Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

shqipëri

Eminent Podgorica U12 Tennis Europe – Anjel Hoxha në gjysmëfinale doubles

Anjel Hoxha në gjysmëfinale doubles të turneut ndërkombëtar “Eminent Podgorica U12 Tennis Europe” në Mal të Zi. Nga ekipi shqiptar U12 vajza po spikat Anjel Hoxha me 4 fitore në 5 ndeshje të luajtuara, ku në raundin e parë Vajza/Singles mundi me rezultatin 6-2, 6-4 tenisten Aiyari Kuanshaliyeva nga Kazakistani, duke pësuar një humbje me rezultatin 7-5, 3-6, 3-10 ndaj tenistes malazeze Iva Camaj, për të vazhduar me fitore në raundin e tretë me rezultatin 6-0, 6-4 ndaj Natasza Kleszcz nga Polonia. Në përballjet Doubles Anjel Hoxha së bashku me kolegen armene Margarita Ter-Grigoryan fitoi ndaj dyshes Stasa Globarevic nga Mali i Zi dhe Eliza Murtezani nga Maqedonia e Veriut, po ashtu edhe ndaj dyshes tjetër nga Kosova Diella Latifaj dhe Reina Selmanaj me rezultatin 6-3, 6-2. Sot në gjysmëfinalen doubles për vajza, Anjel Hoxha do të përballet me Maria Petrache Bozu nga Rumania dhe Maria Prokopenko. I urojmë shumë suksese në vijim!

Eminent Podgorica U12 Tennis Europe – Anjel Hoxha në gjysmëfinale doubles Read More »

“Podgorica Rio Verde U12 Tennis Europe” Arbër Dano dhe Ares Ferhati

Arbër Dano dhe Ares Ferhati shënojnë edhe 2 ndeshje të fituara në turneun ndërkombëtar “Podgorica Rio Verde U12 Tennis Europe” në Mal të Zi për kategorinë U12. Arbër Dano fitoi me rezultatin 6-4, 6-4 ndaj tenistit kroat Kai Grimson. Ares Ferhati fitoi me rezultatin 6-0, 6-2 ndaj tenistit Luka Gulam nga Kroacia. I urojmë suksese në turnetë në vijim tenistëve tanë!

“Podgorica Rio Verde U12 Tennis Europe” Arbër Dano dhe Ares Ferhati Read More »

“Billie Jean King Cup 2023 Group III” Shqipëria rrëmben 3 fitore

Shqipëria fiton me rezultatin 2-0 ndaj Malit të Zi në përballjet e Promotional Play-Off duke mbyllur kështu rrugëtimin e saj në kampionatin botëror “Billie Jean King Cup 2023 Group III” me 3 fitore (me Islandën, Azerbajxhanin dhe Malin e Zi) dhe 3 humbje nga 6 ndeshje të luajtura. Kjo bëri që ekipi jonë kombëtar i vajzave të renditet në vendin e 7-të të grupit 3 të këtij kampionati. Edhe pse pati humbje me ekipe si Maqedonia e Veriut, Moldavia dhe Finlanda, duke parë ndeshjet e tenisteve të kombëtares sonë me disa prej tenisteve më të mira në botë, si tenistja maqedonase Lina Gjorcheska me renditje aktuale botërore 256 dhe renditje maksimale 170, tenistja finlandeze Anasatasia Kulikova me renditje aktuale botërore 352 dhe maksimale 179 apo Laura Hietaranta me renditje botërore 612, themi të sigurt që përfaqësimi i Shqipërisë ishte dinjitoz. Duhet përmendur fakti që vajzat e ekipit kombëtar kanë një moshë relatisht të re krahasimisht me shumë kundërshtare të tyre në këtë kampionat botëror, konkretisht 17 vjeç (Gresi Bajri), 21(Kristal Dule) dhe 17 (Rea Qinami). Gjithashtu ky ishte vetëm viti i 3-të i pjesëmarrjes së Shqipërisë në kampionatin botëror të femrave. Prandaj me vijimin e stërvitjes efikase dhe grumbullimeve si këtë vit në Mal të Zi, paraqitja e Shqipërisë në kampionatin botëror “Billie Jean King Cup” konsiderohet të jetë edhe më e suksesshme dhe shpresëdhënëse në vitet e ardhshme. I urojmë shumë fat dhe suksese në vazhdim tenisteve tona Gresi Bajri, Kristal Dule, Rea Qinami si dhe kapitenit drejtues Tedi Kaso. Gjithashtu i falenderojmë që dhanë më të mirën e tyre në këtë kompeticion të rëndësishëm dhe tejet sfidues.

