Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

2023

Fituesit e “Tennis Europe – Tirana Open Junior Tour U14”

Shpallen fituesit e turneut ndërkombëtar “Tennis Europe – Tirana Open Junior Tour U14” të organizuar këtë javë në Qendrën Kombëtare të Tenisit “National Sport Park” në Tiranë. Në kategorinë U14 Djem Singles fitues u shpall Mattia LOGRIPPO nga Italia pas finales me Jozef KARAS nga Sllovakia me rezultatin 6-3, 1-6, 6-2. Në kategorinë U14 Vajza Singles fituese doli Kristina KRUCHENKO pas finales me bashkëkombësen e saj nga Kazakistani, Ruslana RUSLANOVA me rezultatin 6-2, 6-3. Në kategorinë U14 Djem Doubles fitues doli dyshja nga Italia, Edoardo GALLO dhe Marco MEACCI ndaj dyshes Timur GORDEEV dhe Blazej KRZYSKO nga Polonia me rezultatin 6-1, 6-3. Në kategorinë U14 Vajza Doubles fituese u shpallën Linara BULESHEVA dhe Kristina KRUCHENKO nga Kazakistani me rezultatin 6-4, 6-3 ndaj dyshes italiane Sofia CADAR dhe Diletta D’AMICO. Drejtori i këtij turneu Albi Sulo dhe Kryegjyqtari Çetin Keciçi shprehen të kënaqur me pjesëmarrjen dhe mbarëvatjen e këtij turneu ndërkombëtar në kryeqytetin shqiptar. I urojmë suksese në vijim të gjithë tenistëve junior pjesëmarrës!

Fituesit e “Tennis Europe – Tirana Open Junior Tour U14” Read More »

“Tirana Open U12 – Tennis Europe Junior Tour” shpall fituesit

U mbyll me sukses turneu ndërkombëtar “Tirana Open U12 – Tennis Europe Junior Tour” në Qendrën Kombëtare të Tenisit “National Sport Park” në Tiranë. Fitues në kategorinë Djem Singles u shpall Mikolaj SOLARZ nga Polonia pas finales me rezultatin 3-6, 7-6(3),10-8 ndaj Enzo BRITO nga Suedia. Fituese në kategorinë Vajza Singles u shpall Zeliha Nil ÇUKURLUOGLU nga Turqia e cila mundi në finale me rezultatin 6-3,6-2 Eda-Lara SACIROVIC nga Bosnje Hercegovina. Në kategorinë Doubles Djem fitues u shpallën Mikolaj SOLARZ nga Polonia dhe Aliksandr VIARSOTSKI kundër maqedonasit Marko ALEKSOVSKI dhe italianit Paolo CARROCCIO me rezultatin 2-6, 7-6(8),10-7. Në kategorinë Doubles Vajza fituese u shpallën Maria Sophia BAJDECHI [nga Rumania dhe Altea CIENO nga Italia me rezultatin 6-0, 6-0 ndaj dyshes Margarita KHUSANOVA dhe Farina SYROEZHKINA. Në kategorinë Vajza Consolation fituese doli Arina SYROEZHKINA me rezultatin 4-0, 4-1 ndaj Lisa Erika NOTHDURFT nga Gjermania. I urojmë suksese dhe fat të gjithë fituesve dhe tenistëve pjesëmarrës dhe përgatitemi për turneun ndërkombëtar të rradhës “Tennis Europe – Tirana Open Junior Tour U14” në Tiranë.

“Tirana Open U12 – Tennis Europe Junior Tour” shpall fituesit Read More »

Ares Ferhati, në çerekfinale të turneut ndërkombëtar “Tirana Open – Tennis Europe Junior Tour”

Ares Ferhati arrin në çerekfinale të turneut ndërkombëtar “Tirana Open – Tennis Europe Junior Tour” që po zhvillohet në Qendrën Kombëtare të Tenisit “National Sport Park” në Tiranë. Ferhati mundi me rezultatin e thellë 6-0, 6-0 kundërshtarin e tij nga Turqia Aden Berk Van dhe i siguroi vetes çerekfinalen e këtij turneu të rëndësishëm. Sot Ares Ferhati do të përballet me tenistin gjerman Richard Chanbour. Po ashtu Anjel Hoxha fitoi ndaj Defne Yasar nga Turqia me rezultatin 4-0, 4-0 duke shkuar kështu në gjysmëfinale Consolation. I urojmë fitore të tjera në vijim tenistëve shqiptar!

