Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

albania

Gresi Bajri fituese e turneut ndërkombëtar “Shkodra Open – Tennis Europe Junior Tour” U16

Gresi Bajri fituese e turneut ndërkombëtar “Shkodra Open – Tennis Europe Junior Tour” U16. Tenistja jonë kampione Gresi Bajri shpallet fituese pas finales me rezultat 6-3, 6-3 ndaj Sofiya Shymanska nga Ukraina. Fitoret e Gresi Bajrit tashmë janë të njëpasnjëshme! Ky ishte turneu i parë “Tennis Europe Junior Tour” i realizuar në qytetin e lindjes së Gresit, në Shkodër. Fitues në kategorinë Singles Djem u shpall Nikola Jovic nga Serbia pasi mundi në finale Vuk Krstajic nga Mali i Zi. Gjatë këtij turneu kishte rezultate të mira edhe nga tenistë të tjerë shqiptarë. Rea Qinami gjysmëfinaliste në Singles Vajza, Ajri Hoxha arriti të kalojë në Roundin e 2-të, Kledi Gabi kalon në Raundin e 2-të dhe shpallet gjysmëfinalist në Doubles Djem. Gresi Bajri në këtë turne ndërkombëtar shpallet fituese në kategorinë Singles dhe Doubles për vajza. I urojmë suksese në vazhdim Gresit e tenistëve të tjerë shqiptarë dhe atyre pjesëmarrës!

Gresi Bajri fituese e turneut ndërkombëtar “Shkodra Open – Tennis Europe Junior Tour” U16 Read More »

Shkodra Open / Pjesëmarrje rekord të tenistëve shqiptar në një turne Tennis Europe

Pjesëmarrje rekord të tenistëve shqiptar në një turne Tennis Europe ndodh në turneun ndërkombëtar “Shkodra Open” i kategorisë U16, që zhvillohet për herë të parë në qytetin e Shkodrës. •Plot 14 lojtarë shqiptarë, vajza dhe djem, do të ndeshen gjatë kësaj jave me tenistë nga vende të ndryshme të botës si nga: Australia, Italia, Ukraina, Polonia, Greqia etj. në kompleksin “Adriatic Tennis Park” në qytetin verior të Shqipërisë. •Numri i lartë i pjesëmarrjes nga tenistët shqiptar dëshmon edhe njëherë nivelin e lartë sportiv që këta lojtarë kanë arritur, duke qenë të kualifikuar të konkurrojnë me tenistë të talentuar nga shumë vende të botës. • Ndërkohë sot, në turneun “Shkodra Open” po zhvillohen ndeshjet kualifikuese. • I urojmë shumë fat të gjithë tenistëve pjesëmarrës!

Shkodra Open / Pjesëmarrje rekord të tenistëve shqiptar në një turne Tennis Europe Read More »

Gresi Bajri, tenistja e parë shqiptare fituese në Doubles ITF WTT Juniors U18

Suksesi i Gresi Bajrit në “J5 Peja – ITF WTT Juniors” shënon për herë të parë marrjen e trofeut të fituesit në Doubles nga një lojtar shqiptar në një turne botëror U18. Gresi Bajri arrin në çerekfinale në Singles dhe shpallet fituese në Doubles për Vajza së bashku me tenisten greke Alexandra Magia, pas fitores në finale kundër dyshes Anastasija Cvetkovic nga Serbia dhe Ana Mitevska nga Maqedonia e Veriut me rezultatin 1-6, 6-1, 12-10. Gresi fitoi 2 raunde të këtij turneu pas përballjesh të forta në Singles, si fillim me rezultatin 7-6(4), 6-1 ndaj tenistes malazeze Petra Mirkovic dhe raundin tjetër ndaj një prej tenisteve më të mira turke Melisa Ugur, me rezultatin 6-3, 6-4. Performanca e Gresi Bajrit në këtë turne botëror të zhvilluar në Pejë të Kosovës ishte e mekullueshme. Fitoret e tenistëve shqiptar tregojnë progres dhe nivel të admirueshëm, me rezultate që nuk janë arritur më parë në tenisin shqiptar, siç është edhe fitorja e Gresit së fundi. Krenar për teniste si Gresi Bajri dhe i urojmë suksese të tjera!