“Billie Jean King Cup 2023 Group III” Shqipëria rrëmben 3 fitore Read More »

Billie Jean King Cup 2023 Group III / Ekipi shqiptar i vajzave mund ekipin e Islandës

Ekipi shqiptar i vajzave mundi sot ekipin e Islandës me rezultatin 3-0 në përballjen e rradhës në kampionatin botëror ekipor për femra që po zhvillohet në Shkup të Maqedonisë së Veriut. Kristal Dule arriti të fitojë ndeshjen e parë Singles me rezultatin 6-3, 6-0 ndaj Anna Soffia Gronholm, pasuar kjo me fitore nga Gresi Bajri në ndeshjen e dytë me rezultatin 6-1, 6-1 ndaj Sofia Soley Jonasdottir. Së fundi, në ndeshjen e tretë ndaj Islandës, në Doubles, dyshja shqiptare Gresi Bajri dhe Rea Qinami mundën dyshen Anna Soffia Gronholm dhe Sofia Soley Jonasdottir me rezultatin 6-2, 5-7, 6-4. Ndërkohë ekipi kombëtar ka korrur 1 fitore ndaj Islandës dhe 1 humbje ndaj Maqedonisë së Veriut, përballjet vijojnë nesër ku ekipi jonë do të ndeshet me ekipin e Moldavisë. I urojmë shumë suksese tenisteve tona të cilat po japin më të mirën në fushë!

Billie Jean King Cup 2023 Group III / Ekipi shqiptar i vajzave mund ekipin e Islandës Read More »

“Billie Jean King Cup by Gainbridge Europe Group III”, ekipi kombëtar në Shkup

Ekipi kombëtar i vajzave shqiptare të kategorisë së të rriturave ka mbërritur që ditën e djeshme në Shkup të Maqedonisë së Veriut ku po të stërvitet për ndeshjet e Kampionatit Botëror Ekipor të Femrave “Billie Jean King Cup by Gainbridge Europe Group III” që fillojnë nesër. Ekipi shqiptar i vajzave që përfaqësojnë Shqipërinë në “Billie Jean King Cup by Gainbridge Europe Group III” përbëhet nga: Gresi Bajri, Kristal Dule dhe Rea Qinami nën drejtimin e kapitenit Tedi Kaso. I urojmë shumë suksese ekipit tonë!

“Billie Jean King Cup by Gainbridge Europe Group III”, ekipi kombëtar në Shkup Read More »

Historike, Gresi Bajri fituese e turneut botëror U18 “ITF J30 Nikshiq Trebjesa Open 2023”

Gresi Bajri shkruan historinë! Gresi Bajri shpallet fituese e turneut botëror U18 “ITF J30 Nikshiq Trebjesa Open 2023” që u zhvillua në Mal të Zi. Tenistja shqiptare arrin të marrë për herë të parë titullin fituese tek një turne i këtij kalibri, titull i pa fituar më parë nga ndonjë tenist shqiptar. Në finale të “ITF J30 Nikshiq Trebjesa Open 2023” Gresi mundi me rezultatin 5-4(2), 4-0 kundërshtaren e saj nga Serbia Aleksandra Djokic, duke renditur Shqipërinë në vendin e parë në kategorinë U18 Femra. Ndeshjet e fituara në këtë turne ishin të njëpasnjëshme, ku përmendim në Gjysmëfinale Gresi Bajri mundi Marta Dobric nga Kroacia me rezultatin 5-4, 4-0; në Çerekfinale Gresi mposhti Maria Ivankovic nga Kroacia me rezultatin 4-1, 4-1; në 1/8 Finale Gresi Bajri mundi Anastasia Majic  nga Gjermania me rezultatin 6-4, 6-0; në 1/16 Finale Bajri arrin të fitojë ndaj Anastasia Timoshenko nga Rusia me rezultatin 6-3, 7-5. E përgëzojmë për këtë fitore tenisten tonë të mrekullueshme Gresi Bajri, e cila çdo ditë e më tepër po vendos tenisin shqiptar në dimensione të reja. Urime dhe suksese në vijim!

Historike, Gresi Bajri fituese e turneut botëror U18 “ITF J30 Nikshiq Trebjesa Open 2023” Read More »

“Durrësi Cup” shpall fituesit për kategoritë U12 dhe U16 Vajza/Djem

“Durrësi Cup” shpall fituesit për kategoritë U12 dhe U16 Vajza/Djem. Ky ishte turneu i rradhës i zhvilluar si bashkëpunim i FSHT me Tennis Plus Club në qytetin e Durrësit. Denis Gaba u shpall fitues me rezultatin 7-5, 6-4 dhe finalist Kledi Gaba në kategorinë U16 Djem. Anjel Hoxha fituese me rezultatin 7-5, 6-0 ndaj finalistes Ariel Sulovari në kategorinë U16 Vajza. Ares Ferhati rezulton fitues në finale me Arbër Dano me rezultatin 4-6, 7-5, 10-8 në kategorinë U12 Djem. Ola Dano shpallet fituese me rezultatin 6-1, 6-1 ndaj Kiara Boçi në kategorinë U12 Vajza. Falenderojmë organizatorin z.Maksim Prifti dhe kryegjyqtarin z.Përparim Zano, si dhe të gjithë tenistët pjesëmarrës duke i uruar suksese në vijim!

