukses turneu ndërkombëtar për Senior “Shkodra Master ITF Tournament” në qytetin e Shkodrës. Fitues në kategorinë Meshkuj +60 u shpall Shpëtim Hoxha nga Shqipëria me rezultatin 5-7, 7-5, 10-12 pasi mundi në finale Mejdi Rexhepin nga Kosova. Fitues në kategorinë Meshkuj +50 u shpall Peter Kos nga Sllovenia, pasi fitoi në finale me rezultatin 6-1, 3-6, 7-6 (6) ndaj Andrian Bleta nga Shqipëria. Sebastian Sorg nga Gjermania u shpall fitues në kategorinë Meshkuj +40 pasi mundi me me rezultatin 6-1, 6-1 Boris Mijovic nga Mali i Zi. Në kategorinë Meshkuj +30 fitues u shpall Genci Çakshiri nga Shqipëria me rezultatin 6-1, 6-2 ndaj Redi Dabulla nga Shqipëria. Ndërsa në kategorinë Femra +30 fituese u shpall Elonia Gjata nga Shqipëria pasi mundi në finale Vesa Islamin nga Kosova me rezultat 6-4, 6-3. Në kartegorinë +40 Mixed Doubles fitues dolën dyshja Andrian Bleta dhe Anila Kaloci kundër Bledi Bilali dhe Xheni Cani me rezultatin 6-3, 6-3. Në kategorinë +50 Doubles Meshkuj fitues u shpallën Shkëlzen Domi dhe Gëzim Galiqi, pasi mundën në finale me rezultatin 6-3, 6-2 dyshen Andi Bilali dhe Dritan Kruja. Ky turne u zhvillua në kompleksin Adriatic Tennis Park nën drejtimin e kryegjyqtarit Çetin Kesici dhe drejtorit të turneut Kliti Hoti. I urojmë tenistët fitues dhe suksese të gjithë tenistëve pjesëmarrës!

Përfundoi me sukses turneu ndërkombëtar Senior “Shkodra Master ITF Tournament” Read More »

Përfundoi me sukses turneu botëror U18 “NSP OPEN – J5 Tirana ITF Junior Tour”.

Makar Krivoshchekov u shpall fitues në kategorinë Djem Singles pasi mundi në finale Stefanos Pournaropoulos nga Greqia, me rezultatin 6-3,6-3. Në kategorinë Vajza Singles fituese rezultoi Kate Mansfield nga SHBA, e cila mundi 7-6(5), 7-6(4) kundërshtaren greke Alexandra Panagiotidou. Në kategorinë Djem Doubles fitues u shpall dyshja greke Angelos Avgeris dhe Stefanos Pournaropoulos kundër dyshes Sevan Bottari nga Italia dhe Makar Krivoshchekov, me rezultatin 6-2, 6-3. Ndërsa në kategorinë Vajza Doubles fituese dolën Ceylin Ipek nga Turqia dhe Alexandra Panagiotidou me rezultat 2-6, 6-3, 10-6 kundër dyshed Zeynep Ilker nga Turqia dhe Kate Mansfield nga SHBA. Kujtojmë që në këtë turne paraqitje tejet cilësore bënë edhe tenistet shqiptare ku Gresi Bajri dhe Valentina Merku të cilat rezultuan çerekfinaliste në kategorinë Singles dhe Rea Qinami dhe Valentina Merku çerekfinaliste në kategorinë Doubles. I urojmë suksese të gjithë tenistëve pjesëmarrës!  

Përfundoi me sukses turneu botëror U18 “NSP OPEN – J5 Tirana ITF Junior Tour”. Read More »

“NATIONAL SPORT PARK OPEN – J5 Tirana ITF Junior Tour” në Tiranë

Po zhvillohet turneu botëror “NATIONAL SPORT PARK OPEN – J5 Tirana ITF Junior Tour” në Qendrën Kombëtare të Tenisit në Tiranë. Rreth 250 lojtarë nga vende të ndryshme të botës si Belgjikë, Australi, SHBA, Kanada, Brazil, Côte d’Ivoire, Suedi, Britani e Madhe etj. janë të përfshirë në këtë turne botëror. Gjithashtu, Gresi Bajri, Kledi Gaba, Regi Halili, Valentina Merku, Rea Qinami janë tenistë shqiptarë që marrin pjesë në “NATIONAL SPORT PARK OPEN – J5 Tirana ITF Junior Tour”.

“NATIONAL SPORT PARK OPEN – J5 Tirana ITF Junior Tour” në Tiranë Read More »

Alex Prifti, fitues i turneut “Korça Junior U12 & U14” 

Alex Prifti arrin të triumfojë në të dy kategoritë e turneut të zhvilluar në qytetin e Korçës, ndërsa finalist i këtij turneu u shpall Ares Ferhati. Në kategorinë Vajza Singles, fituese u shpall Marina Qeramixhiu e cila mundi në finale me rezultatin 6-4, 6-2 Greta Xhinakun. Organizimi i këtij turneu ishte nën drejtimin e z. Ervin ROTA (zyrtar i turneut) dhe z. Aiger SULO (kryegjyqtar). Urojmë fituesit dhe i urojmë suksese të gjithë pjesëmarrësve!

Alex Prifti, fitues i turneut “Korça Junior U12 & U14”  Read More »

Shkodra Open / Pjesëmarrje rekord të tenistëve shqiptar në një turne Tennis Europe

Pjesëmarrje rekord të tenistëve shqiptar në një turne Tennis Europe ndodh në turneun ndërkombëtar “Shkodra Open” i kategorisë U16, që zhvillohet për herë të parë në qytetin e Shkodrës. •Plot 14 lojtarë shqiptarë, vajza dhe djem, do të ndeshen gjatë kësaj jave me tenistë nga vende të ndryshme të botës si nga: Australia, Italia, Ukraina, Polonia, Greqia etj. në kompleksin “Adriatic Tennis Park” në qytetin verior të Shqipërisë. •Numri i lartë i pjesëmarrjes nga tenistët shqiptar dëshmon edhe njëherë nivelin e lartë sportiv që këta lojtarë kanë arritur, duke qenë të kualifikuar të konkurrojnë me tenistë të talentuar nga shumë vende të botës. • Ndërkohë sot, në turneun “Shkodra Open” po zhvillohen ndeshjet kualifikuese. • I urojmë shumë fat të gjithë tenistëve pjesëmarrës!

Shkodra Open / Pjesëmarrje rekord të tenistëve shqiptar në një turne Tennis Europe Read More »