Gresi Bajri, tenistja e parë shqiptare fituese në Doubles ITF WTT Juniors U18 Read More »

Suksesi i tenistëve shqiptarë U12 në turneun ndërkombëtar

Për herë të dytë rresht që Enki Hyseni shpallet Finaliste në Doubles (pas turneut ndërkombëtar Podgorica Eminent U12 në Mal të Zi), Arbër Dano gjysmëfinalist në Singles, Anjel Hoxha gjyshmëfinaliste në Singles, Ares Ferhati çerekfinalist në Singles dhe Alex Prifti e Enki Hyseni fitues në Consolation. Suksesi i tenistëve shqiptarë U12 në turneun ndërkombëtar “National Sport Park Open”, ka vendosur standardin e tenistëve shqiptarë në turnetë e Tennis Europe në nivelin më të lartë. Në këtë turne konkuruan lojtarë të talentuar nga rreth 17 vende të botës ku u dëshmua edhe një herë se Shqipëria tashmë është në performancën e duhur të pretendojë për fitore në turnetë botërore të tenisit, pasi arriti rezultate që nuk janë realizuar më parë nga kjo kategori. E ardhmja për tenistët shqiptarë duket e ndritur dhe tejet premtuese. I urojmë shumë fat dhe fitore të tjera në vijim!

Suksesi i tenistëve shqiptarë U12 në turneun ndërkombëtar Read More »

Enki Hyseni Finaliste në Doubles!

Përfundoi me sukses turneut ndërkombëtar Tennis Europe “National Sport Park Open” për kategorinë U12 në Qendrën Kombëtare të Tenisit në Tiranë. Fituese në kategorinë Vajza Singles u shpall Nicole NAIDANOVA ndaj rumunes Jasmine Maria STROE me rezultatin 7-6(5) 6-0. Fitues në kategorinë Djem Singles u shpall Dominik KREMER pasi fitoi ndaj grekut Alexandros AVGERIS pas një dëmtimi që ky i fundit pati gjatë ndeshjes duke u tërhequr. Në kategorinë Vajza Doubles fituese u shpall dyshja Arina SYROEZHKINA dhe Jasmine Maria STROE nga Rumania ndaj tenistes së talentuar shqiptare Enki HYSENI dhe Nicole NAIDANOVA me rezultatin 6-2, 6-2. Në kategorinë Djem Doubles fuitues u shpallën dyshja Vladislav CHIBURAEV dhe Alastair Victor Joseph ARPUTHARAJ nga India ndaj italianit Lorenzo DI FLORIO dhe grekut Alexandros AVGERIS. Në kategorinë Boys Singles 12 Consolation fitues u shpall fitues shqiptari Alex PRIFTI pas fitores me tenistin turk Aras YALCINKAYA me rezultat 4-2, 4-1. Ndërsa në Kategorinë Girls Singles Consolation fituese u shpall Enki HYSENI me rezultat 1-4, 4-1, 10-5, ndaj tenistes malazeze Jana PESIC. Suksese të mëtejshme tenistëve pjesëmarrës!

Enki Hyseni Finaliste në Doubles! Read More »

Enki Hyseni dhe Anjel Hoxha finaliste në Podgorica Eminent Cup U12 Tennis Europe Junior Tour

Enki Hyseni dhe Anjel Hoxha shpallen finaliste në Doubles të turneut ndërkombëtar “PODGORICA EMINENT CUP U12 – Tennis Europe Junior Tour” në Mal të Zi. Enki HYSENI dhe Anjel HOXHA fitojnë ndaj dyshes Anja ADAMOVIC dhe Eva Angelina RADOMAN nga Mali i Zi me rezultat 6-1,6-1. Ata sigurojnë fitoren e rradhës ndaj dyshes Ieva BZHELENKO nga Estonia dhe ARIEL SULOVARI me rezultat 6-3, 6-1. Fitorja që i siguroj dyshes së vajzave shqiptare finalen e këtij turneu ndërkombëtar “Tennis Europe” ishte ndaj britanikes Hermione KORPANEC DAVIES dhe Arina SYROEZHKINA me rezultat 5-7, 7-5, 10-5 duke kaluar në finale kundër Milana KOLESOVA dhe Daria KONOVALOVA. Një përfaqësim tejet i arrirë i vajzava shqiptare. Ares FERHATI fiton me rezultatin e thellë 6-0, 6-0 një ndeshje Singles nfaj kundërshtarit gjerman Adrian NEUBERT. ARIEL SULOVARI arrin të sigurojë një fitore në Singles pas përballjes me kundërshtaren nga Estonia, Ieva BZHELENKO të cilën e mundi me rezultatin 6-4 6-4. Ndeshje të mira realizoi edhe lojtari Alex PRIFTI, i cili ishte pjesë e ekipit kombëtar U12. Urojmë shumë fat për të gjithë ekipin shqiptar dhe shpresojmë që të vijojnë sukseset e ekipeve shqiptare të tenisit në të gjitha kompeticionet ndërkombëtare.