Ares Ferhati, në çerekfinale të turneut ndërkombëtar “Tirana Open – Tennis Europe Junior Tour” Read More »

“Tirana Open – Tennis Europe Junior Tour U12”

Në Qendrën Kombëtare të Tenisit “National Sport Park” në Tiranë po zhvillohet turneu ndërkombëtar “Tirana Open – Tennis Europe Junior Tour” për kategorinë U12 vajza dhe djem. Në këtë turne marrin pjesë tenistë nga vende të ndryshme të botës si Gjermani, Itali, Turqi, Poloni etj. por edhe tenistë shqiptarë. Në përballjet e para dje mes tyre janë arritur edhe fitoret e para të tenistëve shqiptarë, ku: Ares Ferhati fitoi me rezultatin 6-1, 6-3 ndaj Kiril Kruglyk nga Ukraina ndërsa sot fitoi ndaj Sergio Buccarella me rezultatin e thellë 6-1, 6-0 Arbër Dano fitoi me Vasilij Zakoski nga Maqedonia e Veriut me rezultatin 6-2, 6-3. Drejtor turneu i “Tirana Open – Tennis Europe Junior Tour” është Albi Sulo dhe Kryegjyqtar Çetin Kesici. I urojmë suksese të gjithë tenistëve tanë sot por edhe në vazhdim.

“Tirana Open – Tennis Europe Junior Tour U12” Read More »

“Shkodra Open – Tennis Europe Junior Tour” – Arbër Dano dhe Anjel Hoxha kalojnë në çerekfinale

Arbër Dano dhe Anjel Hoxha kalojnë në çerekfinale të turneut ndërkombëtar “Shkodra Open – Tennis Europe Junior Tour” për kategorinë U12 vajza dhe djem. Arbër Dano fitoi me rezultatin 7-6, 6-4 ndaj Ivan Hristakiev nga Bullgaria duke i siguruar vetes çerekfinalen e këtij turneu. Anjel Hoxha do të përballet sot në çerekfinale për vajza me tenisten malazeze Anja Drekaloviç ndërsa Arbër Dano me tenistin Marko Aleksovski nga Maqedonia e Veriut për djem. I urojmë shumë suksese tenistëve tanë!

“Shkodra Open – Tennis Europe Junior Tour” – Arbër Dano dhe Anjel Hoxha kalojnë në çerekfinale Read More »

Arbër Dano dhe Anjel Hoxha kalojnë në çerekfinale të turneut ndërkombëtar “Shkodra Open – Tennis Europe Junior Tour” U12

Në qytetin e Shkodrës po zhvillohet turneu ndërkombëtar “Shkodra Open – Tennis Europe Junior Tour” për kategorinë U12 vajza dhe djem. Në këtë turne marrin pjesë tenistë nga vende të ndryshme si Armeni, Bullgari, Itali, Austri, Kazakistan etj. por edhe tenistë shqiptarë. Në përballjet e para mes tyre janë arritur edhe fitoret e para të tenistëve tanë ku: Arbër Dano fitoi me rezultatin 6-2, 6-3 ndaj tenistit malazez Mathis Dedvukaj, Glora Bushati fitoi ndaj Reina Selmanaj nga Kosova me rezultatin 6-0, 6-2, Anjel Hoxha fitoi ndaj Stasa Globarevic nga Mali i Zime rezultatin 6-3, 6-4, Po ashtu Anjel Hoxha fitoi edhe ndaj Naz Dedeoglu nga turqia me rezultat 6-3, 6-3 Ares Ferhati fitoi ndeshjen ndaj Constantin Schmid nga Austria me rezultatin 6-3, 6-2. Arbër Dano dhe Anjel Hoxha kalojnë në çerekfinale të turneut ndërkombëtar “Shkodra Open – Tennis Europe Junior Tour” për kategorinë U12 vajza dhe djem. Arbër Dano fitoi me rezultatin 7-6, 6-4 ndaj Ivan Hristakiev nga Bullgaria duke i siguruar vetes çerekfinalen e këtij turneu. Anjel Hoxha do të përballet sot në çerekfinale për vajza me tenisten malazeze Anja Drekaloviç ndërsa Arbër Dano me tenistin Marko Aleksovski nga Maqedonia e Veriut për djem.  “Shkodra Open – Tennis Europe Junior Tour” po zhvillohet në kompleksin “Adriatic Tennis Park” me drejtor turneu Kliti Hoti dhe kryegjyqtar Çetin Kesici. I urojmë shumë suksese tenistëve tanë!

