Federata Shqiptare e Tenisit

Trajnerët
Lojtarët

info@albaniantennis.com

Facebook Instagram Twitter Linkedin
Menu

Klaus Bardeli

Ekipi shqiptar në aktivitetet e organizuara nga ITF dhe Tennis Europe, Antalia, Turqi.

Në Antalia të Turqisë, më datë 10-20 Dhjetor 2021, ekipi kombëtar shqiptar i moshave U12 dhe U14 marrin pjesë në aktivitetet e organizuara nga ITF dhe Tennis Europe. Ekipi kombëtar i moshave U12 vajza dhe djem po merr pjesë në aktivitetin “12&Under ITF/Tennis Europe Training Camp” dhe ekipi kombëtar i moshave U14 vajza dhe djem në “14&Under ITF/Tennis Europe Development Championships”. Ekipi shqiptar U14 përbëhet nga lojtarët: Ajri Hoxha, Amina Xhaferri, Kledi Gaba, Alex Prifti, të udhëhequr nga trajneri Maksim Prifti. Ndërsa ekipi shqiptar U12 përbëhet nga: Emeli Bilali dhe Alex Prifti, nën udhëheqjen e trajnereve: Elda Vukatana dhe Nikoleta Peti. I urojmë suksese dhe përfaqësim dinjitoz! (Dhjetor 2021)

Ekipi shqiptar në aktivitetet e organizuara nga ITF dhe Tennis Europe, Antalia, Turqi. Read More »

Kampionati Kombëtar Ekipor i Tenisit, për herë të parë në Shqipëri. Vijojnë përballjet.

KAMPIONATI EKIPOR: Pas humbjes së “Tennis Tirana” ndaj “Tennis Plus E&M” me rezultatin 3-0, dje dhe sot u zhvilluan ndeshjet ekipore ndërmjet “Tennis Plus E&M” dhe “Shkodra Tennis” përkatësisht në Durrës dhe në Shkodër ku në të dyja përballjet fitoi “Shkodra Tennis” me rezultatin 2-1. Ndeshjet ishin me rivalitet të fortë e plot emocion. Në fundjavë pritet të zhvillohen ndeshjet ndërmjet “Tennis Teuta”, “Tennis Korça” dhe “Tennis Eralb Club(NSP)”. (Dhjetor 2021)

Kampionati Kombëtar Ekipor i Tenisit, për herë të parë në Shqipëri. Vijojnë përballjet. Read More »

“Shkodra Indoor” U12 dhe U16

Turneu “Shkodra Indoor” zhvilloi përballjet e kategorive U12 dhe U16 në datat 03-05 Dhjetor 2021 në qytetin e Shkodrës. Fituese në kategorinë U12 për vajza u shpall Anja DREKALOVIC nga Mali i Zi pas një përballje të fortë me Nikoleta NAYDANOVA nga Rusia me rezultatin 6-3, 7-5; ndjekur nga Emili BILALI, Anjel HOXHA, Sara CAMAJ, Enki HYSENI. Në kategorinë U12 për djem fitues rezultoi Matija NIKIC nga Mali i Zi, i cili fitoi me rezultatin 6-4, 7-6(2) ndaj Alex PRIFTI nga Shqipëria; të ndjekur nga Ares FERHATI, Diar YMERI, Rei DAKOLI, Olger QARRI, Timoteo ARAPI, Denis GABA. Gresi BAJRI nga Shqipëria u shpall fituese në kategorinë U16 për vajza në një përballje me Altea HAJRIZI nga Kosova me rezultatin 6-1,6-1; ndjekur nga Juna DANI, Ena DORKOVIC, AnaTereza GULI, Ajri HOXHA, Lejla SIJARIC, Kejsi LOHJA. Për djem fitues në kategorinë U16 doli Skënder KATANA nga Mali i Zi kundrejt Drinor SHAMOLLI nga Kosova me rezultatin 6-1, 6-1. Organizimi ishte nën kujdesin e z. Alban DANI dhe Dino MEHMEDOVIQ (zyrtarë të turneut) dhe z. Aiger SULO (kryegjyqtar). Rezultatet më të detajuara të turneut mund t’i ndiqni në: https://courthive.com/live/FSHT (Dhjetor 2021)

“Shkodra Indoor” U12 dhe U16 Read More »

Takim me kryetarin e Bashkisë së Tiranës z.Erion Veliaj

Një takim me kryetarin e Bashkisë së Tiranës z.Erion Veliaj u zhvillua me objektiv zhvillimin e mëtejshëm të tenisit në vendin tonë dhe rritjen e bashkëpunimit me vendet jashtë Shqipërisë. Të pranishëm në takim ishin Presidenti i KOKSH, z.Fidel Ylli, Sekretari i Përgjithshëm i KOKSH, z.Gerti Shima, Presidenti i FSHT, z.Ferdinand Sulo, Sekretari i Përgjithshëm i FSHT, z.Klaus Bardeli dhe Zv.Presidenti i Federatës së Tenisit në Sri Lanka, z.Suresh Subramaniam. (Dhjetor 2021)

Takim me kryetarin e Bashkisë së Tiranës z.Erion Veliaj Read More »