“Durrësi Cup” shpall fituesit për kategoritë U12 dhe U16 Vajza/Djem Read More »

Martin Muedini shpallet kampion kombëtar i Shqipërisë

Martin Muedini shpallet kampion kombëtar i Shqipërisë në tenis për kategorinë “Të rritur” për vitin 2023. Këtë fundjavë u zhvillua Kampionati Kombëtar për Meshkuj/Të rritur në Qendrën Kombëtare të Tenisit “National Sport Park” në Tiranë. Me pjesëmarrjen e rreth 25 lojtarëve kampionati pati ndeshje shumë të forta që kulmuan me finalen mes Martin Muedinit dhe Arbër Sulstarovës, e cila përfundoi me fitoren e Muedinit me rezultatin 6-7(6-8), 6-4, 6-3 dhe Sulstarova finalist. Gjysmëfinalistë të këtij kampionati rezultuan Kledi Gaba dhe Denis Gaba. I urojmë suksese në vijim të gjithë pjesëmarrësve.

Martin Muedini shpallet kampion kombëtar i Shqipërisë Read More »

Vitor Cabral në Shqipëri. Zhvillohet “ITF Parents Workshop Level 1”

Fillimi i këtij muaji shënoi vizitën e përfaqësuesit të Federatës Botërore të Tenisit, Vitor Cabral (ITF Development Officer Europe). Vitor Cabral organizoi kursin për të gjithë prindërit që kanë fëmijë të angazhuar në sportin e tenisit në Shqipëri “ITF Parents Workshop Level 1” në “National Sport Park” në Tiranë. Bashkë me njohuritë e prezantuara dhe diskutimet në këtë kurs prindërit u njohën me platformën online të Federatës Ndërkombëtare të Tenisit (ITF Academy), ku mund të gjejnë informacione dhe kurse të vlefshme përgjatë gjithë vitit. Gjatë vizitës së tij në Shqipëri, Vitor Cabral krijoi mundësinë e takimit me përfaqësues të klubeve të ndryshme dhe tenistëve në vend. Konkretisht ai ishte i pranishëm në klubet respektive të qyteteve si Tirana, Korça, Vlora dhe Shkodra, duke parë nga afër zhvillimet e arrituara, lojtarët më të talentuar, por edhe duke diskutuar problematikat që has çdo klub dhe federata si dhe projektet për të ardhmen. Për Cabral ishte hera e parë për të në disa prej këtyre qyteteve, ku në qytetin e Korçës realizoi një takim me kryebashkiakun Sotiraq Filo ku u bisedua për qëllimet e kësaj bashkie në të mirë të zhvillimit të mëtejshëm të tenisit në Korçë. Gjatë kthimit nga Korça, Vitor Cabral gjati kohën të ndalojë në Pogradec në një takim me zv.Kryetaren e Bashkisë Entela Gusho dhe përfaqësues të tjerë të kësaj bashkie. Ndër të tjera në këtë takim u diskutua rreth infrastrukturës së tenisit në qytet si element kyç për zhvillimin e këtij sporti. Vitor Cabral largohet me përshtypjet më të mira nga Shqipëria dhe me synime të reja bashkëpunimi mes Federatës Ndërkombëtare të Tenisit dhe federatës sonë.

Vitor Cabral në Shqipëri. Zhvillohet “ITF Parents Workshop Level 1” Read More »

“Korça Tournament” Fitues: 3 Gaba, Sulovari, Ferhati, Dano dhe Larti

“Korça Tournament” ishte turneu i rradhës i organizuar nga klubi i tenisit “Tenis Korça” në bashkëpunim me Federatën Shqiptare të Tenisit. Fitues në kategorinë U16 Meshkuj u shpall Denis Gaba pas finales me rezultatin 7-5, 7-5 ndaj Kledi Gaba. Në kategorinë U16 Vajza fituese u shpall Ariel Sulovari në finale me Kontaktsi Evdoxia nga Greqia me rezultatin 6-3, 6-4. Në kategorinë U12 Djem fitues u shpall Ares Ferhati dhe në U12 Vajza fituese rezultoi Ola Dano. Ndërsa në kategorinë U10 Djem fitues doli Jonis Gaba dhe në kategorinë U10 Vajza fituese u shpall Irina Larti.  I urojmë shumë suksese në vijim të gjithë tenistëve që u angazhuan në këtë turne të bukur.

“Korça Tournament” Fitues: 3 Gaba, Sulovari, Ferhati, Dano dhe Larti Read More »