Arbër Dano dhe Anjel Hoxha kalojnë në çerekfinale të turneut ndërkombëtar “Shkodra Open – Tennis Europe Junior Tour” U12 Read More »

Turneu “NSP Junior” shpall fituesit

Ka përfunduar me sukses këtë fundjavë turneu “NSP Junior” për kategoritë ROG, U10, U12 dhe U14 Vajza dhe Djem në Qendrën Kombëtare të Tenisit “National Sport Park”, Tiranë. Fitues i kategorisë U14 Djem u shpall Denis Gaba pas finales me Alex Priftin me rezultatin 6-2, 6-2. Enki Hyseni u shpall fituese në kategorinë U14 Vajza pas fitores me rezultatin 6-4, 6-0 ndaj Ariel Sulovarit. Në kategorinë U12 Djem fitues u shpall Ares Ferhati pasi mundi në finale Arbër Danon me rezultatin 6-1, 6-4. Në kategorinë U12 Vajza fituese u shpall Anjel Hoxha me rezultatin 6-2, 6-1 në finale ndaj Ola Danos. Në kategorinë U10 Djem fitues rezultoi Joni Gaba ndërsa në kategorinë U10 Vajza fituese u shpall Lina Rexha. Në kategorinë U9 Vajza fituese u shpall Katalea Preni dhe U9 Djem fitues rezultoi Akid Pistorja. I urojmë shumë suksese të gjithë tenistëve pjesëmarrës dhe fituesve!

Turneu “NSP Junior” shpall fituesit Read More »

Federata Shqiptare e Tenisit merr çmim nga Federata Botërore e Tenisit (ITF)

Për herë të parë në historinë e tenisit shqiptar, Presidenti Ferdinand Sulo dhe Sekretari i Federatës Shqiptare të Tenisit Klaus Bardeli morën në dorëzim çmim nga Federata Boterore e Tenisit ITF p%r Federatën Shqiptare të Tenisit. Trofeu u dorëzua nga Presidenti i Federatës Ndërkombëtare të Tenisit (ITF) David Haggerty dhe Presidenti i Federatës Europiane të Tenisit (Tennis Europe) Ivo Kaderka në ceremoninë e organizuar nga në Mbledhjen Vjetore të Përgjithshme në Barcelonë të Spanjës me motivacionin “Vlerësim për përparimin e shkëlqyer në zhvillimin e tenisit”. Një çmim i tillë nuk ishte marrë kurrë nga Shqiperia dhe as nga shumë vende në botë. Me këtë çmim vlerësohet maksimalisht puna profesionale e stafit të FSHT, zmadhimi i investimeve dhe rritja e tenisit, i cili dukshëm është zhvilluar gjatë viteve të fundit në vend.

Federata Shqiptare e Tenisit merr çmim nga Federata Botërore e Tenisit (ITF) Read More »

Albanian Bowl Tournament: Fitues Kledi Gaba, AnaTereza Guli, Denis Gaba, Ares Ferhati, Anjel Hoxha

“Albanian Bowl Tournament” ishte turneu i rradhës i Federatës Shqiptare të Tenisit dhe Shkodra Tennis Club i kategorisë U12, U14 dhe U18 i zhvilluar në Shkodër këtë fundjavë. Fitues i kategorisë U18 Djem u shpall Kledi Gaba pas finales me tenistin malezez Belmin Sabovic, ndërsa në kategorinë U18 Vajza fituese rezultoi Anatereza Guli në finale me Ajri Hoxhën. Fitues i kategorisë U14 Djem u shpall Denis Gaba dhe finalist Alex Prifti, ndërsa në kategorinë U14 Vajza fituese doli Eva Radoman pasi mundi në finale Nadia Knezeci po nga Mali i Zi. Fitues në kategorinë U12 Djem rezultoi Ares Ferhati pas finales me Arbër Danon, kurse për kategorinë U12 Vajza fituese u shpall Anjel Hoxha dhe finaliste Stasa Glaborevic nga Mali i Zi. Falenderojmë të gjithë tenistët pjesëmarrës dhe i urojmë suksese në vijim!

Albanian Bowl Tournament: Fitues Kledi Gaba, AnaTereza Guli, Denis Gaba, Ares Ferhati, Anjel Hoxha Read More »