Antalya 2022, Fitore nga Kledi Gaba dhe Emili Bilali
Vijojnë përballjet mes tenistëve U14 në turneun “ITF/Tennis Europe 14&Under Development Championships” në Antalia të Turqisë. Kledi GABA fiton me rezultatin 6-2, 6-2 kundrejt tenistit gjeorgjian Giorgi GVARDZELASHVILI. Emili BILALI fiton me rezultatin 6-1, 6-0 ndaj tenistes Madina BABAYEVA nga Azerbajxhani. Ndërsa Enki HYSENI humb në përballje me Iana SAMICHINA nga Moldavia me rezultatin 6-0,6-1. Damian METHASANI humb kundrejt tenistit Salidin RAMA nga Kosova me rezultatin 6-1, 6-0. Gjithashtu po zhvillohet “ITF/Tennis Europe 12&U Training Camp 2022” për kategorinë U12. Ndërkohë vijon stërvitja me trajnerët Elda VUKATANA, Tedi KASO dhe Maksi PRIFTI. (Shkurt 2022)
Fitorja e parë e ekipit kombëtar shqiptar në Antalia, Enki Hyseni
Enki HYSENI fiton me rezultat 6-3, 6-0 përballë Ayshan KARIMLI nga Azerbajxhani. Fitorja e parë e ekipit tonë në turneun e kategorisë U14 në Antalia të Turqisë. (Shkurt 2022)
Ekipi shqiptar në ITF/Tennis Europe 14&Under Development Championships and 12&U Training Camp 2022″ Antalya.
Ekipi kombëtar shqiptar i tenisit për Kategorinë U12 dhe U14 ka filluar sot programin “ITF/Tennis Europe 14&Under Development Championships and 12&U Training Camp 2022” Antalya. Kampi i trajnimit për kategorinë U12 si dhe Kampionati Zhvillimor i kategorisë U14 do të zgjasë dy javë, në të cilat tenistët shqiptarë të këtyre moshave do të na përfaqësojnë. Konkretisht për Kategorinë U12 tenistët: Anjel Hoxha, Alex Prifti dhe Ares Ferhati. Me trajnerë supervizorë Elda Vukatana dhe Maksim Prifti. Ndërsa për Kategorinë U14 tenistët: Emili Bilali, Enki Hyseni, Kledi Gaba dhe Damian Methasani. Me trajner supervizor Tedi Kaso. I urojmë shumë suksese tenistëve tanë të vegjël! (Shkurt 2022)
Ekipi shqiptar në aktivitetet e organizuara nga ITF dhe Tennis Europe, Antalia, Turqi.
Në Antalia të Turqisë, më datë 10-20 Dhjetor 2021, ekipi kombëtar shqiptar i moshave U12 dhe U14 marrin pjesë në aktivitetet e organizuara nga ITF dhe Tennis Europe. Ekipi kombëtar i moshave U12 vajza dhe djem po merr pjesë në aktivitetin “12&Under ITF/Tennis Europe Training Camp” dhe ekipi kombëtar i moshave U14 vajza dhe djem në “14&Under ITF/Tennis Europe Development Championships”. Ekipi shqiptar U14 përbëhet nga lojtarët: Ajri Hoxha, Amina Xhaferri, Kledi Gaba, Alex Prifti, të udhëhequr nga trajneri Maksim Prifti. Ndërsa ekipi shqiptar U12 përbëhet nga: Emeli Bilali dhe Alex Prifti, nën udhëheqjen e trajnereve: Elda Vukatana dhe Nikoleta Peti. I urojmë suksese dhe përfaqësim dinjitoz! (Dhjetor 2021)