Enki Hyseni dhe Anjel Hoxha finaliste në Podgorica Eminent Cup U12 Tennis Europe Junior Tour Read More »

Eminent Podgorica U12: 1 fitore në Singles dhe 1 në Doubles

Në turneun ndërkombëtar “Tennis Europe – EMINENT PODGORICA U12” të zhvilluar në Podgoricë të Malit të Zi, ekipi kombëtar shqiptar arriti të fitojë 2 ndeshje në kategorinë Singles dhe 1 ndeshje në kategorinë Doubles. Anjel HOXHA fitoi ndaj Iva CAMAJ me rezultatin 6-4, 7-5. Gjithashtu Anjel HOXHA dhe Enki HYSENI fitojnë një ndeshje doubles kundër dyshes Anja ADAMOVIC dhe Eva Angelina RADOMAN me rezultatin 3-6, 6-7(3). Ares FERHATI fitoi ndaj Islam DUISENGAZIN me rezultatin 6-1, 6-2 në Qualifying. Në këtë turne garuan edhe lojtarë të tjerë të ekipit shqiptar si: Alex Prifti Ariel Sulovari. I urojmë suksese ekipit kombëtar në tunetë e rradhës!

Eminent Podgorica U12: 1 fitore në Singles dhe 1 në Doubles Read More »

Podgorica Rio Verde U12: Ekipi shqiptar me 5 ndeshje të fituara

Ekipi shqiptar U12 me disa ndeshje të fituara në turneun europian “Podgorica Rio Verde U12” në Mal të Zi. Alex PRIFTI arriti të fitojë 2 ndeshje në kategorinë Djem Singles kundër Massimo IVOVIC nga SHBA me rezultatin 7-6(0), 4-6, 11-9 dhe kundër Vladislav CHIBURAEV me rezultatin 3-6, 6-4, 10-7. Ares FERHATI fitoi një ndeshje ndaj Leo Luka KORUGA nga Kroacia me rezultatin 6-3 6-2. Anjel HOXHA fitoi me rezultatin 6-2 6-4 ndaj Sara CAMAJ nga Mali i Zi.  Enki HYSENI fitoi me rezultatin 4-6, 6-2, 10-7 ndaj Meriem EL BEJI nga Tunizia. Në këtë turne pjesë të ekipit kombëtar ishte dhe Ariel SULOVARI. I urojmë suksese të tjera ekipit kombëtar shqiptar U12 në turnetë e rradhës.

Podgorica Rio Verde U12: Ekipi shqiptar me 5 ndeshje të fituara Read More »

Ekipi kombëtar mbyll garën në “EYOF 2022” në Banska, Bystrica, Sllovaki

Arlis Muka dhe Amina Xhaferi mbyllin garën në “Festivalin Europian Rinor Veror EYOF 2022” në Banska, Bystrica, Sllovaki. Arlis Muka u përball me lituanezin Julius Aleksandrovas, ndërsa Amina Xhaferi ndaj Marie Slamenikova. Pavarësisht lojës së mirë tenistët shqiptarë nuk arritën të siguronin fitore. I urojmë suksese lojtarëve tanë në kompeticione të tjera!  

Ekipi kombëtar mbyll garën në “EYOF 2022” në Banska, Bystrica, Sllovaki Read More »

Davis Cup 2022: Shqipëria triumfon 2-1 mbi Andorën

Shqipëria triumfon mbi Andorën në turneun botëror të djemve “Davis Cup 2022 – Group IV” në Baku të Azerbajxhanit në ndeshjen e play offit. Rezultati i kësaj përballje ishte 2-1 për ekipin shqiptar. Në ndeshjen e parë tenisti shqiptar Martin Muedini fitoi me rezultatin 6-3, 6-3 ndaj Jordi Trilla Clanchet. Në ndeshjen e dytë Mario Zili arriti të mposhtë kundërshtarin Eric Cervos Noguer me rezultatin 6-3, 6-3. Në ndeshjen e tretë / double, dyshja nga Andora fiton me rezultatin 6-2, 6-2 ndaj ekipit shqiptar. Kjo përballje mbyllet me fitoren e djemve shqiptar me rezultatin 2-1. I urojmë suksese të tjera djemve tanë!

Davis Cup 2022: Shqipëria triumfon 2-1 mbi Andorën Read More »