Takim me Ministren e Arsimit dhe Sportit Znj. Evis Kushi

Një takim me Ministren e Sportit Znj. Evis Kushi u zhvillua sot me përfaqësues të KOKSH, Presidentit z. Fidel Ylli dhe Sekretarit të Përgjithshëm z.Gerti Shima. Të pranishëm ishin Presidenti i FSHT, z.Ferdiand Sulo, Sekretari i Përgjithshëm i FSHT, z. Klaus Bardeli si dhe Presidentit të Komitetit Olimpik, njëkohësisht Zv.Presidentit të Federatës së Tenisit në Sri Lanka, z.Suresh Subramaniam. Në takim u diskutua për përmirësimin e legjislacionit shqiptar për sportin dhe mbështetjen e tenisit shqiptar me strategji zhvillimore. Rëndësi e veçantë ju dha bashkëpunimit mes Federatës Shqiptare të Tenisit dhe Federatës së Tenisit të Sri Lankës. (Dhjetor 2021)

Takim me Ministren e Arsimit dhe Sportit Znj. Evis Kushi Read More »

Presienti i KOKSH, Fidel Ylli mirëpret Suresh Subramaniam dhe FSHT

U zhvillua me ftesë të Presidentit të KOKSH z.Fidel Ylli ndërmjet Presidentit të Komitetit Olimpik njëkohësisht Zv.Presidentit të Federatës së Tenisit në Sri Lanka, z.Suresh Subramaniam dhe përfaqësuesve të FSHT, Presidentit z.Ferdinand Sulo dhe Sekretarit të Përgjithshëm z.Klaus Bardeli. Në këtë takim u nënshkruan marrëveshje bashkëpunimi mes dy Komiteteve Olimpike si dhe zgjerimi i bashkëpunimit mes dy fedratave të tenisit, asaj shqiptare dhe asaj të Sri Lankës. Në fund të takimit u shkëmbyen dhurata simbolike. (Dhjetor 2021)

Presienti i KOKSH, Fidel Ylli mirëpret Suresh Subramaniam dhe FSHT Read More »

Fituesit e kategorive U10, U1, U14 të turneut “Shkodra Indoor”

Përfundoi me sukses Turneu “Shkodra Indoor” i zhvilluar në datat 27-28 Tetor 2021, në qytetin e Shkodrës, i organizuar nga FSHT dhe klubi sportiv “Shkodra Tennis Club”. Në këtë turne morën pjesë 32 djem e vajza nga klubet dhe shoqatat e tenisit nga i gjithë vendi që garuan në kategoritë U10 dhe U14. Vendin e parë në U10 për djem e fitoi Ares FERHATI, ndërsa për vajza triumfoi Eva Angelina RADOMAN. Vendin e parë në U14 për djem e fitoi Kledi GABA, i cili mposhti tenistin Damjan METHASANI me rezultatin me rezultatin 7-5, 7-5, të ndjekur nga Arlis MUKA dhe Denis GABA. Vendin e parë në U14 për vajza e meritoi Ajri HOXHA e cila fitoi ndaj tenistes AnaTereza GULI me rezultatin 6-4, 6-4, ndjekur nga Emeli BILALI dhe Enki HYSENI. Organizim i bukur nën drejtimin e z. Alban DANI dhe Dino MEHMEDOVIQ (zyrtarë të turneut) dhe z. Bati VARFI (kryegjyqtar). Rezultatet më të detajuara të turneut mund t’i ndiqni në: https://courthive.com/live/FSHT (Nëntor 2021)

Fituesit e kategorive U10, U1, U14 të turneut “Shkodra Indoor” Read More »

Shpallen triumfuesit në turneun “Tennis Plus Open” në Durrës

Triumfues në turneun “Tennis Plus Open”  të zhvilluar në Durrës më 12-14 Nëntor ishin: Për kategorinë U10 Djem u shpall fitues  Ares FERHATI pas një përballje në finale me Arbër DANO me rezultatin 4-1,4-0, të ndjekur nga Ditan MULLIQI, Temircan KUSSAINOV dhe Kristo TOMORRI. Ndërsa në kategorinë U10 Vajza, fituese doli Anjel HOXHA ndaj Glora BUSHATI me rezultatin 4-0,4-0, ndjekur nga Aiza SUBASHI dhe Vivien JORGONI. Për kategorinë U12 Djem, pas një përballje me rezultat 7-5, 6-7(1), 13/11, fitues rezultoi Alex PRIFTI, i ndjekur nga finalisti Deis GABA dhe Olger QARRI, Luis MARKU. Në kategorinë U14 Vajza, fituese u shpall AnaTereza GULI ndaj Ajri HOXHA me rezultatin 7-5, 6-3, të ndjekura nga Enki HYSENI, Kejsi KALUSHI, Amina XHAFERRI dhe Onejsa MERKASHI. Fitues në kategorinë U14 Djem rezultoi Arlis MUKA me rezultatin 6-3, 6-3 ndaj Damian METHASANI, të ndjekur nga Kledi GABA dhe Oniks SHKURTA. Në këtë turne morën pjesë 37 lojtarë dhe organizator ishte FSHT dhe klubi Tennis Plus E&M. Rezultatet më të detajuara mund t’i gjeni në linkun: https://courthive.com/live/FSHT (Nëntor 2021)

Shpallen triumfuesit në turneun “Tennis Plus Open” në Durrës Read More »